事源噚日落去深水埗諗下好耐冇去[生毛]同[笑你龍] 就去行轉, 首先入咗[笑你龍], 見當時兩個阿嬸收緊貨, 而舖埋面冇客,
咁我就開始搵我嘅獵物, 點知都唔夠足二十秒, 細細粒個阿嬸同我講<喂! 人哋排緊貨你唔好阻住唒啦>   我即時O哂嘴,
佢哋唔做嘢(拆貨)不特只仲要趕客, 唉! 有時真係唔明點解有D人完全對工作冇誠意嘅有工開有糧出, 有誠意嘅人就冇工開座冷板凳,
之後我就唯有過去[生毛], 雖然佢D模型嘅價錢貴到嚇人, 不過都叫會服務容人, 而最後去咗[服你]買咗隻HG HI NEW做緊特價$ 133
同模型油(不過好似又貴咗), 但係人哋靚姐姐同樣拆緊貨, 一邊招呼客人(唔該借借同多謝都講咗幾次), 可能人手少咗得佢同肥嬸嬸喺
到, 見佢哋都好忙下, 經過噚日體會到俾人激親係會帶動消費, 只不過係會去有禮貌D個間

唔係[三x}, 係[服你]

呢間嘢我間斷咁幫襯咗十多年, 喺近幾年轉去旺角同其他地方先冇去, 噚日係因為想搵d軍事模型(本身玩開高達),
而附近模型舖款式唔會夠佢多, 又唔想去[玩球]咁遠, 亦正如你所講佢哋自從轉做埋批發後的確串咗起唻, 所謂
[ 開工等收工, 串嘴不用功, 見到客人就發瘋]

今姐姐已經嫁咗啦, 佢老公有時會接佢收工, 呢掛都見到喺舖駐紮