雪霸(半胸像)
今次用左一個星期整，因為呢件出得好正，基本上無咩位要執。都係執下分模線就ok。金邊位、銀色位手油，其他都係噴。心口玩下碎花+陰影等佢無咁單調。手油d金邊油左差唔多三粒鐘，手都軟晒@O@。肉作一件，希望唔傷眼就好m(_ _)m













[ 本帖最後由 dandan 於 2012-9-25 12:50 PM 編輯 ]

大師兄，金邊係手油的…
心口係透明黃，再調隻透明綠噴邊，再調深少少透明綠打最邊沿

心口位都係照ya大既碎花紋做法再做少少改動。先噴黑，再上一層光油，然後用海棉印銀色上去(分佈就按個人喜好了，可以用唔同疏密海棉去做，會更有效果。位置上就睇你想邊d位現到將會上既透明色)。之後上透明黃、然後再用打陰影手法，係透明黃加少少gaia純色綠做左隻帶青的透明色，再預留中間位唔噴，其他位上。最後再加多少少純色綠係最邊沿噴多次，令邊位更深綠，漸變效果更好。
隻胸像大約…最高係翼，連翼約33cm高。主體連地台大過mg少少

咁好彩隻model master gold好岩手油，又無咩筆痕。所以先夠膽練習手油咋。
比著用其他油，一定無咁順眼

這個嘛，係溝出黎既白色。
先落d gaia 珍珠銀，再加少少純色藍同紫等銀色呈現少少藍而又帶冷金屬既感覺。再逐少加白色直到介乎粉藍到白的程度。本身溝完仲帶粉藍色，但噴上去因為gaia EX白遮蓋力較高所以覺得好白。
噴完呢隻色後，加少少灰、藍、紫色調深噴陰影，再調番少少白造漸變(順便修飾噴得唔好既陰影)，最後用番主色推高光位，等陰影位幼身d同漸變得暢順d。最後當然手油金前打番一兩層光油，萬一油衰左可以抹得乾淨d

咁…你點得太多…
我都係一口氣油一層，乾左之後睇下有無位上唔到色先補多下。等一日差唔多乾晒可以再上光油。

當時仲係賣十五蚊，點知個老細話個個買只係買金銀，結果其他色都賣唔出…曾經一度斷市。
btw,佢隻紅色都好鮮好正!

睇唔到?我剛剛開都無問題喎:/
由facebook link過來，應該唔會死圖的。

下?有d共既樹!唔得，公開左先:D

兩位又抽水…

精緻都係出得好姐 真係慳好多功夫!
上色好就唔敢當m(_ _)m

本來想月聚拿佢出來，點知突然同我講星期五果日要去上水開工…
有矛兄弟可以幫我keep住，星期五帶佢出去

你唔嫌我整得核突，我咪聽日帶過黎你度暫放住先，順便交低d野。(聽日係鬼爺係鋪呀可? )

你咪玩啦…
一來唔夠班，二來我唔中意興趣當生意，會令興趣變厭惡架

幾點開舖?一於過黎放低比你m(_ _)m

地台現成買番來嘛
陰影方面都係功力有限，盡力而為

你地造票!!!逼我出神圖!!!!

別轉移視線，你果隻第一喎!請食飯

你地班造票機器…
唔理了，潛水先!