香港都可以入支付寶
呢個係淘點，專做淘寶香港入錢服務
http://www.taodot.com/?fi=account
"唔收服務費"，不過匯率比其他貴少少(HK 1.17 = RMB 1)
不過勝在方便，銀行櫃員機過數就得。
淘寶買野過程都好安全下
我o既流程大致上係：
1.睇o岩野按加入購物車，最好同一間買幾樣野，因為運費以kg計，第1kg貴D，之後平D。
2.用"阿里旺旺"(類似QQ，淘寶專用)問店主有冇貨，運費幾多。
3.覺得ok，去購物車按購買，但唔好按付款。
4.叫店主改運費，因為淘寶唔會以kg計，只會逐樣加，一定好高運費。
5.店主改完運費，按付款給淘寶，淘寶會keep住你D錢等你收到貨先比店主。
6.等店主發貨，勤力D o既即日就會發比速遞公司，發左貨就可以查到運到去邊(其本上都有呢個服務)。
7.一般速遞貨黎香港2~5日到，要當住個速遞員(郵局人員)拆，有問題叫佢寫明+簽名作實(如少左、爛左之類)，
有問題o既處理方法間間唔同，買之前要睇清楚D聲明之類。
不過店主無理，都可以單方面向淘寶申請退款，由淘寶去查(所以速遞公司證明好重要)。
冇問題就去確認收貨，淘寶就會比錢店主，當然太耐(好似10日)冇確認收貨or申請退款，淘寶會當你收左。
8.互相評價。
P.S.
1.唔好用平郵，因為平郵黎香港仲貴過速遞。
2.EMS係政府速遞，聽閒"安全D"(唔知係指穩陣D，定係驗D貨係唔係安全= =)，不過又貴又慢，最好唔好簡。
3.一般黎香港首kg 30~50 ，之後每kg 5~20，睇咩公司同邊度運黎 ，體積過大都要加錢。所以有時運費計完仲貴。
4.如果買人係大陸，最好叫人代收，運費平一半以上。
以上只係個人經驗，唔係賣廣告
，亦只供參考用
。
分享
