之前又話無改進空間，知唔夠票又推個所謂優化出黎，禿頭張，真係信你一成都死

我都覺得改左都係一個廢方案o黎.

題外話,
大家咁辛苦都因為係地產(租金)問題,
出力打擊又死唔打就遲d死,
(就好以"強國貪污"一樣).

我反而有另一諗法,
如果政府可以完全開放公屋申請,
不以固定金額作為租金,
以家庭收入3份一為租金(細節再談),
把一批不想買樓/抄樓/投資o既人脫離出o黎,
不會好像現時不想者都要參與"買樓活動",
而個樓市亦不會一下只趺下來.

唔同人唔同租,但租既單位質料一樣,有冇人甘心??

收入高既人坐地鐵要收貴d,你估d人肯唔肯??

到時個個低收入人士劈炮排隊領公援都似...

現兜兜回水最實際

呢條 PK 仲要話兩人家庭月入 12000 唔算窮！！！
你媽媽湊大你買米唔知米貴！！！！

算把 la.......要回晨早回左 la....

哩d人咪可以走去租買私樓囉(頂住個樓市唔好趺)!


中立d講句,
e+都有大把人咁做,
但好大部份人只想有3餐1宿,
唔想求人幫,
可是現時好多人都保唔住.,
到時呢d人都放棄唔做野,
又養賴左一斑本來只想靠自己o既人,


哩d $不如用o黎調控個痴左o既地產仲好,
e.g.起反d市民買/租得起o既樓仲實際,
影響深遠好多.

[ 本帖最後由 savepilot 於 2011-2-17 02:34 PM 編輯 ]

你想法看似公平其實更唔公平...

有做野既人已經有交稅, 仲有強積金, 但你講法連衣食住行都要俾貴d, 呢樣直頭係岐視努力工作賺錢既人...

再者, 樓市如果冇咗大批用家支持, 你點擔保佢只係穩定地跌而唔大趺~?

仲有最大影響係私樓租務市場, 好多人一生努力供兩層樓, 就係老來收租過世, 但如果開放公屋, 果 D 人一生努力白費, 加上到時樓市一池死水賣又冇人要, 你估到時呢班人會點~? 又, 你有冇去中環見過班雷曼苦主~?

題外話
小弟係中環返工，有次真係見有個人係國金果邊揮舞寫住訴苦字句既旗，搞到有2-3個警察戒備，不過聽警察講佢係常客，時不時係天星果邊咁做....唉

樓價平果時, d 有$佬就會話政府唔做野, 令佢既"資產"縮小.
樓價貴果時, 就d 平民就會話政府唔做野, 令佢既"資產"唔可以增長..

但重點係. 香港係有$佬同北大人話事架啦. 依家咁多樓係北面既人hold住. 兩種話事人都唔會俾佢跌啦.

要跌, 就只有金融風暴, sar 呢d 死人大獲野突然間爆出來, 唔係都唔洗指意.

"雷曼苦主" 玩得金融就有風險架啦. 低風險唔等於冇. 爆bow 就同一粒幾千面既骰開圍骰姐, 唔係唔會發生既. 行埋賭檯就要預左lose.

都有名你叫大鑩架啦. 日日d "投資顧問" 都同你講放錢係銀行冇息架啦. 但就走去買左d 自己都唔知係咩既野既時候, 可以怪邊個.

我同你都成日叫d 新手唔好玩手辨, 理由都係一樣姐. 要知自己既能力去到邊. 唔明唔識既野就搞清楚先好去馬.

香港人可以分為三個階層, 低收入, 中產 & 有$佬...

低收入人仕常常想拉班有錢佬落黎分佢d 錢, 而有錢人主管哂衣食住行務求刮盡一分一毫...

但無論點樣搞, 最受影響其實係中層打工仔, 低收入人仕大可入綜援網, 生活質素低但起碼食住無問題, 反之中層好似有比其他人多, 但經濟一轉差佢地分分鐘份工保唔住負資產破產訓街收場, 至於真正有錢佬, 經濟起跌只係數字遊戲...

點解要比貴d?
o既然開放得比所有人申請,
佢地都可以申請個bor?!
佢可以買/租私樓又可以比1/3總收入租政府樓,
反而低收入人士無選擇.
e.g.有30,000總收入又唔想比10,000租政府樓,
又覺得無靚大堂同會所,
咁咪可以用9,000-11,000去租私樓,
甚至可以用15,000去供樓,
如果佢地比10,000租政府樓仲可以避開樓市升趺同瘋狂加租,
比租樓多1,000仲可以享受大型政府屋村配套/交通/維修等服務.
9,000租私樓空間/間隔肯定無政府樓好,
可是一個得9,000家庭,
只可以用3,000租政府樓,
因3,000根本好難租到比政府樓好o既單位,
何況供樓?

[ 本帖最後由 savepilot 於 2011-2-17 10:30 PM 編輯 ]

我明你個idea, 但做起來會有好多問題

1) 點去排先後次序? 用租金? 咁等於有錢d人可以先入住? 依家排親都幾年先上到樓, 低收入人士咪唔公平? 咁佢地可唔可以寧可俾多d租而快d上樓? 我可以揀大d的屋嗎? 因為租金都一樣咁多

2) 我覺得會變成"一人一屋", 例如我一家4口都有工作, 加埋3萬先算, 可能屋只有400呎, 但租已經1萬. 咁我不如阿仔自己租一間2-300呎, 俾幾千蚊租, 阿女又自己一間屋, 兩公婆又一間, 變成4個人要3間屋, 橫掂租金加埋都一樣, 點解仲要成家人迫埋一起?

3) 市場私人樓租金政府無法控制, 而且唔會控制, 如果我係屋主, 我見人地公屋租金都2-3千 (當一個月入6-7000的人住), 我個單位好咁多, 我仲唔租貴d? 結果依然好多人租唔到私人樓.

4) 假如我個個月收入都唔一樣, 咁我租金咪個個月唔一樣? 咁咪好煩?到時又要請多d人去check數, 可能admin成本仲多過租金? 如果我打散工, 而又無攞綜援, 咁我係成個月無工開時唔駛交租定要我搬走?

5) 只用月薪去計租? 咁如果我月薪只有$1, 但花紅每個月十萬咁我只係俾$0.3租? 李+x都話佢每個月支5千蚊工資ja, 但係人都知佢全香港最有錢啦.

6) 如果我已經退了休, 咁我是否可以唔駛交租? (因為已經無人工). 同樣, 小朋友未成年, 未有工作是否又可以自己搬出來住唔交租?

仲有其他細節等等...

除非呢個世界係完美, 否則我覺得好難實行呢~ (個idea唔係唔好, 但太理想化了)

"但做起來會有好多問題"我聽過唔小官員用呢個point嚟否決唔小政策，但係好似無乜人會問技術問題唔係應該由有關部門諗辨法解決咩？有問題唔諗方法解決就band，咁D司長、局長、助理個個月幾萬至幾＋萬請佢返黎做乜？咁不如請我啦，我收半價，橫掂都係要個錄音機座喺度之嘛.....

其實可以用現時o既方法排先後(分發單位大小),
因現時d人都係買/租o緊,
申請人一定會突然多左好多但他們不會比現時政策下o既人急,
但可以令到現時瘋狂地價(租金)慢了下來,
亦不會令凡人皆買/抄個樓市情況出現.

還有可能會起唔切政府樓比d申請人,
但試想想一個月入總收入over 30,000 o既家庭點會參加此計劃,
極其量都係利用此計劃o黎儲$/首期上私樓,
反而仲好過e+個d乜乜"至哭心計劃"呀!

這計仲有另一好處,
如果政府真係起唔切比第一批大量申請者,
政府還可以利用一少部分儲備來向發展商收購空置樓宇,
君不見好多樓都閒置左係度唔憂買,
不過政府入手可能會令樓市係第一秒時會被拉高,
但不要忘記當申請者收到派樓時個市係少左需求,
(未派者都是買/租o緊樓無即時需要,不會失調),
當有地產商造市時政府還可以放翻d樓出去私人市場,
就好以"外匯基金"咁去平衡翻個樓市.


你覺得空間大左唔好咩!(講笑)
其實大家都會成家立室,
如果收入不能買私樓(加埋同分開亦是).
政府遲早都要處理,
反而應用這些數據去計劃房屋政策,
(重提現時他們亦是有居住地方,只是不理想,有好多家庭慘案都係困獸之鬥)


請回看第一條後段.


當然係個個月唔同,
(現時政府樓係文字上可以拖3個月才出警告信,最長記錄係10幾年無交租)
如果唔係點製造就業機會,
起碼d官唔會用工作時間抄抄買買,
其實稅局係可以以年結總收入幫到忙,
整個制度當然要有獎懲/舉報啦!


在公平原則下李+x係可以的(租金還是1,666),
他交的商業稅cover返有突,
試問,香港不會有700萬個李+x掛?
試問,縱使有700萬個李+x,都不會不愛面子/社會輿論去申請掛?
試問,會不會因少數貪婪o既李+x而放棄幫助有需要o既人掛?
(如果香港真係有700萬李+x! 我地香港人一早就統治左宇宙了, 會有樓/估問題嗎?)
凡事都要求絕對值才實行,
好多應該做的事情都不能做了,
e.g.理論上醫生要有病人/親屬同意下才能動手術,但在危急時醫生有絕對權替病人做手術,縱使因手術失誤導致病人死亡.
e.g.警察可以在合理情況下有權選擇性抄牌,縱使滿地非法拍車,e.g.過年期間通常不會抄牌,如阻街的話都不會放過.


如果以上人事係無其他人照顧,以現時制度都以經有福利處處理了,可來動用這基制呢?!


人之可以進化到今天, 都是因有理想.

以上只是吹吹水,吐吐氣, 不要上心!

[ 本帖最後由 savepilot 於 2011-2-18 12:56 PM 編輯 ]

Brother 無事, 我都係share我睇法, 大家討論唔好話邊個好邊個錯~

一時有感而發:
可能我係d要交稅但什麼福利都無的人(只有個人tax free quota), 所以有時會諗, 乜工作唔係自己應份的事嗎? 點解要有"回水", "支助"等先會去搵工? 自食其力唔好?自食其力係錯?

當然有部份人, 真係因好多不同原因而要去幫.  但同時都好多人有手有腳, 要做一定有工開, o個d又要幫? 佢地唔搵工係佢地自己問題, 點解要成個社會負責? 講真我都想政府派錢俾我, 但錢從何來? 咪又從係大家口袋中? (最近新聞提起個高材生就不多說了...)

好似幫助d第3世界國家咁, 都係俾錢佢地, 等佢地可以種下野咁, 有收成時可keep住生活, 而唔係每個月只俾錢佢地等佢地唔會死咁....講到尾, 最重要唔係只講每個月派多少錢, 而係可唔可以提供多d機會俾佢地.

以上都係一時手快所講的, 小弟絕對沒有任何看不起什麼人的睇法, 也不代表我所講的都是對的, 都只係討論下~

少少感想:

我主要諗唔通呢幾點....

現時一般係用家庭有多少人去派單位大小, 如果我10個人迫一間屋, 同1人一間都一樣咁多租, 咁我不如自己住? 政府又無可能立法要每個家庭一定要一起住. 除非個個單位一樣咁大, 每人一百呎先算, 一個人申請就俾一百呎屋佢, 2個人就2百呎屋etc. 如果唔係, 到時可能會出現一個人住500呎交$2000租, 有人交$1800但只有800呎, 又有人交$1但3個人住一千呎等, 到時一定有人話唔公平了.

依家等上樓一等最少兩三位年, 如果咁做, 條line咪長好多倍, 一定有人係好等公屋住, 但如果條line長o左, 佢地等唔等到咁耐? 反而如果set一個數值, 幾錢人工以上唔可以join, 咁起碼d屋可以留比真正要的人. (但會唔會變相叫人唔好搵咁多, 橫掂有政府幫?) 而且一日香港的屋係demand大過supply, 一日私人樓租金都唔會低得下邊. 當我要等3年, 我起碼要租私人樓3年, 而我搬o左, 又會有另一個排緊的人去租, 個租金好難跌呢. 除非政府起好多好多個單位.

最重要係錢問題, 政府d錢只係從稅收來, 如果要起多咁多屋, 加埋維修費用等, 咪要加好多稅? 結果唔交稅的人可以俾好少租而上樓, 中產的, 俾1/3人工又唔甘心住o個d屋, 但租私人樓又貴, 稅又加, 咁佢地不如唔好打工由政府幫? 咁少o左人交稅, 咪無錢起樓?

請我, 我收4折