睇完師兄個post, 非常懷念小弟十年前係IC引線框廠工作的日子......

連小批量photo resist都比你買到，真係要比個服字你

師兄貼photo resist時點樣令到佢地咁貼服，冇起氣泡呢？仲有驗鈔機d紫外線好弱架，應該要照好耐至顯影到，咁請問你照左幾耐呢？

另外，你對印刷都好有認識喎，前後菲林對位果度做得好好

小弟識得做呢行的朋友都差不多轉晒行或跟埋公司北上Lu
相信 tajima 兄都可能已經轉行了

photo resist 唔算難搵呵，我上 ebay 買的

同貼玻璃窗反光紙/牆紙差不多貼法，都係由一邊開始慢慢捽過另一邊，
不過因為黏力唔大，所以冇落水
都有少少氣泡，咁岩唔係重要位置，蝕完就冇左。
如果咁岩有用的，就用針篤穿再用marker填返

頭果幾塊我係用驗鈔機照的，整左好多好多次至做到幾塊
15~45分鐘都試過，但驗鈔機經常唔夠電，所以就算照的時間一樣，結果都可以好唔同，好難捉摸
過年前買左支紫外線光管，試左幾次，暫時覺得照7分鐘出黎的效果唔錯

對位其實唔難，都係學國內同好的方法，將兩塊膠片搭岩位，固定好至放塊銅片入去，比想像中容易好多

P.S. 師兄的雙蟲好正，點解咁耐冇出 post 的? 期待新作，交流交流

諗住過年有幾日假可以坐定定砌下野，點知初四就要開工
斷斷續續咁繼續攪個車轆，搵唔到岩size的圓管

放假前朋友畀左D矽膠，係時候搵返王子老師個 post 出黎抄考啦

頭兩個倒出黎都勁多氣泡，躲在後面了；𠝹多幾條路放氣就好好多，不過件裡面都仍然有好多細氣泡，睇黎都係要搵有真空機的師兄幫手先至可以複到靚件出黎，

請教各位師兄仲有咩野方法可以改善下呢?

好手功

倒完模出黎，唔多唔少點都要執下，好正常........

兄台完全 DIY 搞到咁，十分強勁！  佩服、佩服！  

哇··个样好掂。
轮圈完成，那轮胎有现成的吗？如果没有怎么做轮胎的？

讚嘆!!!

老實說,你copy個幾個根本唔用得,你試下係個模加D爽身粉加強AB水流動性可減少氣泡.

[ 本帖最後由 winstonm3bmw 於 2010-2-22 07:03 PM 編輯 ]

好西利,,差唔多係自製成架車

抽真空會唔會好D

你有架生就一定好 真空機唔平架

[ 本帖最後由 winstonm3bmw 於 2010-2-22 07:56 PM 編輯 ]

手功差就真，諗住偷懶整少個鈴 & 試下玩複件咋

都預左要執架啦 ，不過從來未掂過 cast，係玩呢架車車至開始試下，所以冇得比較

patmb 兄太畀面啦，只係自細都鍾意睇曾近榮(認真)果個"學以致用"(相信都唔會有太多版友記得呢個節目)，D 性格都有少少受到影響，所以.....

同廠出的仲差好遠 ，自己玩下就冇所謂
輪胎應該都係冇現成，暫時打算用矽膠做，不過唔知有冇黑色的矽膠或者溝唔溝得顏色

多謝 evo兄，爛尾 post 一個，只係希望拋磚引玉，遇到難題容易D求救嘛

咁如果 DEVIL兄成日玩依類又成日要複件既話都係一個唔錯既選擇黎既
我記得之前有個係講抽真空既討論POST
不過好似潛到好底LU

頭兩個冇落爽身粉，後尾醒起，後兩個已經掃過爽身粉，表面真係改善左唔少，但係都係強差人意，側面都仲係見有不少細泡
過幾日試下溝的時候唔攪咁勁至得



P.S. 之前見你好有興趣買大陸矽膠/cast試ge，有冇經驗可以分享下?
另外，聽個friend講，我呢家用果隻矽膠係 for 真空機用的，所以流動性低D都唔影響，但如果手倒就可能唔係咁適合，
winston兄你用果隻係咪好似麥芽糖咁杰ga?

[ 本帖最後由 Devil 於 2010-2-22 09:12 PM 編輯 ]

想就咁想，覺得咁樣應該可以學到好多唔同的野，就算爛尾都冇乜野遺憾
不過就真係會好花時間，遲d都係要開盒砌下野，如果唔係，枝噴筆又再塞過都得啦