或者我講下我所知既資料
其實高石誠講既只係非常之概括既說法, 並非所有德國戰末出廠既車都係用防紅當啡色用. 我估高石誠如果有去逐間廠去考證出廠塗裝情況既話, 佢就發現佢講既情況相反好多時都唔成立.
因為小弟今年搞緊一個1945年西線既project, 所以花左好多時間去考證德軍戰末既資料, 包括西線各單位既戰史, 同1945年德國不同戰車生產工廠既塗裝. 前者就唔講喇, 因為實在太長, 呢度我盡量簡單講講大家有興趣知既後者..(因為要詳細講都會好長)
由於project主要集中係虎王, 獵虎, 獵豹,豹, 同四號. 所以小弟試下同大家講講1945年德軍實際塗裝係咩情況
以下主要係講解1945年2月-4月德軍塗裝既情況.
先講講豹式,因為豹充當左一大部份戰末德軍裝甲組成, 所以講佢代表性最大..
先同一d唔太熟生產既人介紹一下, 1945年仲有生產豹式戰車既工廠剩番三間, 分別係位於漢洛威既MHN, 紐倫堡既MAN同柏林既平治廠.
(由於以下資料係小弟從照片同資料中推算出來, 所以未必100%係咁)
先講講MHN, 從1944年9月底開始, MHN一直採用所講既三色CLASSIC PATTERN, 而該廠應該係三間工廠入面從沒改變過用其他PATTERN既一間, 由44年底一直用到45年4月被美軍佔領為止, 雖然該廠既所謂CLASSIC PATTERN由44年9月至45年4月有紋路上既變更(據我觀察, 應該有三次變更), 但大體上都好易分出來), 咩叫CLASSIC PATTERN呢? 就係大家成日見到三色塊狀迷彩, 以下圖片就係MHN廠出廠既豹式. 逐幅講解下
第一組係第3裝甲團一營, 1945年2月初MHN生產, 迷彩為第三次更變既CLASSIC PATTERN, 即以黃色為BASIC COLOUR, 後加以大範圍既啡色及綠色, 最後加上少部份既黃色.
第二組為39裝甲國一營, 1945年2月底/3月初MHN生產, 同樣為三次變更既CLASSIC PATTERN. 與樓上一樣, 都係先上黃, 再大範圍加啡/綠
第三組為11裝甲師, 1945年3月初MHN生產(?), 同為第三次變更既CLASSIC PATTERN
簡單來講, MHN廠豹式都以黃或綠為底色既三色CLASSIC PATTERN, 直至戰爭結束該廠都沒用過防紅作底漆塗裝.
第二間要講既係MAN廠, 1945年2月前, 該廠塗裝跟MHN廠一樣使用CLASSIC PATTERN, 但45年2月以後就開始轉用二色大塊狀硬邊PATTERN, 該PATTERN一直用到45年4月停止生產為止.
CAMO, 主要為黃底或綠底為主, 再配為大範圍的綠/啡其中一色.
以下幾組圖為45年MAN廠生產的豹式.
21裝甲團2營, 1945年3月MAN生產, 為二色CAMO (1), 綠底+大範圍啡
第二組同為21裝甲團2營, 同為1945年3月MAN生產, 同為二色CAMO (1)
第三組為11裝甲師, 1945年3月底/4月初MAN生產, 為黃底/大範圍綠二色CAMO (2),即龍記豹G FINAL 盒面(但個人認為此車應該都係綠底+啡的CAMO (1)?)
第四組, 柏林既不明部隊(估計係25裝甲擲彈兵師), MAN廠1945年3月生產, 二色CAMO (3), 綠底+黃大範圍PATTERN
簡單總結, MAN廠到終止生產前都無用過防紅底+CAMO 或 單防紅底既塗裝
第三間為柏林既平治廠, 都係三間工廠入面唯一一間有用防紅底為CAMO既塗裝. 1945年2月初開始, 三間廠從統一既CLASSIC PATTERN轉為各自專屬PATTERN, 前兩廠已經講解過45年2月後塗裝係點, 而平治廠則轉用三色條狀PATTERN. 最初平治為以綠色為主+黃/啡的斜條狀CAMO PATTERN, 我稱佢為STRIPE PATTERN (1), 1945年3月底/4月初開始則改為防紅底 +黃綠的STRIPE PATTERN (2)
第一組為非常有名既照片, 1945年3月初庫斯春25裝甲擲兵師既照片, 車子為1945年2月底MAN生產的STRIPE PATTERN (1)
第二組不明部隊, 捷克為攝, 1945年3月底MAN生產, 為防紅底的STRIPE PATTERN (2), 當中一幅為戰後村民的素描, 可肯定為防紅底
簡單總結, 平治廠之所以為三間工廠中唯一一間要用上防紅為CAMO主要原因係其地理位置, 其實戰末德軍工作油漆並非一般人以為咁短缺, 一般人誤解德軍戰末物資短缺主要係來自石油同鋼材呢類物資. 但作為化工材料既油漆係當時咁發達既德國化工工業其實並無其他物資咁嚴重, 咁點解又會出現有D廠要用防紅為主漆? 頭先所講既地理位置就解釋左, 三間工廠中, MAN, MHN都為西德位置靠近魯爾工業區, 即RAL油漆廠附近, 所以油漆對呢兩間廠來講運輸比較方便, 唔太困難, 相反遠在柏林既平治廠因戰末德軍運輸系統受盟軍大規模破壞, 運輸非常緊張, 德軍都係部隊運輸作為優先考慮, 令到油漆呢類次一級既物資供應短缺. 呢個情況係我之後講埋其實幾家生產獵虎, 虎王同4號工廠既塗裝就更加清楚睇到.
呢度先簡單講兩句
虎王生產工廠享謝爾, 位於魯爾既KESSAL, 所以虎王從來都無用過防紅為CAMO
獵虎跟四J都為現於奧地利的 NERK WORK, 遠離油漆廠生產地, 所以戰末出廠既獵虎同四J都幾乎一式用哂防紅做底漆.
獵豹生產地同樣為漢洛威的MHN, 所以同樣無防紅既獵豹出過廠(戰後被英軍拉去果部例外)
打左好多字......
上面D虎王, 獵虎, 獵豹同四J既戰末詳細塗裝資料留番下次再講
分享
