太犀利,支shocks都做!

Endless - Zeal Super Funtion + Ex Tank 上色濟 @.@

[ 本帖最後由 Seiichiro 於 2010-12-11 05:59 PM 編輯 ]

作為飛仔車中的代表性車種，梗要抬返條 N 組喉黎係條街度嘈下 ...

Spoon DC2 用  N1 喉，原來連稅都只係 39900 YEN，好似唔係好貴咋啵 ~ @.@


用寫輪眼睇完之後，就要複製返出黎

1．採用外直徑 5mm 的鋁管。

2．打薄管口內外、修改管口角度、沙紙打磨管身。

3．用磨光膏打磨，磨光膏跟鋁面磨擦後會瞬間變黑，依次粗中幻後打磨完成。

4．處理過的鋁管跟未處理的作比較。

續 ...

5．採用星星外徑 8 mm 透明管 ; 由於鋁質軟易刮花，所以暫用膠紙包好保護。

6．鋁管跟膠管之間的空隙加入一塊 0.4 mm ( 0.5 ? ) 作填充 ; 鼓身尾部鑽入一鐵枝作固定整個組合。

7．N 組喉橫面示意圖。

8．頭尾再套上膠片封底封頂，待畢地完全硬化後才再作整形。跟原廠排氣喉一起作比較。

Spoon N1 喉製作暫且完成。

試作型迫力鉗 ... 效果非常差 ...

覆件線條輪廓模糊 ... 膠板黏貼手工粗糙 ... 十隻指頭實在太笨拙
應考慮放棄覆件直接用膠板搭製 ... 有待改良 ...

新覆版本感覺比預期中良好好多 ... 試作版點解覆得太爛
左邊舊模開得稍稍稍差一點點點點 ... 不過睇黎都可以集中改良鉗身

浩浩乎 ! 回 Post 無垠，敻不見人 ~

今晚氣溫驟降，還好十隻手指仲識郁 ... 改良左隻鉗，滿意好多 ~
雖然唔同廠隻鉗都唔同形狀 ... 不過都係整左出黎求其撻個水貼上去呃鬼算喇 @.@

[ 本帖最後由 Seiichiro 於 2010-12-15 10:33 PM 編輯 ]

呢個方法都ok wor, 唔洗介餐死....

但係你已經好西利

都係邊做邊學o者 ..
其實一路做一路都諗都 d 新方法，不過不停咁樣推倒重來糾纏落去，唔知幾時先砌得好 @.@
唯有下部再改良啦


我好怕千辛萬苦做到一個滿意既物體出黎之後，又要再做多一次一個一樣 ... 因為唔係能兩邊都對稱
所以覆件都應該係一個唔錯既做法。

我切膠板其實好差，次次都切唔出想要既型


今日天氣凍，暫且停一停工

加燈，有如替模型車畫龍點晴 ... 小弟我深愛此道
以往作品皆是內置一個 DIY 電池盒，要懊惱開關要收係車底邊一個位先唔會太礙眼太樣衰 ...
而之前所有電線、LED 接駁皆係隨便扭上去，接觸不良問題常有 ... 開殼時明明 OK、閂埋個殼又接觸唔到。
內置電盒亦都有空間、換電又要開黎開去 ... 放係 Display 盒度想開燈睇下過癮，又要拎返部車出黎搞 ... 非常不便 !

於是，是次就改用外置供電及試用辣雞 ... 以下係呢幾日所做


1．底盤預開一個小洞，再塞入一粒細絲母 ... 留來將來用螺絲固定車身於 Display 盒內

2．用電線接駁好底盤的絲母後用畢地固地，底盤尾部插位加上銅片，銅片跟電線接好 ...

3．車殼尾部車燈示意圖

4．車殼插位加上銅片，角度稍向下屈曲

5．當車殼同底盤接上後，上下銅片就會接合

後記 :
由於我邊諗邊砌邊試邊改 ... 原先做好既燈杯唔夠空間角度放入 LED，已經被我廢棄。
上色後我先諗到改良裝燈方法，係已完成上色既車殼上用畢地重造新燈同焊燈，確實非常危險 ...
雖然第一次用辣雞，焊得唔靚，不過總算有驚無險完成
而車殼內走線並冇經過非常心思策劃，算係隨意臨時建造仕樣，係互不干涉同達成基本目標下 ... 唔打算再作異動。留待下一部車先再提高完成度

現在供電系統已經完成，可以外置係 Display 盒底裝電同加開關了

Nice!!!!~~~~  Keep up the good work!!!!~~  

真犀利   

crazy job....

Good

神人!!!

好精彩的過程!
期待後續的發展~!

200ps 踩盡直指 8000rpm 衝紅線加速趕工 ... 不過由於冇系統地規劃進程，好似仲有好多野未搞咁

尋晚同今朝稍完成車籠塗裝 & 繼續加細節 ... 無聊地係車底追加拖車扣 ...

個''OUT''都整埋,,真係同車差唔多喇

繼續趕進程 ... 不過 2010 年內已經不可能趕到

勁無聊自己手劃 Koyo 水箱圖樣 ... 畫蛇添足勁唔似，可考慮廢棄。
題外話 ... 唔知富士整個水箱整咁靚做乜，後面風扇都冇人望到既 ...

之前已經做起一張跑桶，現在做埋另一張
修正細節、補甩油、追加埋安全帶扣，椅底調節前後果支棍影得不是太明顯。
忽然發現屋企冇晒消光油，所以先擱置不上 ... 或許考慮做些許舊化 ... 掛

車尾 Low Arm 挖走原本模型一體化的 Performance Rod 後再追加返，原裝車仕樣
另再加裝 1mm 膠條製 Cusco 蝦鬚 ，增強行車性能

可能底盤上色之前有少少油份殘留，尾部有一忽連底灰一齊甩走，容後再補
拖車扣由於金屬關係，冇專用底灰所以唔咬油，兩下就甩，亦都唔打算處理，由得佢算

尚餘制動系統、車鈴、車窗 ... 錶版水貼、安全帶 ... 拋光
好似唔係好多咋啵 ...

very good!!! 張SEAT 係點噴到咁有質感嘅?