呢句我絕對讚同, 正如我個簽名講 : 香流優勢在於制度, 法治 & 國際性, 呢點先係其他中國城市冇既, 同有否 "高鐵" 完全無關...

但呢舖明顯係 "阿爺" 既堅持, 所以全個政府 + 建制派都统一口徑要起高鐵...

而 "錦上路" 係一個比較好既方案,大陸 d 熱錢可以帶旺 "錦上路 / 元朗 / 天水圍" 一帶, 果處大把地方俾班地產佬自由發揮,
好過而家一面倒西九區繼續樓價飛昇, 而新界地方就繼續被邊沿化, 貧富問題越黎越嚴重...

呢d 正正就係d 人以為泛民立會議員好有力... 正正就係有班為左衛護d 既有利益既商家佬既功能組別友仔係到做rubber stamp.... 咩唔對路既都要靠人做show搞到民怨民憤先可以叫停政府d 冇腦政策..

吓...你有冇真正留意香港政治架...

呀爺話增加普選議席既話要加返同樣比例功能組別議席.... 咁加同唔加有咩分別呀.... 你又知唔知道當年點解設立功能組別既目的呀..

如果政府係真正為市民而唔係為左大陸同班商家佬做野既, 市民就唔洗咁勞氣..

功能組別佢地搞唔掂都冇辦法

我祈望既係泛民搶地區直選入面既席位

功能組別取消?你覺得阿爺真係會俾你咁做咩?你覺得佢會自斷雙臂?

莫講話取消功能組別,單係減少功能組別席位已經唔會批(商界1,商界2= =)

[ 本帖最後由 ＊呀浩_∼ 於 2010-1-13 02:48 AM 編輯 ]

接受 同 爭取 分別就係呢度了.

根本香港就唔靠阿爺唔得

靠緊人,仲有乜可能要求更多?

靠??? 互相利用姐... d 樓價咁貴邊個買緊呢?? 買左咁貴點解唔可以俾個趺呢  

唔好以為自由行係大陸俾香港著數, 係冇其他地方可以俾d 大陸人去姐. 人要去旅行, 大陸唔敢放人, 去澳門既"洗錢"洗到冇左普, 結果依家要限制了. 你想去其他國家咩, 人地又怕你唔走唔簽你証, 平有平玩, 貴有貴玩, 貴玩果班根本唔洗自由行, 平玩既根本去唔得遠, 結果未最好來香港lor..

CEPA 亦只係必然要發生既事, 既然大陸收返左香港, 同一國家又有點會要有關稅呢... 仲有香港經濟衰過回歸前既, 如果唔係因為全球經濟影響既話, 就即係自己管治唔到, 大陸佬死要面, 只準報喜不喜憂既政策, 係香港呢種消息流通既地方, 冇得好似大陸消息封鎖, 亦冇得用23條隨便加個國家機密就可以拉人鎖人....

如果由阿爺出果600幾億，或者私人財團出錢的話，我唔反對佢起噢，睇下佢地會唔會做蝕本生意囉？
總之咪屈香港人出錢！

投贊成果 D根本係9黎

聲明在先,
我無睇曬所有post.

小弟愚見
1)唔起香港死硬,起就死慢d(中國已經係一個好大o既經濟實體,無可能唔同佢做生意/來往).
2)當初如果香江d農/畜/漁民話"我地都無$搭飛機o既,係得d鬼佬同有$佬先會用,起個[啟德]機場o黎做乜?", 你估香港e+會係點?(可能仍然係一個漁村,但起碼有2份一機會變到e+咁)
3)認同好多地方o既高鐵總站都唔係o係市區, 但一定會停大城市,不過香港好細唯一o既大城市係"九龍"(但不一定係西九), 高鐵總站放響九龍係必然, 如果唔係直達市中心邊有能力同飛機競爭?
4)高鐵係整個中國o既交通系統,我地香港人應要作出配合,在國防/運輸/經濟上都要做.(但唔排除"鍾共"有一日用o黎運軍隊來震壓香港人)
5)由回歸以來,班高官作出唔少錯誤o既決定,浪費左o既$都唔只700億喇! e+起碼有件實物搾手仲為中華大地交通網絡作出一分力.

[ 本帖最後由 savepilot 於 2010-1-13 10:30 AM 編輯 ]

其實我又唔係唔撐高鐵啵
如果冇左d中國人黎香港消費
香港經濟都玩完啦
基本上我唔係太明點解咁多人反
純粹個人意見 冇心反臉....

http://hk.news.yahoo.com/article/100110/3/g1xc.html

呢段野真係不知所謂

社會有問題, 市民去出聲 , 有咩問題 , 香港既示威行動, 我林係世界上叫做和平到冇可能發生, 呢d叫激進?  

將個責任落係咩80後90後, 好搞笑 ! 果日我去高鐵, 大把70後係到 , 點解唔label 埋佢地呢 ?
______
正因為政府仲用緊資金由上向下流動呢個理念定藉口, 香港既貧富懸殊先越黎越嚴重!

[ 本帖最後由 好平 於 2010-1-13 09:50 AM 編輯 ]

自由行, 其實係互惠架姐
人民弊係國內其實係貶, 物價升得仲快過人工
再加上大陸名牌定價又貴過香港

黎香港洗又有88折, 真係好好洗

至於高鐵, 我讚成起, 但唔讚成選址同賠償方案

[ 本帖最後由 佐木一狼 於 2010-1-13 09:40 AM 編輯 ]

要求更多嗎?
只係要求全世界人民都有,除了中國和北韓人民沒有的東西.

咁你不如睇返所有POST和新聞先出愚見,(唔係吋你)
香港有5-60%人支持起高鐡,但只有十幾%知道發生甚麼事.
原來很多人只知起基建就以為有好處,內容和細節就不過問.

有實物,迪士尼樂園你有眼睇啦?
高鐵最失敗既係:要香港人出錢,享受得最多既又唔係香港人,咁你係咪揾笨先?
既然香港人享受得唔多,咁大部份既錢都應該由內地方面出返
最離譜係選址,係西九龍設站話要推廣西九文娛區
好似某一兄台係YOUTUBE段片話齋:

你覺得有幾多內地同胞有興趣黎香港睇phantom of the opera?

點為之死硬?無高鐵就吾可以同佢做生意/來往?


Sorry! 香港起家係因為香港係轉口港, 當初船運先係主力, 機場係對香港發展有幫助, 不過係後期嘅事!
即係當年未有機場, 香港已經吾係一個漁村!!


你大城市係"九龍"呢個諗法都好狹義….香港整體已經係一個大城市,我認為吾一定要去到九龍, 只要有配套, 就算錦上路都無問題, 西鐵錦上路出柯士甸站(西九)都不用半小時, 反正西鐵客量又不足, 而且當年規劃錦上路就係九鐵北環線交匯處, 現有規模已經ready 做轉駁站呢個角色! 路線可以縮短一大截, 造價一定平好多! 點解要花六百幾億去起一條全香港得一個站嘅鐵路呢? 機場/碼頭都可以有吾同航線, 去吾同國家, 起高鐵就只可以去國內…


阿爺話要起, 又吾科水, 六百幾億吾全資都五五啦, 再吾係出d都好吖! 要香港自己諗掂佢, 咁就要諗過用得值先啦!


你咁計,港珠澳大橋已經可以算係, 收得工嫁喇, 駛咩再用六百幾億起高鐵? 駛錯咗駛大咗就由得佢繼續錯?

呢個post 遲早變罵戰
因為一班經常留意政府做野既人,同一班唔留意政府,但就只係係到叫,起起起起起起既人 一定會嘈
ps:我係唔支持起高鐵,e加係講600幾億唔係600幾萬!你估香港真係好有吸引力?
有吸引力都只係一堆顛價樓,LV,GUCCI 唔通專登去睇個咁既爛鬼西九?

由領匯單野開始,已經知呢個政府做野係廢,你去買下D屋村商場啦,得番D咩?7-11,大家樂,大快活,?
想搵間正正常唔係快餐既餐廳都無!想搵間文具舖都難
有人計過,600幾億要成30幾年先回本,你真係覺好抵咩?你估多唔多香港人會去搭一架咁貴既高鐵?(除左新開想試下搭之外)
你睇下迪士尼都知咩事啦!

[ 本帖最後由 小杰 於 2010-1-13 12:42 PM 編輯 ]

80後 - 有青春, 有精力, 有時間, 所以依家企出嚟.
70後 - 要開工, 冇精力, 冇時間, 不過頂著條氣.  

前兩日, 唔知邊Q過建制議員話, 示威者中絕大部份人唔係住係菜園村. 大佬, 要住係菜園村先可以示威, 呢D建制議員真係屎

班高官成日話唔想比人邊沿化, 香港比國內所有城市先發展起來, 地點又優越, 如果香港繼續做得好, 點會比人邊沿化.
你估香港系深山未開發, 要靠呢條鐵路先同外界聯系到

香港人, 最多咪上深圳, 東莞, 搭返火車, 直通巴咪得囉. 往沙田, 屯門果 D, 你唔係叫佢去西九搭你架高鐵吓
去北京, 武漢玩果 D, 去得咁遠地方玩, 咪搭返飛機囉, 你地唔搭飛機, 咁港龍, 機場, 機鐵點算, 機鐵 LOSS, 港鐵加價, 咁又要我比
去北京, 武漢做嘢, 一日有幾多人, 唔會有幾萬人吓, 去得咁遠, 唔會即日來回吓, 你節省幾個鐘, 不如我節省600億.
大陸人落嚟玩....你地大把時間...行落嚟啦, 唔係又要我比吓
咁究竟邊個搭高鐵.

基本上能夠增加人流的配套設施, 我都會贊成興建的, 長遠計唔可以單靠羅湖同赤腊角兩個主要口岸, 這是大前提

細節方面可以慢慢傾, 大型基建項目一定會駛好多錢, 亦要預左回本期會好長, 以幾條隧道為例就可知, 唔好一見億億聲就起晒幹, 當年起西鐵唔講唔知都駛左幾佰億

一佰年前起廣9鐵路都係天文數字, 如果以今日的角度去睇都係起唔過, 咁呢一佰年黎的人流物流點樣算??? 搵貨車載? 搵大隻佬搬? 定係去晒廈門或澳門果邊走?