回樓上先, 帶飯一d都唔失禮.
我返工成十年都係帶飯, 間中都會出去食. 慳返都唔知幾多.
灣仔區差不多40元一餐, 40元x20日=800元. 俾50元亞媽佢都開心啦!開心唔係多左500, 係個仔生性俾家用.
(事先聲明, 我唔止俾500咁少架).

至於結婚買樓, 今時不同往日矣.
現在租唐樓閒閒地都5000-6000, 兩個人當每人一萬收入好未? 加埋二萬元.
扣除水電租伙食日用消費真係剩返無幾多, 一個月儲到幾多錢? 我相信3000-4000元左右吧.
當儲4000元一個月, 一年十三個月糧, 一年就50000元上下. 這種生活, 要過十年(!!)先夠50萬元做首期+乜費物費.
這個首期亦只夠買100-150萬左右的樓宇(十年後應該還有部份樓是這個價).
之後才開始還樓債, 咁又十幾廿年. 人生有幾多個十年? 樓上就用左兩個幾三個.

以上雖然未計加薪, 但亦未計失業/ 生仔之類.

至於你話申請公屋? 單人公屋收入不能過7800元左右.
兩人總收入不能過11500左右.
三人就大約萬三.
這是基本入圍資格, 之後要排期, 因為是計分制, 以三人家庭而言, 排四年左右就可以有公屋啦(詳看房屋網頁).
但你有無睇到樓上兩人總收入果欄, 是11500, 即係以上兩人家庭無分.

咁居屋呢?
香港還有居屋起嗎? 今年都將最後幾千個單位推出來賣了, 二人家庭只可選擇二手居屋, 即是要補地價.
那賣多少錢呢? 現在沙田居屋價錢視乎樓齡和地區, 閒閒地150-250萬元(已補地價). 你儲到錢, 都可以買架.

最後, 一個最重要的問題:你找到一個願跟你一起捱一世的女仔嗎?

我自己就簡單d, 一路儲錢, 唔好搞咁多無謂嘢.
儲都三四十萬時, 等再一次樓價下跌就買個細細地既公屋單位(租者置其屋). 自己一個人供掂佢.
一個人住, 二三佰呎好夠駛, 連房都唔駛間. 辟一個工作間俾自己砌模型.  
有需要, 就識女上來砌~~~   
如果佢肯住埋就俾半邊牀佢訓, 玩完就NEXT~~~
直到某日俾人發現死左係間屋度, 咁就完左一生. 間屋就留俾兄弟姊妹.

我無咁講過

...

無計，父母係二戰時候出世，小學都未畢業
唯一係兩個仔大學畢業出身，家庭環境先有好大既改變
當年邊似得有咩眼鏡費、上網費，閒來無事做，就去圖書館睇書，一星期去一、兩次，一個月都睇十幾廿本書
所以成功需苦幹

回樓上一位師兄，我出身十年多，幾乎餐餐都帶飯，唔係點得我年年去日本
你諗下，一餐午餐當你$30，一年52星期，當返5天半，星期六獎勵下自己出去食
條數就係52x5x30=$7800，已經係一次旅行既費用，而且又環保
就係因為咁既生活，先會數口咁精

我真係好佩服師兄你

wa....原來一家4口....果時四千幾蚊,唔洗交租都唔夠用啦,你地點生活架,....除非d米同菜自己種啦....
分享下果時點4個人一個月洗四千幾蚊好播....

當年(92年)公屋都係幾百租，97年都好似係一千六百左右
母親就去街市菜檔幫手，所以每餐都有免費菜，但係無人工收，都做左成4-5年，直到我9x年入大學，米就一定趁減價買一大包裝既
中學阿爸都有俾零用錢既，兩兄弟"夾埋"有$150蚊一個月，通常轉過頭就俾阿媽做家用。當年學校一個雞膇都要大約$5
家中任何必需品都係等大減價先去買，一買夠幾個月用既(兩兄弟做咕呢)，而且一直用經濟裝，例如洗衣粉就買差不多個紅A果 D咁大，又或者係買500ml送???ml果 D，甚至買一送一
"實惠牌"果類陪我渡過好多歲月

而阿爸做藥房，好多家庭用品都係舖頭老闆低價賣俾我地
當年興van、sence呢年牌子，一直無我身上著過，通常去批發檔或者屋邨去買(一年買一件)，白飯魚、無牌子或者yasxxki，kamxxxchi(新年先買)呢d牌子就會著

我自己頭個廿年成家人都未試過自己掏荷包錢上過茶樓飲茶，通常飲茶都係有親戚請

家中既文具就靠參加報紙既投搞、某某遊戲，因為通常果類會送文具，memo紙，簿果類，就靠果 D免費文具
書簿津貼、車船津貼，學費減免就一定會中請，書簿津貼就通常會得七七八八，車船津貼就簡直係甘露，因為基本係行返學校
其他就無咩特別，只係無娛樂、生活圈子幾乎就係屋邨、圖書館、探親戚等等


不過我最佩服係我阿媽，佢簡直係化腐朽為神奇

師兄全家都好厲害
我92出嚟學師有$5000....
俾家用$3000,1個人洗$2000都話唔夠....
月尾要問阿媽借(or叫攞)幾舊應下急咁...
我好慚愧

你地果時係咪好瘦??

不過出做野就比較大洗
唔係都唔會重未結婚


未至於，因為食果方便係粗粗地(平日)，但係都唔會唔飽，係其他方面慳d
所以甚少街市收檔執垃圾餸，因為我屋企人都知健康好緊要，最多係人地臨收檔先走去買餸
新年就最豐富

[ 本帖最後由 ch_lycab 於 2010-9-4 11:25 PM 編輯 ]

真係好勁

睇完真係覺得對宜家既生活不其然...地覺得慚愧

其實我的身世同師兄都有些類似，當然不完全相同，但都曾經挨過，吃過咸苦，不過都過去了，詳細唔多講咯！

總之就係想同樓主等年青人講，好多野唔係無可能，只係視乎自己肯唔肯，
結婚無話必須先有樓渦！係必須有個地方住甘解姐！租都得架嘛！

同意
我都明白現實社會有好多不公既事
但既然改變唔到社會既大氣候, 唯有靠自己打出一片天
總好過坐以待弊

為左供/買樓而捱既人唔係樓奴, 而係每日為左買唔到樓係到怨天怨地既人先係真正既樓奴.

除左老豆剩落大把之外,有邊個人唔係一文一文咁揾番來儲番來? 而家既樓市overall仲未超過97年, 咁樣97年出來工作既年輕人未冇人買到樓囉!!

如果因為買唔到樓而結唔成婚, 真係結唔結都把. 我個輩好多人為左申請公屋/居屋/首置/夾錢供樓買樓而結婚, 而未諗清楚大家適唔適合, 最後都唔知幾多離婚收場.

[ 本帖最後由 erick 於 2010-9-6 10:02 AM 編輯 ]

不是不想供, 只是太貴

小時候我家也不富有, 在家一般清茶淡飯

吃西餐都是極度罕有(吃皇上皇), 有機會去"飲"更加歡天喜地......

成日諗住無機會/唔洗旨意, 就只會永遠等運到. 儲5年又好10年都好, 總要有個開始. D人話儲極都追唔到樓價, 不如話不懂把扼時機. 經濟/樓市總有起有跌, 未儲夠咪做其它投資揾多D錢. 最怕時機到先發覺未有準備就真係唔洗旨意. 香港大部份人都係辛苦供樓嫁啦, 我地比起上一代人已經算幸福了. 我都好窮嫁十年前渣住幾皮野膽粗粗按足95%上會, 頭幾年供到只野咁, 唔准出行街睇戲食飯, 唔准買野, 唔准病….

有 d 忍唔住, 都係要講下,

呢個我都幾同意師兄, 我都係無老豆媽媽嘅帶摰, 細路時代一家8 口住"豆腐潤" 嘅公屋, 讀唔讀到書都係睇你自己, 90年代畢業後做份人工都係幾千蚊, 亦無諗過可唔可以結婚買樓, 只

知道學特首, 做好呢份工, 雖然知道 努力未必成功, 但自怨自艾又有咩用? 實死啦係咪 ?? 你係度插政府, 社會唔公平, 有 q 用咩, 個地球唔會圍住你轉丫嗎 !?

我唔經唔覺, 捱下捱下轉下工, 讀下書, 又竟然可以有錢 結婚, 買樓, 養車 . . . 唔係你地睇人表面咁, 你只係睇到人地 "嘆" 緊嘅一面, 咁你班大帝有無睇到人地幸苦個面 ??

我都經過 97 時代, 望住 d 樓升到"把把聲" , 重貴過而家, 當時一樣有物質引誘, 只係而家target 唔同左, 我睇而家d年青人, 眼光真係好短, ( 我亦有一d朋友仔係好努力, 又識諗, 但真係

少數 )  諗住做幾年野就可以蓄錢買樓, 嘆世界嘅諗法大有人在, 我係starbuck 飲咖啡, 見 d 中學生已經有 iphone,ipad, 又揹 LV, 嘩, 真係比我更" 專業"，大學生更進一步, 未賺錢就碌爆

咭, 有潮野嘅就不惜工本去追, 完全唔知道 no pay,no gain 嘅道理, 莫講話照顧家人, 連照顧自己都成問題, 結婚買樓對呢d人嚟講都係天方夜譚, 呢 d 連捱都唔肯捱嘅 "老細" , 我覺得最

後嘅惡果都係自己攞嚟 . . . 咁嘅思維, 只會係將來嘅社會擺係低層比人地 "戰底", 呢種講法, apply 係d 有錢人身上一樣work, 我老婆個堂細佬就係人辦, 佢屋企都幾有錢, 佢要咩有咩,

讀書油痳地, 老豆就送佢去英國讀大學, 勉強畢業後返來連普通英文會話都唔掂, 我心諗你真係讀 '詩篇', 之後老豆安插佢係朋友間公司打工, 諗住比佢捱下, 人工都成萬蚊, 重要同老

母攞錢洗, 屋企幾架車都話無架好, 重要話買架 porsche 楂下, 佢老豆都係楂 nissan cefino 咋, 而家老豆 d 生意有 d 阻滯, 竟然同老豆講, 人做生意, 你做生意, 做到蝕本, 千祈唔好連累

到佢, 我真係好想兜巴星佢, 你話丫, 腦殘到咁, 而家重要老豆出埋錢幫佢買樓結婚, 真係恭喜晒呢個敗家仔 . . .

師兄正正講出心聲

依家d香港人已經唔係97前大部份肯博肯捱既香港人

真係有錢又怨，無錢又怨

不過都係根本做都唔做，試都唔試就係度怨...

p.s 我都唔知幾想帶飯...不過工作性質唔會留係office...想帶都唔得...帶飯真係慳好多好多...等到下午茶先食都要廿幾...