油第五個搭膊頭扮friend的兵仔.
一口氣油了幾個兵仔後, 感覺進步了, 當然自己知自己事, 仲係好普通
, 不過確實對某些地方掌握得好些, 信心多了些便放膽試吓新鮮野, 例如轉吓顏色調配組合等. 面部的基本色, 在看了新買的那本書後, 發覺眾採用水膠彩的大師, 除了不同的色調肉色為主外, 有頗多都選用以下的添加組合 :
#921 English Uniform (類似淺啡色) 和 #909 Vermillion (類似深橙紅色) 便照跟.
今次這個兵仔是換了樹脂頭, 幾乎唔駛油陰影都咁正
, 所以不要誤會我是指自己的進步在面部呢!
絕對只是樹脂頭的威力而已, 進步是指 : 這裡快少少摸到, 那裡對色階掌握好少少等等, 但肯定的是熟能生巧, 鼓勵大家多些油吧!
迷彩方面仍是 Oak Leaf Pattern, 但用色和步驟都改變少少.
淺綠色再調淺些, 因為覺得之前的淺和深綠太近, 令圖案外形唔夠 ”出”. 油到第三次 Oak Leaf, 越多了解, 深綠是勾劃出圖案形狀的主力, 無論綠和啡色都是靠深綠來特顯, 中綠只是點綴角色, 在 oak leaf pattern 並不吃重, (不過中綠在 plane tree pattern 中則是特顯淺綠的主力! ) 所以今次索性不用中綠圍邊, 直接塗上淺綠. Ok!
至於主色的#825啡則加了#984 flat brown 來調深色些.
總共塗了四個迷彩服兵仔後, 冇錯是已跟足圖案形狀, 但點解橫睇掂睇, 都硬係覺得一離遠些少就 “散晒” 呢?
再睇番那些靚靚迷彩服作品………..啊! 原來如此!
原因在於兵仔的姿態! 原來要展示清楚的迷彩圖案, 第一是最好畢直地企定定, 好似時裝模特兒般盡量展示那件靚衫, 並且動作不能太多, 因為衣服要盡量少摺紋, 以免太多陰影呀高光呀 “干擾” 到圖案本身. 第二最好有咁少得咁少配件揹在身上……等等.
所以今次最滿意的是那頂迷彩 cap 帽, 因為中晒上述兩項條件!!!
請大家欣賞. 唔……最後站立的兵仔, 都是不塗 palm tree pattern 了?
分享
