其實小弟係一個來自內地嘅模型愛好者，自從一次偶然發現呢個討論區之後，每日都會到呢度周圍睇下各位嘅心血作品之餘，從中亦都學習一下各方面嘅製作技術```亦都因為咁得知好多討論區上嘅朋友都有玩BLOG嘅習慣，為咗想認識更多有共同愛好嘅朋友，有更多同大家互相學習嘅機會，所以大概係一年前係雅虎香港開咗第一個自己有關模型嘅BLOG```

可惜係一個月之前，唔知點解突然上唔到，初時以為係自己部電腦嘅問題，但之後揾咗幾個朋友，用唔同網絡運營商嘅上網方法嚟嘗試，可惜結果都係一樣```當時真係覺得十分意外，亦很難過```可能以後都唔可以再通過呢個平台同自己嘅BLOG友交流```

經一番調查，原來有好多人都遇到同一個問題```係網絡上得到一個講法，有人話因為係香港，各方言論都唔會受到限制，但內地卻怕有人會從呢方面得到一D比較敏感嘅話題，所以將部分香港嘅討論區網站和電臺網站都封咗```呢種現象要回復正常，可能要過咗6月呢個人地所認為嘅“敏感時期”

小弟對於內地嘅呢種做法十分討厭，難道中國一個如此強大嘅國家，連最基本嘅言論自由都唔可以有嗎？從好幾年前開始，知情權已經被變相剝奪，依家即發展到連說話嘅權力亦都要剝奪嗎？難道咁樣至算得上一個真正嘅中國人嗎？

對於呢種做法，除咗無奈之外，有嘅就只要強迫接受```但係覺得如果係其他國家嘅人面前，好似有一種連說話嘅能力都沒有，感覺中國雖然強大，人民卻係如此的好渺小```唉```

8X8呢件事當時都係得廣東省同北京d人知,,,連新聞自由都冇,,,可來言論呢...

[ 本帖最後由 wilsonchanky 於 2009-5-27 09:35 PM 編輯 ]

我好同情你，我每次出差到國内都遇到你呢個問題，可以講，甘多年來，能夠看到外國的資訊網站或者討論區的次數，可以講得幾次，看不到反為正常。
係，中國最大的武器依然係鉗制資訊和言論，我睇未來幾年都唔會改變，真係吹唔得拒漲！你睇到hkml已經唔錯啦，呢度都比大陸封過架！
發揮我地中國人的強項吧：逆來順受！

我覺得呢種咁嘅情況未來幾十年或者以後都會繼續發展落去```或者講可能會變成中國嘅一項特色```
可惜無論我地講得再多```正如timng兄所講，可以做嘅就只有逆來順受吧```

新聞與言論嘅自由早就已經俾人封殺嗮啦```只要佢覺得係有出現敏感字眼嘅話，就會連應該知道嘅事都會被抹殺````

唔關究架勁仔, yahoo blog呢排真係有好多問題, 收唔到回覆, 睇唔到回應, 回左唔見咁....都有..
可能你係大陸所以仲多野...
等多一排啦, 有把野你要回應呀!

我都係大陸做野....都有呢個問題...其實仲有好多forum都去唔到...xanga都係...不過我都慣左lu...佢好多野都block
前年連hkml都block....我同你依家可以o係度吹水已經好好啦!!如果真係想睇ge....就用其他proxy 啦....好似有個u.exe去到....不過好慢...try try

[ 本帖最後由 kentakchiu 於 2009-5-27 05:30 PM 編輯 ]

打 4 尼個數字要小心 ...
內地模友隨時上唔到 hkml.....

原來有咁既傳言 ~

而家重未搞掂 !? ~ ...  真慘，如果係，唯有當慳返唔係 update blog 住羅 ~

係呀```咁到時上得返個時我咪會好唔得閑，到時要第一時去TEMPO兄度先得
內地呢邊特別多“花臣“搞嘅```總知就”濕滯“啦```

真係！？
咁就要kentakchiu兄教下路，睇下點用啦```

唔怕``唔怕```依家仲未有事```馬照跑，舞照跳```

如果網上講嘅係真嘅話，我估最快都要7月至頭至慢慢回復正常```

UP唔UPDATE個BLOG唔緊要呀```（反正平時都少UPDATE ）最慘係無得同班友仔傾計吹水呀嘛```

PS：我之前有個問題POST咗係個BLOG度，無記錯嘅話係細節篇個度嘅```你幫我睇下應該要點搞啦```唔該嗮先```

唔好意思,,,改返改返

唉```使乜改呀```有心封你嘅話，隨時話封就封啦```講乜都無用```
一於當佢無到，繼續吹```繼續發揚言論自由```

大陸youtube都block晒啦... 我朋友話好似yahoo hk都block埋

知情權? 自由? 等共產黨落台先再諗啦

樓主小心俾d網路特警抄家喎

車~~~驚都未驚過啦```就怕佢唔嚟```

言論自由....
大陸連足球既free kick 都唔敢叫自由球
咁講政治既地方,可以有幾多自由呢
不過上有政策,下有對策
越禁越多人講既