買賣區板規須知
5.請勿作出滋擾性或與該買賣無關之回應(包括閒聊、討論、報料、建議等回應)。
13. 初犯本買賣區板規禁言三日, 再犯禁言兩星期, 第三次犯作品數重設為零。

總壇規
十六. 必須服從壇主、總版主及所有版主之裁決。

請你諗清楚你自己做過d乜，先好開post要人地俾解釋你

我知道就唔使出post問同要解釋啦。
我而家終於知道乜嘢事被 lock id，我冇留意到該區板規的第5條，而在買賣區作出無關之回應，我承認係我嘅疏忽。
但你處理事件上亦好有問題，你使唔使通知人地一聲犯咗乜嘢事，所以要禁止佢發言呀，重有都要睇吓而家人地係全心明知故犯吖，一或係一時疏忽無意犯錯，但你嗰句： " 請你諗清楚你自己做過d乜 "  ，你嘅主觀以經認定人地係全心明知故犯，所以就唔需要通知、唔需要解釋，重叫人諗清楚自己做過d乜，先好開post要人地俾解釋。

再講聯盟呢度有咁多個區，每個區都有佢自己嘅版規，我在買賣區犯咗板規，咁你未禁止我係買賣區發言囉，但我在其它區冇犯該區嘅版規，點解唔比我係其它區發言，甚至連入去睇吓嘢都唔得？ 咁同共產黨有乜分別。

其實如果發現板友犯板規，而佢又冇前科犯過同一規條，咁可能係人地疏忽或唔知道而犯規，並非全心明知故犯，版主係唔係應先作出PM通知及警告，並要求對方刪除有問題的文章/字眼，如對方置之不理又或曾收過警告而又再犯，咁先 lock 人 id 會好Ｄ呢？

----------------

我都認同master_roshi講法, 佢講得好公道, 佢承認自己一時大意, 一般受過教育o既香港人都好有common sense, 正所謂禍不及妻兒, 一件事還一件事, lock埋人地冇犯錯o既製作過程post就講唔通.

我只係講本人意見, 希望唔會俾lock post啦!

其實板主系義工, 我地唔應該要求人地花太多時間去處理板務, 佢亦無必要去交代佢所作決定既理由, 同法官一樣, 有人手緊D, 有人手鬆D, 人為決定, 主觀在所難免, 但只要系有根據就無問題! 如果你都同意自已系犯左規, 有心或無意都好, 搞清楚就OK 啦

無論有幾多區,幾多規則, 其實最終只有一條, 呢條 override 曬所有板規, 就系

" 必須服從壇主、總版主及所有版主之裁決 "

請別忘記, 你加入HKML時已同意左呢D規則

平心而論, master roshi 你果句"唔該請你作出解釋" 係惹火d...
但版主果句"請你諗清楚你自己做過d乜"就唔係咁易受落. 有d同好, 一日幾十個reply, 一句半句無心失言而你叫佢諗番出嚟.....
老實講, 細佬乃酷愛和平之人, 但見到forum 中撩事鬥非者比比皆是, 有時有d topic 都想話畧表愚見, 但一見到reply 中火虊味濃, 立即封口閉咀, 睇過其他post.... 我想講: 雖然版主係義務, 都可以嘗試凝造出和平d atmosphere. 再講, 既然係版主(版o既主人), 可以表現一下作主o既氣量, 斸不是三句唔埋兩句就同我呢亭星斗小網民吵來吵去....



我都只係講本人意見, 亦希望唔會俾lock post, 不過如果lock...我都會必須服從壇主、總版主及所有版主之裁決...善哉...

LOCK 就係lock, 唔應該分區的, 唔到油麻地犯罪就唔去油麻地, 可以去旺角咩.
唔可以因為砌得好砌得勁就有免死金牌. 亦即係俾人去一個區搞事之後仲可以係其他區走來走去, 一切如常, 咁"禁言"仲有咩意義.

仲有樓主一開始語氣都唔好得去邊, 俾人lock 得, 當然有理有啦, 未想過自己有問題就大紅字質問咁, 真係當聲大就係o岩架拿. 自己有尊重到版規俾人捉到正仲係到找借口.
版規post左係到, 唔去睇, 犯左就要人原諒, 咩道理. 唔係教會呀. 咩都可以當粉筆字就算.

仲有, "無知唔係借口", 禁言唔係ban acc, 禁言三日只係講明版規既嚴重性.

最重要, 呢個始終係私人論壇, 版/壇主真係大x晒,  唔喜歡留底可以過注的.

各版主都有正職, 邊有時間去記返獨個會員你幾時犯過咩幾時做過咩. 要佢地記得"你", 應該都好快ban acc了.

不嬲d壇都係一ban就ban曬咁多區架啦- -
我諗c兄你好小上bbs
小弟只係講下only

1) 我從來冇講過話自己砌得有幾好，又幾勁
2) 我從來冇講過及認為聲大就係啱，大紅字只係表示我冇收到通知乜原因要lock id 嘅奮怒
3) 我從來冇係度找惜口，知道原因後，我已承認咗係我嘅疏忽，冇留意到該區板規的第5條，在買賣區作出無關之回應。
4) 版規話禁言，禁言即係話唔比發言，冇話禁睇，lock in入嚟連睇吓嘢都唔得？
5) 最後果句：(要佢地記得"你", 應該都好快ban acc了.)，即係乜嘢意思？係指我一直以嚟係度搞事、倒亂、挑弄是非搞罵戰、經常犯版規嗎.......？
6) 版規第十六(必須服從壇主、總版主及所有版主之裁決)，咁即係可以鍾意lock你就lock你，kill你就kill你，唔需要講你知原因，你只有必須服從。

如果事先收到通知話我因為犯咗乜嘢版規，而家要lock你id禁止發言三日，我會冇咁興亦都唔會係度開post。
鍾意lock就lock，鍾意kill就kil啦l，反正預咗會被屈話我而家係度生事發起罵戰。

Everyone please stop! We are all adult! thinking of " you play model, or model play you?"

this is just a hobby, come on! we all cool!