老老實實,睇完有D暈
我又唔係話為阿文生辯護
只係,佢做既野,的確係唔岩,至於唔岩既程度係人人眼中都唔同,我覺得唔嚴重,你地或者覺得好嚴重
只不過,需唔需要因為一件錯事,攪到人地無野做,如果佢今次被人炒左,你覺得係教育界仲會有人肯請佢?
呢度有好多師兄都係屋企既經濟支柱,如果你地因為一件「可圈可點」既錯事攪到無左份工,你會點先?
不停咁針對佢,恥笑佢,師兄們又有咩得著?你地覺得佢會教壞D學生,就憑你地睇過佢呢件事,原來好人壞人係憑一件事可以判斷出既
我未為人父,之不過我係一個學生,我想話好多老師比文生更衰呀
我覺得放人一條生路,講少兩句,咪當積D功德囉,唔洗做到咁絕

個段影片都係D「有心人」放過去日本YAHOO架(好似係)

如果個個都好似你咁諗，世界仲需要法律？

現實係，事件國際化左，被人地(日本人)做話柄，香港人矇羞。
我作為個香港人，又無做過滾樓梯這種事，點解要受？！

可能咁講好似嚴重左, 但有句說話叫 : 辜息養奸, 縱慾養惡

人一定要為自己所作既言行負責.

佢keep 唔keep到份工唔係我地決定, 係佢既學校決定, 而佢學校既會作出咩野決定自然會跟呢位文老師對呢件事既睇法, 回應. 亦可以講, 睇佢自己既做化.

之前我都講過, 機會, 係只會俾知錯既人.

既然份工咁重要, 一開始就唔應該做d 會危及自己份工既事.  

要知道什麼叫 "為時已晚" 呀.

好幾年前有一個廣告

生命冇take two, 請小心演繹

[ 本帖最後由 VampireA 於 2009-8-14 08:03 PM 編輯 ]

若要人不知, 除非已莫為.

吉野家強姦案就同今次好似了.  

衰到要影低, 仲要放上網, 所有野都係自作孽

唔駛暈,我都唔係話你為阿文生辯護,
我同意人人眼中都唔同, 係因為大家心中的尺不同,
至於佢會唔會因為咁而冇左份工, 就要睇學校把尺。
至於呢件「可圈可點」既錯事, 一般打工仔一定冇咁大回響, 主要原因係, 他是一為老師, 應該以身作則的老師。
如果我因為一件「可圈可點」既錯事攪到無左份工, 無話可說, 錯就是錯, 跟是否「可圈可點」沒有關係, 非白即黑,  
最怕係" 莫須有" 而俾人炒, 大錯, 小錯, 都係錯, 致於因為 錯而無左份工, 無話可說,
我唔覺得"這裡"有人不停咁針對佢, 因為大部份人係對事, 而唔係對人,
如果文老師, 真的日行一善,做義工, 都有人因為他是"文老師"而要話佢偽善,假惺惺, 呢D係針對.  
恥笑佢就係不該的行為, 我個人唔認同
我們沒有判斷出佢係一個壞人, 但會懷疑佢可唔可以好好咁教學生,  
的確多老師比文生更衰, 你覺得他們衰, 係因為有人話你知他點衰, 而又見到。
如果今天我們不提出, 他的學生不知道那是錯的, 認為社會是接受那麼樣的行為, 你想想未來的主人翁是會怎麼樣

"姑"才對

再補充少少，每份工
亦係為適合果份工既身份而設既
你既身份都唔適合份，又何必勉強，正如我地既政府，勉強用一班唔識管治既人黎做，咩後果有眼睇啦

老老實實,我覺得師兄講野有D似「SAW(恐懼鬥室)」個個人
雖然阿文生犯左錯,但係佢又無「實質」上咁傷害到人,就算錯亦不至如斯嚴重掛?

[ 本帖最後由 聖軍師孔明 於 2009-8-14 08:56 PM 編輯 ]

我覺得佢做錯個件事有商榷既餘地
佢又唔係衰非禮學生個D
有D人支持佢既行為,話佢敢作敢為
有D人話佢ON9,教壞學生
如果你係佢既學生,你會點諗?
就係因為有兩種意見,而又無法律直接指佢係犯法,所以呢件事仲係一個灰色地帶
BTW,睇黃子華要緊,明天再回

如果佢今次真係有傷到人, 跟本就連講都唔洗講, 即炒冇得留了.

你既睇法就好似香港政府, 要有人死先叫嚴重, 先會去做野.  

有冇聽過冇形既傷害住住比有形既傷害大得多呀.

佢post上高登果日已經比人鬧影衰香港人
係日本報道後事情先再次發大

道德要靠法律去界定???? 尊重要靠法律去界定????

佢的確係敢作敢為, 但亦要為自己既所作所為負責.

就同有"言論自由"唔等如可以亂咁講野一樣.

「On9」（広東語で「馬鹿」を意味する言葉からきたネット隠語）
回文好好用的名句

我想知佢句日文點解??

呢D就係新一代將是非對錯的底線越推越低
錯就是錯,
就是你們所說的灰色, 而令一代比一代更不知什麼是是非黑白。
沒有了解他人的文化, 胡作莽為, 係被視為敢作敢為,
如果真敢作敢為, 就自己放番條片出來, 任睇

無法律直接指佢係犯法, 因為日本冇法例係, "寺院前不可碌樓梯"

問題係, 錯在不尊重自己是香港人
佢做事, 可以自己喜歡, 我做我的, 不用你認同,
但事實不要忘記, 他同時有"香港人" 的身份, 做的時候會影響到其他一同有"香港人"身份的遊客。
正等同為什麼有人十分討厭 "自由行" 的同胞, 正因為有些 "自由行" 的同胞在香港行為不被香港人所接受
而所有""自由行" 的同胞, 都被標籤了會做那些"不被香港人所接受的行為"
他那麼說, 可見他自我，自私, 自大。如此行為, 你不會質疑他可否教好學生嗎?

廣東話中"笨蛋"一字的隱悔意義
大概係咁

On9 - 從網上來廣東話用語, 意思為愚蠢.

咪就係，下星期我去日本都唔夠膽講 "hong kong 煎".......