係ar 咪話lo 佢供奉ge 唔係佢ge god la ma
咁佢咁樣做 值得我們要去尊重咩

個度都唔只一個啦
再者,係人地國家既名勝玩,本身就唔岩(不論佢係文生定係外國人)
我只係奇怪
點解人地外國人碌,無人出聲理佢
香港人碌,迴響會咁大姐
如果文生唔係成日擺自己D資料上網,呢次事件根本無人理

如果佢唔係教師, 亦唔會咁大迴響.

如果佢唔係教師, 你估有冇人話要寄信俾佢"老闆"呢???  就算真係有人send俾佢老闆, 佢老闆又會唔會理呢???

我從來冇講要 "尊重" 文邪... 我只係覺得佢做o左個 "白痴仔" 行為, 無需上岡上線唔尊重日本寺院文化 / 行為教壞細路, 要投訴佢云云...

正如例子 : 如果佢係 "日本機場" 碌既話, 係咪就無問題先...

係會冇咁大問題架. 佢係彌敦道又好, 佢係電器街碌又好, 同佢係聖堂, 寺院碌真係有好大分別架.

的確,佢既教師身份對件事有影響
之不過個D話佢「影響民族面子」又點呢

都係幾丟架架. 不如咁講, 假設一個美國人係同一地點做返同一件事, 我會覺得呢個"美國"人好冇教養, 好冇禮貌. 記住, 係"美國" 會用左呢個人既國籍/人種去形容.
就同之前有師兄用"自由行" 呢個比喻一樣.

而且事實係日本方面 都係用左 "香港"人去形容, 入左"香港人"數.  咁就夠現實啦.

[ 本帖最後由 VampireA 於 2009-8-15 03:54 PM 編輯 ]

我最唔明白就係,香港人做錯事,會被「自己人」力插
如果係外國人碌長城個段影片被發現先,反應肯定無咁嚴重
撇取文生教師身份,佢都一樣會被人插「影響民族面子」
點解外國人做呢D事,會被人覺得好得意,有趣(條影片入面個D外國人都好興奮),及後又無人攞出黎講
香港人做,自己人不但無半分維護(錯都不至於咁嚴重掛),反而要做死佢
係咪真係如樓上個位師兄所講,貶中媚外呢

因為人地講咩都係用人地既standard, 人地set到幾高係人地既事.

自己插自己人就係用左香港既文化水平, 道德標準去要求返自己香港人應有既人質水平.

自私又好, 各家自掃門前雪又好, 人地道德下降, 人地既事, 唔通自己又要跟住去道德下降咩?? 人地低b, 自己又要去跟住去低b咩???

之前你講 "待己寬,待人嚴" 唔o岩, 有問題.    依家咪正正係用"香港"既角度去" 待己嚴,待人寬"  lor.

[ 本帖最後由 VampireA 於 2009-8-15 04:18 PM 編輯 ]

咁我又想問啦,所謂既「道德標準」係適用於全世界,定係各個地區?
用於全世界,但由於各個地方既宗教,法律都唔同,中間會有不協調既情況發生(E.G有些佛教徒不吃肉,認為殺生不好,但其他人吃)
用於各地區,咁就難以對某D事情作出判決,好似:http://littlenoteinuk.blogspot.c ... n.html#comment-form咁

道德標準 自然係地區性的, 同"文化"一樣, 會受到宗教, 歷史, 傳統所影響.

所以就有"入鄉隨俗"了. 去到人地既地方, 自然要用人地既standard啦. 亦所以互相尊重, 係幾咁重要了.
如果你去日本犯法, 會唔會用大英律例去審你呢???

唔係  我ge佢唔係文邪 ar =3=
我只ge佢係靖國xx ar~

依家插佢唔識得入鄉隨俗, 唔識尊重人地既文化. 而一個教師, 係應該識呢樣基本上既禮儀. 亦即係插佢唔識得尊重人.

http://littlenoteinuk.blogspot.c ... n.html#comment-form
咁以上呢個例又點?
係香港,你著長褲出街,絕對無問題
係蘇丹,你著長褲出街,係犯法

冇點架, 你係蘇丹咪唔好著長褲出街 lor. 就係咁簡單. 你照著既俾人拉左咪抵俾人拉lor.

各處鄉村各處例呀.

咁所謂既道德標準仲有咩意思?
度度都唔同,有D兵荒馬亂既地方,你傷人都無咩人理你
好似你咁講「係蘇丹咪唔好著長褲出街 lor. 就係咁簡單. 你照著既俾人拉左咪抵俾人拉lor」
既然條例本身有問題,點解仲要FOLLOW?
連穿衣既自由都無,打壓人身自由,都要跟?
有何道德可言?

如果清水寺講明吾俾『碌階』, 條友真係有錯.
但如果無講明吾俾, 條友『碌階』又如何?

早排都有個節目講日本d奇趣野. 其中一樣就係橋倒掛, 用頭撥水. 其求好運.
如果條友『碌階』後, 好運陸續來, 大把人爭住去清水寺『碌階』.

一句到尾『世間本無事, 庸人自憂之』, 都吾知有乜好嗌.
正面d諗: 條友『碌階』,點都沾到成身塵. 幫手清楚吓地方都幾好

[ 本帖最後由 abc1997 於 2009-8-15 08:02 PM 編輯 ]

巴士上面冇寫唔俾係車內拉屎, 又唔見人會係巴士到屙..

唔係樣樣野都要寫明唔俾既.

呢d 咪就文化差異同點解係尊重人地文化lor.