這盒長谷川 1/48 BF-109 是可以選擇砌成 F-4 或 G-2 型號. 我揀了 G-2, 只因覺得個迷彩花靚d. 便是1942年9月 JG52 蘇聯戰線, 機司是 Hermann Graf
老長飛機的開模方式著重簡易, 二戰機更加輕輕鬆鬆的便可起貨. 所以這次幾乎99%是 oob. 只加了以下的少少細節 : -
1.坐倉換了只賣45蚊的樹脂改件 (咁大家知是甚麼 『貨式』喇!)
2.死氣喉用幼膠條補加焊接線, 喉咀出口鑽坑. 雖然完成後發覺焊接線粗了少少. 算數. 下盒至改善吧.
3.主機翼內側的唔識叫乜的翼仔, 加了些骨位細節, 由於外形好簡單, 以用剩的其他 pe 框條切成大約形狀的薄片便成. 而這些細節資料是參考自牛記 pe 補品的網上說明書. 好方便. 機頭引擎倉蓋中央的鉸, 想有少少立體感, 用0.4mm 銅支黐上.
係得咁多, 所以好少製作過程相.
二戰德國空軍最吸引我的就是它的獨特迷彩. 款式變化極多.
所以我揀買二戰德國飛機的動機純粹取決於那盒迷彩靚唔靚!
通常一盒裡面唔只得一個花, 如果只憑盒封面做決定, 好多時會走寶. 畀開盒檢視的店舖......點衰都起碼有一樣好處吖!
亦因為我是追迷彩花而買, 自己又冇乜想像力同設計天份. 便自然會盡量依足說明書中的迷彩圖案來噴. 說明書上的指引同實物有冇偏差? (二戰機......你話呢?) 唔理囉!
今日完成了三色迷彩, 跟住要舊化. 二戰機的舊化要點做呢?
我估同 afv 相近吧!? 把迷彩的柔邊噴得冇咁化開, 一來是我的喜好, 二來未知日後加埋舊化效果後會否太模糊?? ....... 做到先算啦!
分享
