面對批評先有進步,明白到自己既弱點,先至有進步~其實做人都係一樣~

但又有幾多人行接受別人的批評和意見!
網上大把井底之蛙係自己細小的井裛當自己是世界的中心! 一出外面被人家指出缺點後就發老皮; 之後在自己的井底話人家幼稚, 心智依然未成熟, 話自己點神人ed自我慰藉的說話!

[ 本帖最後由 oliwa 於 2013-7-19 08:39 PM 編輯 ]

"評分" 係令發言減少的主因……

個人感覺個環境唔系咁好,上模型網除左同好吹下水外, 觀摩參考亦為重要, 所以有D基本資料系應該有既, 見好多系度既post, 邊間廠出品又唔講, 比例又唔提...就咁放幾張相上黎就算~好似搞影展咁 (不過即使影展, 光圈,快門, 用乜鏡頭都要提下) 其實系呢類基本資料上面, 理應有點要求, 比果D"評分"更加實際

能夠有更詳細關於作品既資料絕對係好. 你見我搞既果個砌砌齊, 都幫大家搵返個box art 出來, 盡量講返比例同出處. 尤其一d 冷門少少, 你唔講, 真係冇人知係乜.
只係, 大部份年輕一點既, 砌科幻模型, 都會只係gundam, 而bandai 出過d 咩, 有少少熟都會知. 搞到唔講, 都應該"要"知係乜咁.
我亦相信, 好多制作者出post 時根本都冇諗過, 理過呢d 問題. 相反, 去到其他外地forum 或網誌/網站, 就會發現就算唔講廠, 都最少會講比例.
而呢度, 又或者"香港地區"(即其他forum 如 uwants) 出post 都喜歡用一d "eye catching" 既"句子/title", 而唔係作品既"用件, 比例, 生產商"
我估呢種就係新一代為左引人注目而演變出來既特色吧.

但係依細佬所見嘅怪現象，就係新手會post成品區，反而d又大改又攞獎又加精嘅就”懶謙虛”（純個人感受，如用字有得罪勿見怪）po練功房
咁樣係咪已經同起練功房嘅原意唔同左呢

所以我認為環境系要 "營造" 出黎既!  呢個可能壇主們要思考一下個壇是否要有自已既特色

我覺得基本資料系重要既, 因為佢直接影響到我對一件作品既觀賞角度, 知度系邊間廠既出品我會大概知道模件既質量, 如你所提到, 有 Box Art 更佳 比例亦系重要, 唔同比例對細節既睇法會有好大分別, 一件精細既作品, 系 1/24既話 可能會覺得平平無奇, 但如果系 1/144, 咁就變成超精細.....

我以為開個模型網比同好交流之餘, 亦應有個使命 (會唔會講得太高?) 去推廣呢種活動, 幫新手學會點欣賞一件作品...如果就咁放幾張相, 無資料無說明, 即使好多個Like, 咁又有何意義?  

不如睇 Blog 算啦

其實想多d 人氣, 最重要係有水吹...

練功房 : 冇水吹, 作品一係高手級挑機, 一係新手唔知掟, 同成品區重覆...

制作區 / 成品區 : 有咗 "讚" 功能後確實小回覆, 以前見朋友 PO 都會講句, 有得第一句, 自然有來有往繼續吹...

模型最新情報站 : 資訊發達, 手機 FB Apps 一開, 資料一定 Update 過呢到, 而且資料性冇乜需要回...

模型人技術交流區 / 模型友聊天室 : 幾個 "監察 L" 守住, 成日叫人 Search, 一係串人窒人, 都唔知想點...

個榜 : 讚~! 好作品唔係次次咁啱睇到, 但有咗個榜可以令人 Pay Attention...

總括而言 : 冇交嗌, 冇水吹, 一個資訊發報中心 + 商業平台, 個個袋完料就走~

再講, 有人係 "模型最新情報站"講乜乜出咗, 附有張買咗 4~5  盒既相,
跟住d "道德 L" & "葡萄 L" 就大罵人地好哂泠, 哂有錢, d 貨炒貴因為佢云云..

而家搞到d 人報料得句 XXX 幾錢, 相都冇幅, Draw 唔到 Attention lor...

其實模型好貴 ma~? MG 三舊水一隻, 三隻都係一千蚊到, d 人上大陸 "救國" 一晚都唔止咁既價 la...

有d 版友句句道德掛帥, 淨係批判人, 新人被窒幾次都走 la... 都係果句 : 水至清則無魚...

一時唔偷雞做堡長 講人就叻呀

以前製作區好多野睇，即使水份多，但都有人KEEP住UPDATE
依家人煙稀少，開個POST都冇人回，仲邊有心機再UPDATE

有時有人問，就比人＿，有人就貼LINK比你，仲要日文居多
唔問又唔識
唔識就冇心機，砌完自HIGH就夠

亦有時有人問，但不知虛心為何物，口氣大，
人地答人又唔識多謝，老奉以為有人教你
換左我係老鬼我都唔順氣啦

各方情況都人，人氣自然低落
但呢度依然好多熱心人願意教人
只係當人氣開始愈來愈少時，人都慢慢離開

有評分冇回覆
其實砌模不是求分數
冇回覆失去了模友交流的意義
無人分享交流 高分又有何用

雖然咁多師兄都點出新舊制嘅差別, 亦較為接受舊制, 但相信對各版主而言係一個難題(返回機制  ),
要喺現行制度上逅番消失嘅人氣唔容易, 而點樣改進人氣榜模式相信係重點.

-----------------------------------------------------------------------------------------------------------------------------

喺小回覆嘅現況下齊齊砌活動的確為沈寂嘅模聯帶唻唔小生氣(當中高手同新手齊參與),  自己覺得相對人
氣榜嘅個人化唔及得齊齊砌群體人氣, 原因大家唔駛太考量大改唔大改, 直砌上色又可以一齊玩, 熱鬧得唻
各樓主亦有唔小資訊提供俾參與者, 交流上亦唔會太過離題

暫時個人唻講都只參與齊齊砌活動, 個人成品或只會當年結至出個人pose, 希望各版主有新idea令各師兄多
參與交流

有人睇到小弟留言咩?

根本呢到就係小卷子
自已友玩埋一堆
新手入黎分享就被人無視
點會有人想留係到

但其實我發覺響製作過程果邊，大家嘅回應會踴躍好多，因為果邊作者會講嘅係件作品嘅製作概念，製作過程同心得、所遇到嘅阻滯等；有時甚至會講下模型本身嘅資料，呢啲都容易帶出討論。唔似成品區齋睇成品，除咗講好同唔好，有時真係冇乜嘢好講。

每個討論區都可以係一個小圈子, 想溶入要靠自己...

例如 Set 反個吸引既頭像 (形象好重要, 淨得 Login Name 面目模糊冇得怪人),
多係自己認同既話題發言儲一班同聲同氣既網友, 最重要當然出多d 成品 or 制作 Post,
始終模型討論區, 淨吹冇意思既...

[ 本帖最後由 twinsa 於 2013-7-20 10:09 PM 編輯 ]

你呢個post>>>


我有睇到呀. 咁點呢?? 放個煙花通知大家?  
但好老實, 我根本就唔覺得你既偉論特別喎, 有繼續討論須要喎.
依家有五十幾個post , 有一半以上都係冇人like到, 冇人引用到.
點解你個回post 就要人特別照顧呢?

拿, 我依家就回左你post了. 咁你係唔係變左圈內人啦!

想唔被人無視, 第一步就一定要自己走出來參與, 之後再交出自己既貢獻.
依家唔係小學操場, 你企埋一邊作悶唔會有老師拉其他同學叫佢地參你玩既.

每一個人加入時都係新人. 可以完全一個舊人都唔識.
我自己當日來到, 除左幾個本身係 newgroup 果邊已經識既, 未係個個都唔識我.
我都係要回人地d post, 同d唔識既人吹下水, 吹吹下先識.
自己唔主動去識人而怪責人地已經有相熟朋友. 你當自己係邊個? 天王巨星? 一出就要萬人歡呼?!

搞齊齊砌其實話難唔難, 話易唔易架. 砌野, 好多時要靠果把"引/火", 齊齊砌就更加要吹下吹下咁引大家條癮出來.
其實之前我同威廉千影搞飯局咁, 頭一次都係吹下吹下咁無里頭咁搞到. 又好彩搞得好, 先搞到幾次仲可以越搞越大.
當中吹左唔少水, 先吸引到大家有興趣參加架.


都唔係既, 可以口模架麻   逃.......

[ 本帖最後由 VampireA 於 2013-7-20 10:22 PM 編輯 ]

師兄~你計埋呢個post只得兩個留言...
甘就覺得自己俾無視....
首先師兄你連成品都未有, 這裡是模型交流地方連最基本吹水既理由都無...
是問大家又怎能有交流?
真如鬼爺所說想有人覆你, 先要整成品介紹自己等大家認識你
將心彼己