查實佢加返藍色, 紅色都值得一試, 但係粉色返小小, 淺色返小小, 係3隻主色搵返個中間位, 應該會好好多, 特別係紅色透明件保留返完色

在下雖然都只不過係模型界新到唔新ge小人物一名....
都覺得果隻野真係做得好唔掂....
這算甚麼上色!? 將一部野搞到冇曬本身ge特色就以為自己好勁?勁到show係本野度賣錢?
絕對認同樓上ge例子,正如大家睇港姐都係一路睇一路爆粗(唔洗扮喇..我知道個個都係咁 )

有人話我砌出黎部野唔係一流作品就冇資格話人?
我想講,自己做一樣野好唔好 同 判斷某樣野好唔好ge眼光 完全係兩回事lo..
全部都係好導演,咁冇人做影評人啦
全部都係施丹,咁冇人做伍晃榮啦
個個都係特首,邊個做寫犒佬?

我今日行街,經過d漫畫店,一見到個封面,眼都突埋!!!我响其他論壇睇過其他配色,有10款!!(扮：ＧＵＮＤＡＭ（ＲＸ－７８）,百式,機動警察,變形金剛（柯柏文）,鐵甲萬能俠,六神合體,三一萬能俠,超獸機神,幪面超人Ｖ３,麥當勞叔叔都有!!!!!)可能是用電腦配色,但都冇見到咁不知所謂既配色!!!

yes

首先, 多謝 wataru 兄判斷我為 "好勝", 九型人測試定我為第五類.... 做了三十多年人都係第一次有人用此形容我.
其次, 我寫我對此 unicorn 作為雜誌封面的不滿, 竟換來貴兄台字字計對, 真的氣得七竅生煙
最後, 其實我都頗習慣發貼沒有多少回覆, 難得貴兄台緊緊跟隨...

想真一點, 還真的要多謝您!

btw, 您真醒, 我出貼是為了要人認同我的觀點都給你看穿了, 投降!

哈客氣客氣, 我不嬲都係對事, 你要認為我"緊緊跟隨"既未免太抬舉你自己, 係呢度我都"得罪"過唔少人, 不過隨你喜歡, 就當我好欣賞你又點話.
要討論既我諗貼去討論區好, 你開此post既目的同 模型成品轉貼區 有點出入, 唔知貴兄你有無留意?

飛雲兄
人地話機界話得岩wor

董先生唔掂都要俾人批評啦
何況依本機界已經就o黎廿年呢?
特首就話可以選過個
但係依廿年o黎得機界一本本地模型雜誌
其他o既都已經摺哂
點解電擊,hobby d作品冇乜人彈?
其實講到尾機界已經跟唔上市場需求好耐喇

我自己都睇左十年
十年前同十年後o既作品同文筆都係咁老
係時候要改進一下
有人批評下係好事o黎wor
點解你又睇唔過眼話人地唔成熟呢?

佢都講左啦...人地出書為左生計姐.....話唔定人地/人地有親人就係果度d編輯呢....
無謂斷人米路丫....
新手亂估XD  閃人去

或者你無留意我講既某部份同之前論壇有過長達數十版既討論, 機界更作出有關既回應。 的確機界質素無疑係會被比下去, 我自己亦已甚少會買, 但佢有佢生存既理由, 如果無人買既自然會被市場屠汰, 批評當然係可以, 但亦都要顧及討論時既地方同責任. 作為模型討論既點都應該容許各方面發展既空間同埋以一個模型討論為中心既場所唔應該涉及商業成份. 然而點解當時既討論最後要被斬post? 就係因為當中涉及一些激進既言論, 就連一 d無咩睇過既"小朋友"都加把口既片面之詞, 直接影響到呢本書既生存空間, 所以先要封post。 我覺得係甘短時間內再將呢個話題再度死灰復燃既甚為不智, 或者可以話目的甚為不妥, 好容易激發起更激進言論, 其餘既我都係先前既post解釋過唔再重覆, 要講既就甘多, 無謂助長某D人既目的.

其實我唔認為個post有d咩「涉及商業成份」
如果連呢d討論都話「涉及商業成份」唔講得,係咪話講任何要比錢ge野都唔講得?
咁hkml仲有咩用? 閣下都好雙重標準下
要顧及討論時既地方同責任? 我相信樓主就係覺得呢度有模型界ge高手先選擇呢度作為討論時既地方? 我唔覺得有咩咁唔適合lo
如果話"呢本書既生存有唔掂" 點解唔係出書果 D要改善下而係要顧客幫佢講多幾句好說話?
再講係呢個post度第一個令人覺得唔好ge post就係你,
無啦啦話咩人'不自量力'?


提到「激發起更激進言論」,我覺得果個係你lo

對唔住
我係對事, 但係你頭先個post係對人囉
人地係商品, 俾人插係應該o既
但係大家都係o係網上論壇討論的話就唔好批評個人言論了
大家都係免費使用論壇o既空間
但係就o係度人生攻擊

網上o既討論都係免費, 而且選擇很多
但係模型誌係要俾$20而且香港淨番1本自家出的
分別太大啦, 唔可以一句話唔買就咩事都冇
好多選擇o既話唔買冇問題, 冇選擇但又想睇的話又點?

為左香港模型o既未來, 機界身為本地唯一模型誌, 係時候要檢討
眼見香港模型業已經到左飽和o既時代
年輕o既一輩想認識更多模型o既知識已經冇乜選擇
如果企出o黎批評就係唔成熟
我諗依個香港起碼有一百萬o既人都唔成熟
除非你唔記得71遊行吧

[ 本帖最後由 crabcrab 於 2008-1-9 11:26 PM 編輯 ]

算啦算啦．．．．
雖然唔係咁令．．但係人地都用左唔小時間去ｍａｋｅ．．．
雖然效果唔係咁好．．但係都唔駛罵人地罵得咁犀利啊！？

朋友
論壇中的免費作品, 作者都叫人任插
何況依隻作品係人地雜誌今期o既主題介紹呢?
上得封面就要經過內部審批
配色差到係咁俾人插, 而且仲係封面作, 依班老編係咪好有問題呢?
個人意見覺得佢地品味真係有點那個

隻成品的確係唔多得﹐但因為係機界封面作﹐為批評而批評好似有點兒過火﹐ 同埋可能unicorn太受擁戴關係大家既言論係咪有點兒感情用事呢?
*速閃*

就係因為要卦封面先要做得"好好睇睇",而家做得好個人化麻...

我有買哩期呀...我估我有權評論一下卦..
本人唔係此雜誌既長期讀者,買哩期既原因係自己都很喜愛獨角獸哩款MG.
唔係模型發燒友既我都買左一盒,見都有關獨角獸既報導都會十分留意,一見到有雜誌做封面,即時放低廿皮買上車睇.
睇完雜誌上對獨角獸既介紹及上色既言論...心裡面真係....%$*%(*%!#*$
廿皮...下次都係去吉下魚蛋好過.

呢個可能係反面教材唻, 當全世界r緊頭唔知點噴隻unicorn先噴得特別噴得出佢0既神髓0既時候, 呢隻機界unicorn正好警惕世人唔好亂咁改色.........(閃~)

每一盒模型，點砌點上色都好睇個人喜好，如果個個都一樣就唔係咁好玩啦（素組除外），我睇過另一Ｄ相，問題不大。我個人意見係今次機界封面美術處理不太好，個封面張相突登加重左個螢光紅色，搞到冇晒detail，個白色又爆晒，我拿上手一睇都打左個突！大佬，白色機械人用白色background，唔好玩啦！

各位有興趣可從另一角度睇下，先下定論都未遲[轉貼]：http://hk.myblog.yahoo.com/npmf-20050905

[ 本帖最後由 Amazingman 於 2008-1-10 12:50 AM 編輯 ]

有買電擊2月號的朋友
應該知道今期電擊用左幾頁介紹用唔同白色o既深淺o黎上色
依個就係日本同香港o既分別啦

附上手機照, 睇唔到勿插

[ 本帖最後由 crabcrab 於 2008-1-10 12:36 AM 編輯 ]

絕對同意~~~~
唔鐘意鹹魚青菜,可以轉食魚翅,勞氣什麽!!!
而且也不是各位型容的那麽差吧~~~
如果我真的睇不順眼,
我會好努力咁砌一隻更加出色的,
係標題寫明"比機界更出色的"
祇係識講識嘈,但係又唔砌,
好容易會變成"抽水哥"的!!!