相隔兩年冇砌船, 終於都有船起錨喇
呢套係喇叭廠1/144的小鯊魚號潛艇, 同級艦小鯊魚級潛艇, 因為建造數量比較多, 係2戰美國潛艇的中堅, 在2戰中曾擊沉唔少敵國
的運輸艦或一些主力艦艇, 比較值得一提的係, 同級艦當中, 其中舷號230的長鬚鯨號潛艇, 於1944年8月份, 在小笠原群島水域, 救
起一名操控TBM攻擊機墜海的飛行員, 此君就是日後成為美國第41任總統的老布殊, 應該可以話有些歷史意義~~
喇叭廠的1/144小鯊魚號模型, 套件組合度唔錯, 但對比實艦照片, 發現有差考證上的謬誤, 尤其係套件的3吋炮, 不論高度同倍徑長
度都錯, 而且細節簡陋, 唯有基本重造, 另外艇身有一排排密麻麻的排水孔, 由於模型艇身部件比較厚, 令排水孔細看下表現出唔應
該有的深度感覺, 因為艇身外殼金屬實質厚度有限, 這令模型排水孔有些失真感, 所以在能力許可的情況下, 個別排水孔我用刀片刮
薄邊緣的方法, 去改善排水孔的細節感覺
另外此作品冇加蝦片, 細節都係用銅片銅枝魚絲等物料黎改造
而模型附帶的decal我冇使用, 以我觀察, 作戰時期的美國潛艇係抹去左舷號的, 所以乾脆唔貼, 反而補回左艇身的水尺號碼, 這裡
使用左魔鬼先生的高質量水貼
唔講咁多喇, 去相, 由於部舊式DC仔拍攝的效果唔好, 所以各位看官請張就張就~~