好大隻既一隻MH首辦，自問雖然屋企有一套五星漫畫，但真係唔多留意到呢隻 LAST Junchoon SR4幾時有出過場，明查暗訪之下先知道喺五星12期漫畫入面，喺第8期出現過3，4頁咁大把（兩跨頁加兩小格），首辦亦只係出過1／144，1／100各一隻（我網上只係搵到呢兩隻，可能有其他我唔知），NG出既呢隻1／60 LAST Junchoon 外型同細節都唔錯，只係面部造型同漫畫差太遠，兩隻手既姿勢亦有D怪，因為無錢買SMS版，面部造型只好自己改
遲D買埋隻NG 1／60 KOG AT，咁就有齊第8期入面最終對決既兩部MH






有37CM高，雖然屋企無位但又鐘意大比例


原件面部同漫畫差太遠





自己修改改既面部，同漫畫比都係差D









點解我有兩個頭？因為我前後買左兩隻，點解要買兩隻？唔係我有錢，只係第一隻真心覺得砌唔到，亦無技術同耐性去執，所以買第二隻好過
（玩首辦十年以黎買過最差既件，對果位賣家我只可以講：D錢當我豪比你，但今時今日如果你要學人自己番模賣首辦，唔該最起碼都有部抽真空機先啦，）









遲D改埋雙手既姿勢，應該就可以噴油喇

[ 本帖最後由 2000ming 於 2012-3-18 12:16 AM 編輯 ]

五星要支持啦！仲要咁大隻，師兄加油！

加油師兄! 期待大作!!
究竟係邊間廠出到要買個隻? 可以pm小弟將來避避嗎?

五星萬歲

D膠好黃， 不像E道商戶的出品；是否在鴉烏用$700 BID回來？

你講既應該係同一個賣家,我第一隻係見個賣家話新開張特價賣$700,見咁平先買,點知瀨晒野,

我都想買架,不過見D件太簿,細位又多屎,最終放底左

五星要支持！
尼只譎好正，可惜P1：100，如果系100就好了。

閣下都中左招？
我果隻只係大部份零件有無數氣泡，爛件，細節位比屎填左，某D零件薄到穿洞，透明件好比漒水「拿』過咁啫










兩邊膊頭爛同一個位






好多組合既椿位都比D屎填左，組合唔倒，有部份仲有D矽膠留喺度









角位有大氣泡









透明件好比漒水「拿』過咁，表面仲有D黏手，黏左好多吸塵



之前試過盡人事砌，諗住搵AA膠黏死都好，起碼叫有個型睇吓，但砌到骨架已經無能力再砌落去 ，下定決心買過第二隻。



唯一好既係水貼好似應該有可能痴度，同埋有送電蕊．．．．．．

少少更新，改好右手既姿勢，原本雙手既姿勢真係好奇怪，聽日改埋左手




啱啱買左隻1／48 AGE 2，幾個鐘貨仔，高過隻SR4少少


真係好中意D大比例模型

[ 本帖最後由 2000ming 於 2012-3-18 12:15 AM 編輯 ]

如果咁講ed透明件唔係透明hi-cast出, 而係用普通平價水晶膠先咁D黏手!

[ 本帖最後由 oliwa 於 2012-3-18 01:13 AM 編輯 ]

我個隻係galbady, 不過好你少少, 油爆, 氣泡, 屎, 薄到穿洞就一定有, 我當佢係修羅關, 終極project! 佢d件真係高手向
隻SR4唔叫佢換個隻俾你??

小弟都中了招，雖不是5星，但都掉得，發誓以後那些件無論幾平定絕版，免費送比我都唔要。另外可以的話，想知你第2隻買（OK個隻）係咩廠件，同幾錢。

係super g件,都係$700

因為自己有個壞習慣,會一邊點件一邊剪水口,試一試d組合度.咁無理由剪左水口都攞去換,
而且我相信佢d件換幾多隻都係一樣掉得

Age2都有人買，師兄鍾意大比例，加油，期待完成品！

廿年前買第一隻最強幻象，情況同你嗰隻一樣，無法砌得埋，店方換隻尊倫比我，又漏咗對前臂，結果到執笠都無補返比我，

小弟都中左招...又係鴉烏bid番來, 同你個賣家九成似  但就無你咁勁,  我那件油爆, 氣泡, 屎, 薄到穿洞都齊...

想問咁多位CHING, 可否PM係邊個賣家?? 唔該!!

名就唔開了, 正如樓主講話賣家 "慶祝新店開張", 在鴉烏search下就好易找到了

唔需要upset.快手平幾十賣返出去。
見好多高手/收藏家幫佢買完一隻又一隻。
呢d件留返比有緣人玩。