其實都係因為有c hing砌得太靚，自己又想學人，可惜砌得５好！而且一方面做左CD rom太耐，一方面又因為砌得太辛苦，所以出post...

好奇怪？主色揀左用307藍灰色，但而家影出黎覺得似係暖灰色...
後補一Ｄ半完成未加工前o既相！

呢隻yamato出o既SDF-1其實諗左好耐，一初出果陣真係幾貴下，買５落手，後來至知原來佢有出一盒同款o既assembly kit，再加上係網上見到有個c hing整得好靚，於是明知成品只係貴500都走去買左呢盒...

買左先至知呢盒係地獄黎，說明書分拆兩本，其中一本叫變形說明書，內容大部份係為左裝番炮塔同遮螺絲位用o既零件指示，但組立果本說明書冇講，你要兩本一齊睇至知道有冇砌漏野，然後仲有附加一張紙，係將組立說明書上錯誤o既地方用文字方法重新修訂（佢叫做正誤表）但因為純日文，要靠估至知（畫錯或指示錯誤o既地方居然有成7項）仲有另一張紙算係補遺漏，好彩圖文並茂....當中最弊弊弊o既地方就係，零件居然冇編號，只有靠說明書頭3-4頁畫o既平面圖去提供，每cut 一粒零件，都要去番頭幾頁對照一下....

...然後就係螺絲，真係救命，螺絲分（Ａ﹣Ｍ），總共13款，全部我諗有150-200粒，yamato只係用三個膠袋仔袋埋一齊...花一晚時間就係將佢地分番開，最後發現多左兩粒（Ｈ），小左兩粒（Ｉ），後來都冇埋，砌到至算！

仲有就係有Ｄ小錯誤居然冇補漏，仍然係砌果時至發現...當中比較意外係，普通模型膠水原來５痴呢種膠質，咁唯有用AA膠痴，但痴完打磨居然會裂番開見番夾口...砌到咁就真係有Ｄ心灰意冷...

呢盒assembly kit有附送夜光貼，水貼同蝕刻片，仲有強攻型時果兩個損壞主炮零件！水貼冇用過，而蝕刻片上每粒蝕刻居然仲有刻紋，但我知自己打磨完會噴底灰同上色，咁相信所有蝕刻片刻紋應該都會冇晒，而且我廢事變形時整甩蝕刻片，於是全部放棄，改用0.5mm膠片跟蝕刻片外型去逐粒cut出黎，但我只係cut左一半就放棄...

艦身除左本身detail足夠外，自己亦將蝕刻片變膠片貼上，但因為冇cut晒，所以只加係Ｄ重要顯眼位置就算，再用1mm鑽嘴追加細窗同加小量高達炮塔仔同藍色警示燈，當係補上Ｄ細緻位咁。

因為自己只係砌過有井1/8000果隻macross，當年仲白白痴痴咁先噴七彩色再逐粒做mask扮窗口漏光，到今日至完成到當年心願，不過仍然及５上果位c hing手藝，真係失望！

艦入面左腳係城市，yamato都有做番出黎，唯一覺得奇怪係一個城市入面有一個半球體再被挖空一忽既建築物，當初５知係乜黎，直至隻腳拉好電線同燈時，番睇劇場版至知，原來果個係體育館，明美係果樹開演唱會...應該係淺啡色，我油左銀色...劇中仲有一個場境，係明美發現一條輝一腳踏兩船時，嬲到走番去佢地第一次約會時果個大窗台公園呆坐，yamato都有做番出果個窗台出黎，果然有heart！
但yamato最冇heart係點解５造番TV版出黎？我比較鍾意戴頓斯同普羅米修斯兩隻艦！SDF-1強攻型時所使出o既戴頓斯攻擊，先至叫做變強攻型後o既精綷！

燈嘅效果好豐富多采. 黑夜中好正

反而在無着燈時, d 藍色顯示燈太大粒, 有d外眼.

如果灰色地方加噴少少陰影會好d. 同埋有d水口未磨.

夜光效果好強好美觀, 是夜光貼紙嗎?? 虛心學習中

PS: 連AA都爆個下真係真心體會到好無助

好正 ! ~ 絕對係心機之作，上色好細緻，燈位比我真係做到眼都花，有 feel 之作 ! ~

第一至第三張圖連續睇好有 feel，d 動畫片段返晒黎，有心思，回味中 .... ~

睇完樓主既文字解說，想像到當中既辛酸 ! 而且樓主一定係忠實菜迷 ~

主色揀左用307藍灰色，但而家影出黎覺得似係暖灰色... ----> 咁睇黎實物一定會更靚 ~

同意樓上 simmonelai 兄所講，有部分藍色燈仔較大粒有少少礙眼，不過問題不大 ~

多謝c hing指點！原來冇著燈時透明藍色零件太大粒，自己睇又從來冇發現，局外人果然睇得透澈Ｄ！感謝！
灰色地方再噴多Ｄ陰影＋水口未磨，明白，都怪自己越砌越冇心機，但呢點冇得賴人，thanks！

感謝c hing！當中部份綠色圓粒同方型係連模型附送o既夜光貼黎，之後自己再加螢光黃，螢光粉紅同螢光橙（當係紅黃綠訊號燈咁）
夜光貼紙發光能力好弱，當熄燈後大概五分鐘內就會失效，所以要效果好，要用紫外光燈去照！（但請十分十分留意，紫外光燈著時千祈５好用肉眼望，網上話對視力構成危險！）

多謝c hing欣賞！本來真係想用番電影版果種角度去拍，但紙５夠大，一定穿崩，於是轉角度去影！
我係一邊砌一邊聽番電影版配樂，當中（動？？搖？？心）（部mp3唔知掉左去邊，copy５到果首日文名）真係好有feel...
實物絕對係差極，絕對５靚，遠睇５算差，近睇衰晒！

d 相都睇得幾清楚，實物相信唔會差太遠，樓主太謙了 ~

一邊砌一邊聽番電影版配樂 ? 相信一定會砌得更熱血同投入，諗起都正 !! ~

做得好真, 係手臂 有d 水口位 , 再整走埋就完美啦

流鼻血

一邊砌一邊聽的確會幾投入，但熱血我就５敢講係！
話時話，本來想貼埋強攻型，不過因為覺得一定要有明美做前境，又搵５到一個明美係似足劇場版，所以一直冇post出黎！
我只係網上搵到30週年果個劇場版明美，我估大概係1：1，希望佢會變做1：8或1：6
借圖一用！謝謝！

多謝c hing欣賞！手臂位花左心思係膊頭同蘇格拉底果位，因為果度條夾口非常明顯，當整完後集中同必中已經用盡，再冇力量去理手臂囉！（一個字，懶就可以講晒！）

多謝c hing 欣賞！只不過，用流鼻血去形容，咁耐以黎都係第一次聽到，下回等我又試下先！thanks！

post完我都忘記左，自己都跟果位c hing咁係引擎裝燈，不過記憶中佢係藍燈黎，而我覺得比較冇咁明顯，所以自己用超白光燈去代替！

好壯觀


ref
http://www.flickr.com/photos/227 ... 25745698953/detail/

今年wf 有可能tv ver...

多謝分享,我都買左不過係玩具版

有消息出丅V版!幾時會出?

丅V版  將不是yamato 出, 是日本人 業餘

(唔變得

[ 本帖最後由 alexlee2 於 2012-7-27 12:25 AM 編輯 ]

好多謝好多謝好多謝 c hing你果條link！一睇完成果人醒晒，當中o既母艦實在係精彩！上色已經一流，加埋左腳果兩條大窗發光（我一直都５知應該點至會令果個位發光，但又要收得埋粒燈）另外整個城市都加多好多細節，仲有同比例o既飛機同monster（雖然似係大隻左Ｄ）睇完真係開始有Ｄ熱血....