我兩本都有，但而加出外囯淨係攞特區，因爲BNO衰到好多歐洲國家都去唔到，要拿簽證，特區就通行無阻，
英國佬係唔會再為我地爭取咩免簽證，話之你，但香港政府就會繼續爭取，所以好多新爭取到的免簽國家都係比特區而已。
甘你話我應該點揀呢？

所以拎返BNO只係一個態度~這是我的態度~

所以我兩本過左期, 都冇續証

順便一提，我想表揚一下香港入境署，事緣係：

大約在7年前，我原來都係只用BNO，但有一次去歐洲要經過法國‘大X獲’機場再轉機去意大利，留幾日做野，再去捷克布拉格玩幾日，再去德國，
同事幫我訂機票時以爲我有特區，點知到機場Check in 至出事，法航話我BNO無簽證，又無特區護照，法國德國捷克都唔去得，唔比我check in，
跟住當晚番屋企唸左好耐，有兩個辦法：
1）一係用BNO然後申請神根Visa（可以去法國德國），再申請捷克Visa，前後一來一囘，再一來一囘，總共起碼4日。
2）一係去入境署辦個急証，看看當天可否辦好。

我選擇了後者，第二天早上立即跑去灣仔去排隊，然後同佢講話有事急去歐洲，他問我拿個航空公司的機票確認信，我叫Ticket Agent 傳真去入境署個Fax，跟住入境署話okay，下午可以去攞証！
嘩！太好啦！估唔到真係甘有效率架！感激到想喊呀！難以置信的事發生了！ 入境署多謝嗮！！

當晚立即上機，搞掂！！

從此全家拿特區去旅行！ BNO留住黎做紀念！

[ 本帖最後由 timng 於 2011-3-28 03:45 PM 編輯 ]

咁正常而家既香港人都係兩本都有, 我都一樣有本特區

但身份黎講, BNO我會留返響度

只可以講師兄好彩，又或者入境署當時果位同事無野做，否則，實推你

BNO太貴了,我由13歲仔經已冇續...

而家19歲仔囉住本特區..

查實我問過啦，入境署雖然無話有快証收費貴D，收費係不變，但按你情況可以特別幫你辦，只要提供證明就可以辦，例如機票確認信等，當時唔淨只我一個架，仲有10幾20人同我一樣辦左！

入境處的確係有即日快證出, 只要有機票 & 公司信, 見主任再低聲下氣求佢, 一般都會同你做...

另, 我見過有個我地公司 Partnership 既老闆氣燄超張, 人地警戒佢時阿芝阿佐話人咁講野唔啱云云, 結果俾d 主任不停話佢欠野, 來來回回耍咗佢三日先出倒個 Passport, 係我眼中果個老闆真係抵 Q 佢死...

唔明白點解辛辛苦苦咁去供一層自己的樓點解要俾你d咁的人歧視？ 唔通有樓係罪？
我地都要交稅交差餉，但乜褔利都無點解仲要俾人歧視？做人唔好膚淺只係睇到有樓就
話呢樣那樣，人地在背後出左幾多努力你又知唔知？

國內同胞，有禮之邦就個個爭住認，雖然我一樣覺得自己係中國人而感到驕傲
但香港有今日既環境同質素，老實講係因為當年俾英國統治過，若果當年香港無俾英國囉去，依家會點？
周街大小便？唔係一支竹打晒國內同胞，我都相信有大部份既人係好，但唔好既文化實在太多啦

以前係打仗既年代，有邊個國家唔去為土地打生打死
同樣，中國有咁大既土地，都係靠再之前既日子打返黎
要評擊別人既時候，請自我檢討一下，生活中有咩野科技產品無日本既參與？
留到言既即係有電腦，電腦產品無日本野？
係話我地香港人既時候，點解唔先叫國內所有日本產品、食品停進口？
進口日本野、消費日本野既唔通又係日本走狗？
咁天下間無邊個唔係啦，果班故作高尚既同胞醒醒啦
老實講，香港係要靠國內既消費黎帶起經濟，但係唔代表d咩
我地係中國既國土，需時幫助時，國內伸出緩手係正常，唔好睇成係施舍
口口聲聲講愛國，愛國就做好自己既形像，咁先真正幫中國變成一等一既強國
若果連人地天災得咁緊要都唔幫，仲要嘈既，咁你地先係真正破壞國家形像既原兇！！

呢d新聞聽到悶啦....
大陸狗哩有d咩係做唔出...
人地做衰野 佢地d狗哩做得再衰d....
郁d就拎番二戰泥講
又唔話下自己點解會比人侵
英國同法國都打左好多年仗啦
又唔見人地二戰狗咬狗骨

之前喺某論壇見話慶祝日本地震，我就回覆點解啲人會咁樣諗，點知俾佢哋話我係偽君子，係漢奸，忘國恥
真係冇佢哋梗好氣

所以中國人咁多年都重係咁鬼樣

我個人鍾意比較而得出結果
1.香港，被英國統治左近150年，基本上無咩大改變，你總會見到土生土長既香港人同大陸人好多都只有有讀書同無讀書既分別，文明?文化?唔多覺，發展確是比其他中國人地方快
2.台灣，被日本統治50年(1895-1945)，某幾方面係做得比香港好一點，但係當接觸得當地人多，其實佢都係擺脫唔到一種中國人既特色，家族式、土炮式等等
3.中國，被中共統治幾十年，什麼文明、文化拋到腦後，唯一好處是統一性高，夠和諧

所以痛心疾首地講句，中國五千年黎既劣根性好可能已經植入基因裡，要改真係何止花百年.....

http://comment.ent.163.com/ent2_bbs/70JAQHAT00032KMI.html
又找到一群糞(憤?)青

大部份大陸同胞不是想像中的差
每個國家都有lee d 咁既人
日本當年捐比中國  咪一樣有日本人 '阿資阿咗'
只不過係我地比較關心中國社會時事 而不太關心日本社會時事
至會發現lee d野

可能我有講錯la
但係都係哥句 理性討論 不要人身攻擊~

當別人發生天災人禍的時候,他們竟然說活該
當別人向災民提供幫助,換來的竟然是被罵是漢奸
當祖國有難,給予幫助,換來的卻是被人看不起
我真的再想不到有甚麼形容詞可以用來形容他們

[ 本帖最後由 ＊呀浩_∼ 於 2011-4-2 05:43 PM 編輯 ]

真係好搞笑，D同胞既邏輯分析係咪有問題呀？
D錢捐去比邊個佢地知唔知架？比日本政府黎起戰艦打自己呀？係捐比災民架嘛！咪是非不分至得架！
其實動機好簡單，無非係同情別人受苦受難，希望可以幫一把而已，甘都有得閙？

我都好憎日本同中國對抗同搞釣魚台，但而加受難的是平民百姓，幫的就是他們哦！甘都要閙？無野嘛？洗唔洗食左葯先呀？