素組 > 噴灰 > 噴油 > 滲線 >噴光油/消光  <----請問師兄們程序上係咪樣??

光油 同消光有咩分別??  

如果我副模型以灰黑色為主 , 咁請問要噴邊一款??

如果噴消光/光油噴白左件 , 應該點處理??

最後唔該哂咁多位師兄幫忙

光油 同消光,後者係啞色

視乎你需要

你可以上埋水貼先都得.
噴白左可以係上面薄噴一層thinner

噴得太厚而發白就無得救

無得救者係要成件洗油啦....慘

小心d啦,每個環節.

如果以G3 GUNDAM 為例 , 係咪噴消光好過噴光油??

我用噴罐的 , 薄噴一層光油 再噴消光 會唔會冇咁易白化???

唔該哂你 sorry 太多問題

[ 本帖最後由 黑衣 於 2010-5-28 08:10 PM 編輯 ]

1. 消光只係topcoating既一種, 而且唔一定要噴, 噴既作用係保護d油, 令水貼邊無咁明顯或者統一光澤度  
2. 成隻噴唔係唔得, 但係分件噴會仔細d 同埋關節位會噴得全面d
3 thinner = 天拿水



係依到比少少意見你, 我見你好似好想問一個砌模型既標準步驟咁, 但係整模型其實同煮餸一樣, 無話點整係最好, 唔同人有唔同口味, 有人種鐘意咸d有人鐘意甜d, 而且好視符你有幾多時間放落一件模型到同埋你依家有幾多功力
如果你係第一次整模型既話建議你先從簡單做起, 補夾口-->上色-->滲/劃線 已經好夠
要練好依3部曲已經好唔簡單

無話邊隻好過邊隻, 睇下你想要咩效果
我既經驗係新手通常噴消光會比較好, 因為啞色面會令到瑕疵無咁明顯, 而且薄薄一層已經好有效果, 又適合絕大多數高達模型
相反噴光面要噴得好需要既技巧多好多, 唔易噴得靚.
你亦都可以選擇噴半光


噴一層光油再噴消光係唔會冇咁易白化
想無白化  噴罐: 離遠d噴, 適合距離係30cm (不過好嘥油)
                 噴筆: 加d光油落消光到噴

[ 本帖最後由 GaryMok 於 2010-5-28 08:35 PM 編輯 ]

滲線個時
好似要用thinner
用thinner個時唔會洗走你之前噴個油

咁我隻G3 噴既色係油性 , 要噴消光就要用水性   係咪要咁樣???

同埋咩情況先叫做 完成左消光既過程??  係咪愈深色愈好?
唔該哂你地

[ 本帖最後由 黑衣 於 2010-5-28 10:00 PM 編輯 ]

唔係, 底油用油性 消光可以同同樣用油性或者水性(油性油噴得太厚係有機會溶左層底油, 但係正常既情況下係唔會, 你驚就用水性啦)

你成隻模型都噴左一層咪叫完成左囉........用噴罐一層已經好夠

噴完乾左唔會變深色而係變啞色, 手感會變"粗"", "鞋"   打個比喻就好似由普通玻璃杯變左做磨砂玻璃咁.......
講左咁多你再唔明都無辦法= ="

[ 本帖最後由 GaryMok 於 2010-5-29 01:19 AM 編輯 ]

雖然好appreciate你熱心幫人, 但係你唔識請先多看看, 唔好亂咁教人.......你咁樣可以會害左人地

thinner 通常係指天拿水! 係油性顏料既稀釋劑, 主要用黎開稀或抹除油性顏料
但thinner係咁多種主要顏料溶劑入面最強力既, 可以溶埋琺瑯油(松節水, 田宮x20, 打火機油做溶劑) 同水性油(水或酒精做溶劑)

滲線通常用琺瑯油
所以滲線次後係用打火機油or X20

[ 本帖最後由 GaryMok 於 2010-5-29 01:37 AM 編輯 ]

消光油除你所講既外，最主要都係令模型無咁反光...咁光油都當然係要多d反光。
就好似坦克咁...一般俾人既感覺係啞面，若果噴左光油就俾人感覺格格不入，咁另類玩法又另計既!!!
又好似跑車咁...好少會要啞面吧，係街上面既跑車多數呤面，啞面就俾人感覺好似撞過，另類玩法另計!!!
至於高達系，就好睇自己既喜好

thinner 唔一定係天拿水，thinner 係稀釋劑，任何溝油既稀釋劑既英文都叫thinner，只不過香港裝修人將溝手髹漆(Laquer)既thinner讀作 "天拿" 水，所似香港人先將天拿水特定指係Laquer系裝修用既開油水，但thinner這英文字始終在模型朋友中都是指稀釋劑而不是特定指定是天拿水

[ 本帖最後由 ahb0 於 2010-5-29 11:01 AM 編輯 ]

噴消光減少白化方法，以前都有好多post講過，歸納如下:
1. 濕度高唔好噴
2. 唔好用那隻消光附加劑溝thinner黎噴(郡氏號碼忘了..)，若用郡氏就用182號消光就可以(應該係182號......)
3. 不要一次噴太厚
4. 溝油時可溝稀些 (即係多d thinner)
5. 有師兄建議用風筒吹熱模型件再噴消光

如果要滲線,而你會先噴一層光油先滲的話.就唔建議用水性光油topcoat.
因為用 X20抹滲線會抹甩水性光油.之再噴topcoat就有可能效果唔統一.