Sorry, 我可能快左,我自已支持民主發展系我都相信呢個制度, 而我所講既叫支持民主既應該好好檢討一下既意思系當你發覺D樣野唔系 sell 得咁好既時候, 你唔好怪人點解有好野唔要, 你傻架 應該睇睇自已既手法系咪出左問題

唔好淨系幫自已搵借口, 又話中央出橫手, 又話政府唔支持, 特首又唔投票....試想如果投票率高, 同一樣野就會有另一個說法 民主就系了解人民要乜, 偏偏搞民主果班就唔去探討  

正如我之前post 講, 好多人唔明點解5個人辭職,又走番去參選, 跟住又選番同樣5個, 錢又駛左, 時間又花左, 得到D乜??  你話人唔明公投既意義, 系公投就唔好搵D有頭有面既出黎, 咁就搞唔清選人定選議題, 當然, 怕輸可能系個原因....

未選大家都心中有數個結果系點,  所以睇電視我就好唔明陳淑莊系台上因乜會咁開心, 可能佢做舞台劇多, 不過呢次比錯表情

就呢D已經值得反思

敢問savepilot兄係學生/在職人士
如果你有機會來往外地(唔係講旅行),真正體會各地的民情,文化,發展
你會深入體會到理想主義與事實的必然差異
發現差異時,應找出原因,以作出優化

在此先說明,在下言論並非想政擊某位人兄
只是借某事件,加強說明一個事實,希望該人兄見諒

正如之前提過的美國教育問題,見有高級學府
即以為美國教育完善
沒有看到本身的問題
其實是金玉其外 敗絮其中
原因在於沒有機會深切體會
但外國新聞台(唔係本地英文台)可以稍為幫助我們

而閣下所言的,從根本而言,絕非民主政制帶來的成果
而部份更非事實

我與其他大大不同,我希望只通過指出社會的現象
令各位有自思的空間
否則又會變成填鴨式制度

個研究係中大一位學者做既 幾年前仲見過報
詳細份內容同研究者個名我都唔記得
不過如果係再追深d份研究
你就會睇清楚佢將香港(第二)同芬蘭(定係瑞典第一,唔記得左)做左個比較
發現一個唔出得街既事實

係香港我只要知佢2樣野就估到85%佢有無大學水平
一. 家庭社經地位; 二. 入左band幾既學校
即係如果有100個社經地位高 又入左band 1學校既學生 有85個可以讀到大學
掉轉如果有100個社經地位低 又入左band 3學校既 有85無能力讀到 有15個係奇蹟

反觀第一既果個國家 幾乎無一個因素可以預測呢100個學生why大部份都有入讀大學既水平
咁你就知人地既教學有幾公平 而且個個都可以做得好
所以人地個個免費讀到大學都無問題
因為佢地知道讀大學末必對自己最好 唔讀都仲有其他出路 唔會隨便拿政府錢
(或者佢地知道政府真係關心佢地 反而為政府著想掛 你係香港有咁既唸法會俾人話天真同埋傻 呢種價值又係邊個俾你?)
但香港 從小到大俾人貫輸既價值觀係咩? 做咩d官明知係咁仲叫你地送d仔女入去讀?
佢唔係為左繼續整d失敗者同白痴出來俾人使係為左咩? 你見有幾多高官既仔係香港讀書?

所以我先話 有可能俾咩好既制度俾而家既香港人都係死
我不否認政制可以從上而下影響民 可以俾機會人從錯誤中學習 我亦信香港人會好快學識
但就正如教學生咁 有無d學生真係教極都唔識? 就好似奴性入骨既維園阿伯

所以我會支持政制係要改係要向前 不過肯定唔係政府而家呢套 屈人過 當人白痴既改革
同時亦要靠我地自己開始做起 同多d人分享/教育俾佢地知民生同政制既關係 不過唔係靠而家既港式教育


p.s.另一個教育研究值得大家唸下政府做緊
美國中小學用家教(16年唔返學 家長自己來教)既模式學習既學生
佢地既公開試成績長年+整體都比學校學生好
that's why我唔信香港既教育會教到學生智慧
但有guts咁做既家長 前幾年咁做結果俾政府告犯法
再唸下佢why政府要迫到你窮 迫到你父母都要出去做野無人理你?
咁你就會知其實香港同中央想要d咩人民

[ 本帖最後由 rohk2 於 2010-5-18 03:33 PM 編輯 ]

很高速的看完, 可能對各位的見解會有誤會的地方, 先在此請各位見諒.

小弟最想說的一件事是, 今次的補選已經係一個平台俾各位選民發表自己的意見.  小弟最反感的是, "為什麼不追求民主就一定是錯?你可以喜歡民主, 我可以喜歡港英的政制, 咸魚清菜, 各有所好."  有17%的人投票, 是不是這代表主流民意?  支持"公投"的人表達了自己的意見.  大家覺得如果民建聯搞一次請辭再要求人投票, 投票就代表大家支持通過政改.  你估下會吾會多過17%?

跟住有人會話, 民建聯一車一車出投票, 實多啦.  如果係咁, 這班平時吾會大吵大鬧的人就吾係香港人?  佢地的意見就因為平時係吾出聲, 係公公婆婆就吾重要?

真正的民主係要一個多數服重小數的制度.  投票率這麼低, 說明了香港沒有統一, 絕對的民意.  請不要再將你自己覺得好的制度強加在其他人身上.  也請尊重不去投票的人.  他們有他們的自由.

最後, 假如不是泛民搞搞震, 早在幾年前已經可以係2012有直選.......你要心急, 想提前有民主, 最後結果是什樣?  香港不是一個國家, 只是中國的一部份.   阿公吾俾, 你可以點?

都唔明你講乜？請問你想講乜呀？阿爺一直唔想比全民直選香港人就係人都知啦，關泛民咩事呢？泛民根本從來唔夠票只能做做樣扮下反對，咪玩啦，阿爺大晒唔比咪唔比囉，唔洗屈人當籍口啦！

無可否認, 民主制度系最公平既制度, 但除左一人一票, 當中亦有包容, 接受其他意見等元素, 最重要系人人平等 一分出勝負, 就小數服從多數

眼見好多幫手推動民主運動既人將唔同意見既人妖魔化, 又或者批評人質素低, 鬧人邊個唔會?? 但咁做法友就無左民主精神既包容, 亦失左風度!  好多支持民主既朋友並唔反對個理念, 只系唔認同某些做法

系香港搞民主, 如果話唔駛理中央既反應, 咁就絕對系唔理性, 如果真系為件事既,實在無必要搞對抗

你呢句真係屈得就屈... 你不如話民建聯一早已經講過 07/08 年有普選, 只係 03 年一百萬人大遊行破壞咗遊戲規則, 屈哂全港人好唔好...

哈哈...

有留意廣告麻...個廣告係話個女想要件今既衫...
因為佢呀媽要開OT...所以趕工做比佢...最後都做左件衫出黎...

e個代表趕工做既衫...同design係有出入...

睇完個廣告........
同銀行d信用卡
賣樓or借錢廣告好似.......
都係假到無朋友

"幫到人 開心d 感覺 都幾好架!" 借完你就知.........

[ 本帖最後由 rohk2 於 2010-5-19 10:33 AM 編輯 ]

吾係想嘈交, 不過好多野係事實.

幾年前, 大陸仲可能怕怕地你班香港人.  當時個份政係俾小小甜頭你.  不過泛民大大聲講睇吾到點解要8年etc.....最後係邊個投反對票?  今日份政改仲衰過上次, 有什麼原因?  因為大陸而家連entertain我地香港人都吾想.  佢連美國日日要佢將人民幣昇值都吾理, 真的要理我地呢班香港人所謂的反對嗎?

問心, 你有無諗過如果吾係泛民自視過高, 以為當時可以俾壓力大陸..... 如果當時放下佢地的"火", 支持政改, 今日還要嘈嗎?

今次政改, 如無意外, 又會吾通過.  你又睇下我地幾時先達到當年的"政改"?

舉個例, 你屋企有10個小朋友, 個個要食糖, 佢地一齊投票要食糖.... 有用嗎?最後個話事權係個阿媽度.  你吾鐘意阿媽, 你可以走.  但你有能力照顧自己嗎?  如果個阿媽肯俾你食半粒, 你吾食, 就連半粒都無埋.

做人要自知, 泛民自視過高, 當年否決, 今日也一樣.  你要明白, 香港是中國的一部份.  有好多野, 真係吾係我地話事.....大陸一步一步進步中, 經濟效益上, 好快上海, 北京可以取代香港.  香港而家係大陸心目中越來越無價值.  大概最有用的地方係俾台灣睇一國2制......等佢可以統一.

你問我想吾想民主, 我想.

你問我要民主定安居樂業, 有飯食, 我要食飯.

各位砌模型的朋友, 可能我說的你吾認同, 不過大家心中有數, 香港可以吾靠中國嗎?   空有一身熱血, 吾理事實, 只係好似長毛之流搞搞震, 最後有什麼得著?

你最好同當年六四,死左既學生講...
呢個係原則問題.

但好多人只係為左食飯,或拎呃飯食...

如果你相信呢個世界無左邊個唔會死既 (雖然我唔想咁無人情味咁講)
如果你相信香港人仲有佢地既智慧可以創新既 (雖然咁可能俾你話唔好自視過高 但香港人既IQ全球5名內)
無左老闆先可能自己做到老闆 (睇你想做個想留住老闆既擦鞋員工 定係做個老闆想留住你既員工)

如果而家剩係為左食飯 如果香港真係有日變成同上海無分別既地方
先係最無利用價值既城市 到時阿爺採你都有味 認真先甜後苦 難怪俾人話香港人短視

[ 本帖最後由 rohk2 於 2010-5-19 02:18 PM 編輯 ]

請不要再舉這種例！第一，政府就只是政府，不是你啊媽，你唔係政府個仔！第二，幾乎所有香港成年人都是自己搵錢養自己，唔係中央政府養我的！你是嗎？

倒想問一下，無開放的制度(唔一定係民主)
你認重有得開飯咩?
有權有勢佔盡天時地利，有著數佢地分先
你啖飯將來有得食?

有人會講，中國咪一樣無開放既制度，但係佢咪一樣經濟好
請唔好搞錯，中國係當年全球最低既生產成本，而且政治又穩定(專制又點會唔穩定 )，唔會好似非洲、東南亞(泰國、緬甸等等)
d錢不停咁推俾中國，但係俾d官員同有關人士賺晒，人民會有咩錢?

就算金融海潚前，香港經阿爺幫助好似係經濟有起色，但係邊個受惠，你諗都諗到

你靜係睇下改革開放前既中國同台灣，你就知所謂民主同專政，邊個有錢途......


補充一點:
剛剛睇篤姬，篤姬講左一句
點解我唔駛做野就有飯食，d農民做到死都食唔飽
因為佢係武士，權力者

[ 本帖最後由 ch_lycab 於 2010-5-19 09:42 PM 編輯 ]

http://hk.apple.nextmedia.com/te ... amp;coln_id=6881232

"香港蟻民已經認命.."