最近睇左 "未來戰士2018" 及 "星空奇遇記"，順便分享一下觀後感 ~ ....







先講未來戰士 :
個人覺得 2018 比起第一二集 (第三集我當佢冇拍過) 都有 d 新鮮感，較有實戰 feel，全套影片色tone偏向灰暗感，拍攝手法感覺上都有別於第一二集，場面算緊湊冇冷場，特技精彩，不過整體都係傾向打同特技，相比一二集，人物描寫刻劃比較少，冇果種可以令人思考回味既感覺。
看罷整套電影，好明顯將會重有第五，六，七八集，故事未去到同天網決勝負，呢到個人黎講有 d 失望，當然，以一套特技片黎睇，仍然係精彩可觀，富有娛樂性，可以一看。

PS. 第一二集係自己心目中確係一大經典，好難超越，會去睇既朋友最好唔好抱住會超越前者既期望去睇，相反，當獨立一套有關連既特技大片去睇會比較好。









星空奇遇記 :
可能同未來戰士唔同 (已經第四集，每集故事有關連)，星空奇遇記感覺以單一套戲黎講較有獨立同完整性，有頭有尾，就算未睇過以前既電視版本亦冇問題，可以當做一套獨立故事去睇亦可 (當然有睇過會好 feel d ) ，故事主要交待年青時卻克同冼樸既遭遇以至相識，直至冰釋前嫌一齊拍擋為止，可以話係星空奇遇記前傳，故事緊湊，特技精彩，人物描寫亦算細緻，與未來戰士比較，個人覺得 星空奇遇記 更為好睇，感覺有驚喜及新鮮感，值得推介 ! ~

PS. 不過我最期待都係變型金剛 ...


(以上純粹個人既觀後感)

[ 本帖最後由 williamgundam 於 2009-6-8 03:21 PM 編輯 ]

睇完同你0既睇法有出入 , 不如請我睇多次解釋下

隊長你肯睇多次即係覺得唔差，覺得邊套好 d ? ~ ....

好，我請你睇一套，你請返我睇變型金剛 ~

變型金剛....通常續集都無第一集咁好 唔駛咁急



其實我未睇 閃撲 好唔好睇架

因為之前對呢套戲毫無印像

Agree
2 套我都看過
特技好情節緊凑
但 Star trek 多返 D 人性同感情描寫
企業號人物個個性格鮮明, 笑位也不少
T4 比較偏重動作, 人物也比較平面
馬格斯心理描寫不夠, John Conner 的英雄感也不突出

冼樸個頭太前衛啦

都係heroes個sylar靚仔啲

同意 ~

但係佢家陣做完冼樸重出位好多 ~

好唔好睇我上面簡述過，或者咁講，好似幾多人冇乜放過呢套戲係心，睇完我諗更覺好睇，

如果係冇情意結既情況底下，我覺得星空奇遇好睇過未來戰士 ~

PS. 如我上面咁講，就算冇乜印像以前果套，當獨立故事咁睇都可以 ~

(不過睇完唔同意我睇法唔好插我 ... )

睇完吹雞,搞個科幻電影齊齊砌

做咩，好多科幻電影貨係身咩 !? ~

聽師兄咁講都好有興趣睇星空奇遇記
未未戰士真係唔多知係咩
但d人成日話咩follow me呢個出自未來戰士

下，未未戰士唔多知係咩 ~ ......

咁既話我建議你先租返未未戰士一二集睇左先 (就算你冇諗住睇 2018 都好)，好野黎架 (經典) !! ~

我會諗起達叔

有時間返去再睇返逃學威龍先 ~

星期日經常重播星爺啲戲

T4,其實馬格斯,呢個角色不俗,但劇本薄弱(得2個鐘,趕住收柴?),浪費了呢個角色(死左冇得再出 )

唔洗，佢既戲我有晒碟咁滯，話睇就睇 ~

我覺得到第五集又會加入新角色，放心 ~

其實兩套都唔錯,星空奇遇記就算無睇前作,最多開頭唔明但到後段會解釋番哂.
                             未未戰士個人覺得最少要先看第二集,因為連鎖性比較多,而故事明顯之後會有第二,三集.
總之今年由watchman開始睇戲睇到破產 ，相信要睇到８月的通天奇兵先會停.

[ 本帖最後由 GK奴隸 於 2009-6-8 05:27 PM 編輯 ]