tim兄客氣,小弟8卦答下
因為7爺想多d人玩AFV野,要吸引多D新血試玩,佢只係用一個簡單易明既手法咁話俾年青人知,軍事野唔係門檻高到咁嚇人既.
我細路果時又無書睇無人問,全部都靠自己或聽講咁試,砌衰左既不計其數,7爺出此貼係唔想年輕一輩再兜兜轉轉靠撞,而呢種印油既方,
我都係近來呢幾架成品先行試玩,叫做俾大家一個參考
1）連底灰都露出來，會否唔好睇架？
露出既底灰,只係係零碎既灰色點,隨個人喜好,唔想見底灰,印多一兩下就無哂
就算去到得國灰咁深色,其實都唔係太覺眼,如果模友喜歡最後玩彈泥,露出既底灰或許可以當唔同色調既泥色
2）純粹督顔色，點做到光暗的效果呢？
如果調出車身光暗色,督顔色應該可以做到,每一隻光暗車身色各用一舊海棉黎印;每一隻光暗車身色用同一舊海棉去印,一邊印一路溶左底色,再用主色加上少許啡.黑..........再印,效果可以完全唔同.....可做到光暗+褪色效果
3）督啡色是爲了露出來似銹色嗎？
我相信7爺係咁既目的,而我就未試過,我習慣最後先搞啡色,橙色.....我都想試下
同一支畫筆同一樽油,由唔同模友去油一件作品,效果個個唔同,睇左覺得岩洗就偷,唔岩洗就跳左個步驟佢,最緊要自己玩得開心
4) 流銹是否用琺瑯油開？
我自己唔係,用返同一隻油.
多數靠筆油,或將少許顏料混好多開油水,稀到似淺啡色既水咁,有時亦會用粉彩加開油水,大大滴點響模型上,用筆尖引佢流動方向咁做出黎.
[
本帖最後由 雲谷 於 2010-11-1 11:55 PM 編輯 ]
分享
