尋日呀媽收到去P記既單,上面寫話終止服務收費,

但上個月佢D員工打黎話約完左,話要續約去門市搞,

之前覺得P記唔好用,所以轉台,轉左就收封咁既野..

打去佢D電話1000同10800,兩個都一樣樣,都係搵唔到人問問咩事,曬成30分鍾

岩岩SEND封信去講番咩事,叫佢聯絡番我..!!

佢D電話冷線真係搵黎搵去都搵唔到人,

聽電腦聲聽到煩..!!

PS:1000同10800既分別係1000講野慢D,多左兩三個選項,10800就講快D..= =,咁做咩整兩條出黎..

其實間間都係咁....
我對面個鄰居, 用香港寬頻, 終止左服務好耐
但係e+每隔一排就寄封信黎話佢未交錢
錢又唔係無交, 上佢門嘈又嘈左幾次, 消委會都搵埋, 差在未打官司

[ 本帖最後由 tsz1117hk 於 2011-3-30 12:58 PM 編輯 ]

pxcw 個 "DOM" 波鐘電話好利害架 , 扲呢樣扲果樣仲要聽佢果D靚聲廣告..
唉 , 深感同情....
除非你有 APP ,如果唔係有排按

pccw 條hotline 如果要搵到真人答你, 就會好似係迷宮尋寶咁... 左轉右轉都冇路行, 好彩就會俾你行得中...

之前條hotline 有個秘技,就係一通了就狂按"0",之後就會話係輸入不正確,會轉去客戶服務主任聽~

但而家好似唔得了~

哈，我以前都係咁

個迷宮就係太易破解, 依家升左lev lor...

而家等佢回我E-mail

你等佢回??? 你唔係用佢自己既cs網頁既 contact us form既. 你等唔等到都成問題了.   同錢銀有關既. 正正當當寄封掛號信去啦.

再唔係, 真係打到有人接你電話, mark 底晒d 人名同staff no. 幾時打通呢d 野. 仲要make sure 佢知你有mark 底佢同佢大佬d inform. 唔係你都唔洗旨有人真係會幫你跟啦...

唔係佢個網果個,岩岩收到信2日內回信啵..

咁你"回信"麻, 但你收到既係"單", 唔係"通知信"麻. 咁單有冇咩野地方寫明有問題可以點contact 先?? 有既你又係唔係跟足先. 呢d 錢銀就擺明大家都要玩野架啦. 你就咁send 封email 等佢回喎. 佢未過幾個月先回你lor. 但佢話你有錢欠左佢, 佢就可以先張個case 交俾財仔追. 到時你就俾財仔煩緊時佢先慢慢回你.

呢d 野, 你搵唔到對手既應頭人你就會係下風. 你要煩過佢你先有機會架. 一日幾百個到上千個case, 要理你既先, 你就要俾個"原因"佢. 你回佢信先, 唔係原因來...

你記住. 你封信係"你叫佢聯絡你麻". 佢咪得閒又冇d "更重要"既case 係手先聯絡你lor.  係cs 都咁做架啦.

[ 本帖最後由 VampireA 於 2011-3-30 05:14 PM 編輯 ]

聽日去門市問下點先,冇啦啦要俾佢收幾舊水唔抵..

之前為左某D事嘈過一輪，mark底左個cs 大佬D資料，而家有咩事都會直接搵佢，方便好多，如果唔係，又唔知要等幾耐先有人幫

點搵到呀..

"為左某D事嘈過一輪" 上面咪未講左lor... 你唔係搞大佢, 人地既大佬又點會同你側.

好幾年前有一位叫"張小姐" 既傳奇人物.. 佢出左名鍾意complain 既. 每次打上 hotline, 個center會即刻如臨大敵咁有幾個人一齊"招呼"佢. 佢每個call 都差唔多可以用來做training exerise.

打上hotline 同人嘈唔係要大聲夾惡, 但又唔係陰聲細氣. point 係要attack 對方出錯既地方同打蛇隨棒上..佢一話唔係自己能力內就即刻叫佢搵有能力果個, 佢話要等你都唔好話煩唔等, 大家鬥長命架咋..

同埋上次講左一樣, 要mark 名 mark staff id, 講過咩野. 做cs 就一早預左受氣同玩野架啦. 面皮薄既早就冇得做既.

哦,搞點左啦,電郵回覆話只係要俾12元牌照費!


而家D公司真係屈得就屈,如果唔出聲真係當人LULU咁禁..

因為好多都係信用卡自動過數. 而好多人都唔check 單的.

所以就屈得就屈

好多時係因為個唔想搞個會計program, 而個program 可能有bug 又或者有新既計月費方法. 有時客越多越咁敢搞個明知道係"正常"情況下唔會出錯既program. 有時真係越整越衰. 到時死都唔掂.