車頭燈.  

用左 2 個以前淨低既 p/e 件, 做左左右兩邊夾夾, 再用一條 p/e 流道做左中間個勾.  ( 真係搵唔到手頭有乜野可以咁幼   )

車尾燈

原來除左右邊 fender 尾係咁迫之外, 左邊都......  好彩都仲開到個工具扣.

左右兩邊 fender 大致完成, 淨低右前方一個雜物箱.

好正呀!!好正呀!!
今日睇番tasca份說明書，原來佢無錯架。

車頭部份.

追加返 d 工具扣, 鋼索扣.

車尾部份

跟返 4121 既圖片, 加返進氣孔既間隔.

底盤部份大致完成.

犀利犀利!!!
不過果個右前fender雜物箱，只有中間簡簡單單一個扣，唔駛咁複雜，而箱底前方應有兩個底座仔。

唔該馮兄.  雜物箱多左既兩個扣, 既然整左就唔拆了.  至於前方兩個底座仔, 我都有用 d 柳釘座整左. 不過係相睇唔見 (可能係啡色 p/e 關係 ).  但係都睇到成個箱係水平型式擺放.

為甚麼要畫蛇添足呢??

因為.....  整得幾靚, 咪唔捨得拆囉.   反正未有耐會噴油, 噴油時先決定留唔留低啦.   

今晚開始攪炮塔 ~

遇到一 d 問題.... 想請教下大家.

紅圈中的, 係咪一 d 把手 ?   bovington 入面架 4121 好似無左好多.... 我會跟返黑白照入面加返, 有無問題 ? 係窗口下面o個個係咪都係一個把手黎架 ?

藍圈中的, 係咪兩粒柳釘 ? 駛唔駛加返上去 ? 黑白照太模糊, 我唔敢肯定.

謝謝.

bovington 入面個架, 有紅圈兩個把手.  但係黑白照又好模糊.... 照常理, 博物館會唔會自己加上去架....  加返好唔好 ?

博物館車絕對不能盡信!!
睇下尼隻豹仔點樣復原就知。
未復原之前，真係好似一堆爛鐵咁架!!
http://news.webshots.com/album/557459478lrYVBU

要在模型上加上一D非制式既釘釘扣扣，真係要非常小心，必須以戰時實車照片為準。
因為博物館復原過程中，可能為方便吊運，會燒個吊鉤上去，但之後又唔記得拆走!
有時又將D"luck"左既部件，亂咁燒番上去，而且錯哂位!
又會自製D唔見左既部件，但係做到鬼五馬六!
甚至將另一架車既野裝左上去都得!!
尼D烏龍事唔駛講咁遠，香港已有一個例子。

言留正轉，要睇清楚尼D細眉細眼既東西，首先要放大幾張實車照片，再慢慢研究。
好彩office有個靚scanner。

圖1
圖2
圖3
圖4

唔該哂, 馮兄.  你 d 相真係好鬼清楚既o者...

明解哂, 等我返去執執先 ~

先研究左邊車身有沒有兩個U型扣: 博物車無，實車照片亦唔覺得有，所以唔好加。
待續..

明白.  我都睇到淨係右邊車身先至有, 所以就想問下會唔會係博物館自己加上去....  點知, 你部靚 scanner 話左唔係 ~

哈!醒目! 既係右邊車身OK啦。
咁到研究炮塔，博物館車左邊炮塔前面一粒大一粒細，大果粒"咁鬼大"，無理由實車照片完全映唔到，所以建議唔好加。左邊後面D扣又係古古怪怪，實車照又睇唔到有，建議都係唔好亂加。
至於前面細個粒"的"就真係要諗諗，雖然實車照睇唔到，但奇怪尼粒"的"同樣出現在 saumur 果隻貓仔同一位置位上，而且大家都係炮塔左右都有，咁無理由兩間博物館都一齊老作架!!??所以建議左右都加番上去。