獅象兄 , 請問水性消光 H20 稀釋比例為何 ? 以前睇過你講過 , 但唔記得 , 好似係 1份油配 1.899 - 2.492 份稀釋液 , 有無記錯 ?

非常多謝各位捧場!

Patmb 兄的文采好得呀!  承蒙厚愛, 不勝感激! 小弟定必鞠躬盡瘁, 死而後矣!!

太客氣喇! 我只是面皮夠厚, 口不擇言. 誤打誤撞罷了.

卻其實, 又真的好簡單喎!  玻璃, 每人的屋企都有. 大家都會抹過窗吧. 落完雨, 過幾日, 玻璃窗點污糟法, 冇可能唔知. 車的檔風玻璃? 不會有好大分別吧?!?! 何況, 模友中好多是有車階級啦!

錦戰場唔同環境嘞掛!!! 搵些近似的囉, 地盤得唔得呀? 香港地想搵唔到地盤都幾難. 地盤裡的泥頭車, 點睇?

以上的思路, 不是正路過正路, 簡單不過嗎? 再說穿了, 是常識.  你, 我都有的常識. 冇乜野特別. 思考的方向, 你會發覺, 有時試吓唔駛一開始就咁 “高層次”, 反為有時簡單些, 可能仲容易有頭緒!

Patmb 兄, 你我都是老餅吧,  記唔記得六十年代的恆生銀行錢”硬”? 深啡銅色的, 我家三兄弟, 接收了大哥和細佬的, 我儲到現在, 有一個係銅獅子, 兩個銅大笨象.

"小莫小於水滴, 漸成大海汪洋.   細莫細於沙粒, 漸成大地四方"

[ 本帖最後由 獅象 於 2009-3-15 06:31 PM 編輯 ]

Philipks 兄, 好多謝你呀!  觀察入微的中肯意見, 點會介意! 以後更要多些比意見呀!

司機條頸正是最大問題. 整個姿勢其實幾 ok, 因為想要的姿勢而選取的上身原來組合後發覺看上去是像輕微寒背 , 但頭要岳高少少望向右邊, 錦樣頭和寒背的連接位 : 頸項就有問題. 因為技術所限, 我是監硬黐埋搏懜的.

而家經過累積了改造兵仔的經驗, 我估應該改背脊頂部厚身少少, 減少寒背現象, 那麼頸項便會睇落自然些. 你有所不知, 其實從左側望埋去, 頸項是畸形的幼!!! 正一揸頸就命相!!

已到如此田地, 唔執喇, 下次啦!  ( 大家要多D鞭策呀! )

H-20 以 1 比 1.899 至 2.492 稀釋, 係只會產生 26.24851179% 消光效果.
獅象秘法 : 1 (油) 比 0.5 至 1

1比1 已好穩陣, 幾乎不可能白化, 但想好啞而有少少沙沙地, 1 比 0.5 會正D, 不過要噴得小心些以免白化.

獅象終極秘密大法 : 1 比 0.798125479356 再加 0.0025458 獅象秘製專用溶劑, 殺晒呀!!

唔該獅象兄 , 如果用 1 : 1 , 距離如何呢 ?

距離.... 我慣左手勢, 偏近, 約兩吋. 想強調噴塗手法 ---- 各施各法!!!!  冇方程式的! 濃度都係, 因為會配合你自己的手勢, 氣壓, 噴筆移動速度.....

不過路喎, 有獅象專用絕版秘笈, 天書. 你過左數後先話你知

  因聽到 1:1 , 即覺幾 '杰' , 所以先問距離 ................  不過試下先再請教 .

以我慣用的 "手勢" 設定來衡量 :-

郡仕水性油本身都幾稀, 視乎想要的效果, 一般顏色甚至可以不作任何稀釋也可以. H-20 就唔好咁搏喇!
雙星水性油則比郡仕水性油杰少少, 所以要溝稀多些少溶劑.
至於郡仕硝基油則好杰, 我會用最少 1:1.5 ( 啞面及想要強遮蓋力) , 如果噴呤面就要最少 1:2, 噴民用車我會去到 1:4.
雙星琺瑯油我覺得唔可以太稀, 3:2  (=1:0.66) 好似幾啱我心水 enamel 油切忌厚噴, 因為它的乾燥原理是靠氧化 (oxidation) 厚/濕噴真係有機會成世唔乾!

再長氣提多次, 各施各法, 冇既定標準方程式  

兄台有空都鞭策下小弟啦。我都覺得開post有意見俾到我是好事。有時大家太客氣反而失左個俾人進步的機會

用常理去諗下塊玻璃可以點樣污漕，呢樣好正常，唔係難，難係難在知道點樣污漕，如何係模型上整返出來.......  呢樣要向獅象兄多多學習.....

講起舊式銀行錢罌，我以前都有個舊匯豐銀行大廈膠錢罌，果陣時唔識寶，周圍掉，最後係玩具堆中唔經唔覺下消失左......
後來又有過一個銅獅子錢罌，一次拿不穩之下跌左落隻腳度，痛到入心入肺，自此對這隻銅貓恨之入骨.....  卒之有一次挖晒入面ｄ錢出黎去買左模型，然後就將隻銅貓放逐.....  最後隻衰貓當然唔知走左去邊.....  
其實上述果兩隻野，而家當懷舊精品都值得幾個錢，可惜當年唔識野亂咁掉，都唔見晒 lu.....  抵打.....  

你講果首恆生銀行廣告歌，當然記得，歌詞好有意思，係香港廣告經典之最其中一個。
不過我對另一個恆生廣告就更有印象，就係每逢過年，梁醒波就會扮成財神，拿著暉春行出黎慢慢講：「恆生銀行敬向全港o既市民恭賀新禧.......  恭喜發財......  恭喜大家都發財！」
呢個拜年廣告播左好多好多年，直到梁公醒波作終極移民後先停播。

嘩~~~           《獅象消光秘笈》，加上黃金比例、宇宙常數、Magic Numbers..... 全部出籠，小弟頭也暈了......

[ 本帖最後由 patmb 於 2009-3-16 02:23 AM 編輯 ]

斷斷續續都是龜速油兵仔.

完成了之前司機的制服, 及油了借火的兵仔. 這個是換了 Hornet 樹脂頭的, 果然好油好多!

曾經有一次在精藝觀看時, 聽到其中一位店主和他的熟客閒聊, 談及了這個話題, 說很多正在學習油兵仔的朋友都有一個普遍的誤解 : 不捨得拿雕刻精美的兵仔來油, 而刻意選擇一般貨色甚至質素甚低的平價舊兵仔來練習. 誰知這只會拖慢進步, 因為那些雕刻不佳的兵仔原來仲難油得好而產生反效果. 相反, 雕刻優良的產品會引領你落筆和方向,  “教” 埋你油, 學到更多野, 進步更快!

這兵仔的迷彩是 oak leaf pattern, 但我過份注意它其中一種細節圖案形狀, ( 紅色箭咀指著的雲狀內邊緣 ) 而忽視了整體的外形, 以及太刻意塗成和之前長官的 plane tree pattern 之間的分別 . 結果塗完離遠些一望才發覺, 真的是只見樹木不見森林了!  唔怕, 跟住幾個都是塗 oak leaf pattern 的, 應該不會重複犯 “錯” 掛!

這個兵仔改唔改番 “正” ? 二戰德軍迷彩款式, 多到…… 兼有好多變種, 哈哈, 又給我藉口過骨!!!

...............................

上堂啦

  想油死人咩 , 花成敢 .

最近期呢兩個兵仔ｄ頸似乎太長，變曬薛凱琪......

放緊復活節假都咁勤力上堂?!


就係越花先可以越容易側側膊!


啊! 比你提一提, 又真係越睇越覺條頸長左D.....
頸項長短我都可以搵藉口過骨 , 反而那個想借火的兵仔個頭的方向, 才是搏懵 點解? 你試吓可唔可以張自己個頭轉去左/右同膊頭成一平衡直線???
錦又明知故犯? 因為求視覺效果囉, 如果依足人體學, 個頭冇轉向得咁橫, 就完全不像他正和後座左邊的兵仔溝通, 而我又攪唔掂個身軀再向左些....  錦咪用左我的強項 : 搏懵

油完第四個兵仔.

逐一個油, 冇錯是不甚有效率, 好花時間. 但就是練習的好機會, 如果為了慳時間慳油而安排所有兵仔同一個程序一起塗, 例如一次過塗相同的顏色, 我諗對我這類技術未精的而言反而不好, 像上次 88mm 的四個兵仔我就是一起油, 一來會好悶, 最弊的是在塗陰影時會容易混亂 . 如果逐個慢慢塗, 便可以慢慢摸熟每個兵仔的雕刻, 塗陰影時落筆便漸入佳境, 對技巧進步有大幫助. 每個兵仔獨立逐個塗亦可試不同的高光陰影顏色組合, 甚至就算相同制服顏色也可塗成輕微不同. 面部的膚色更不在話下!


Contrast and Affinity 再體驗

上次長官的制服迷彩, 想塗出各迷彩顏色有輕微退色效果, 避免太新淨. 從 Calvin Tan 在 Military Modeling 發表的文章學到是從減低各種顏色反差上著手, 但我誤解了只在高光和陰影色加添一種共同顏色元素, 忽略了原來各種迷彩色也一樣要這樣做, 唔怪得之效果不明顯啦! 其實第三個, 即是對上的那個借火的兵仔已如是作了, 因為忙記影相 , 所以留至這回才補番.

減低反差, 造出退色效果的方法是在其他的 : 淺, 中, 深, 三種綠色都加上一份主色的 #825 German Camo Pale Brown, 初時是有些猶疑, 以我對顏色有限的知識, 啡溝綠? 得唔得架?!  
諗諗吓, 應該得, 紅溝綠變啡嘛, 即係推斷啡色內是有綠的 (??) 元素掛! ( 如果有朋友知道正確答案請指正! ) 哈哈, 比我撞中, 我的斷估憑據有可能是錯的, 但話之你, 結果是行得通的!


Spring & Autumn Camouflage Colours 分別

又要講番, 乜唔係 Calvin Tan 已教了竅門嗎? 點解猶疑呢?
原因是他的範例是秋季迷彩顏色, 是由 Pale brown, dark brown, orange brown 及 ochre yellow 組成, 全部都同一類色, 梗係溝得埋啦! 這亦反映了秋季迷彩容易塗出反差很低的, 很殘舊退色感覺, 但春季的顏色組合中有頗多綠色, 反差較高. 如果要造到好殘舊, 是否全部色再加E灰色呢? 如有朋友知道, 唔該又單聲啦!  ( 今次唔得閒試, 趕工想快D完成, 可以去砌飛機! )



打黑底是否預設陰影?

提起 Calvin Tan, 定必會留意他的塗兵仔特色, 就是全個兵仔都會先塗晒黑色. 記得 Kwai 兄為此出貼發問, 可惜還未有答案. 上次真人騷傾開此話題, 幸得 gogok 兄提出他的看法, 估計應該是類似 pre-shading 的原理吧.
隨著最近累積了些少經驗, 對水膠彩的特性又多點了解, 尤其是它的特殊遮蓋力, 便即管嘗試筆塗 pre-shading. 但我的耐性及技術都有限, 忽發奇想   ---- 既然 pre-shading 都有分全部和局部, 便一於只塗局部試吓, 又好好喎! 起碼對我來說是吧!
我的作法是先在最深的陰影位, 例如手肘摺紋 etc. 塗黑色, 乾後塗主色 #825, 濃度 1比1.5, 建議不要杰過此濃度, 否則水膠彩的強遮蓋力會好容易令你白費工夫, 再稀些的濃度呢? 那只是考驗你的耐性吧! 圖示的 #825 其實並不深色, 塗五浸已幾乎張黑色蓋過晒了,  軍褲的灰綠色 #920 比較 #825 更快, 三至四浸就塗出效果.


完成迷彩的最後高光/陰影處理

塗完所有迷彩的各種顏色後, 我只再補番最高光和最深陰影色. 而兩種都以單一顏色便攪掂 .
最深陰影色只用單一種相信大家都理解吧. 至於高光, 則要視乎何種迷彩圖案和顏色了, 不能一本通書睇到老.
這類二戰德軍迷彩圖案很碎, 如果逐隻顏色都塗, 根本散收收起不了作用 , 就像我第一個長官兵仔, 不是逐隻色都塗了嗎! 有圖為證, 係嘥心機的.
跟住要考慮的就是顏色 : 啡和綠, 兩者都可以用黃來作高光色, 問題解決, 快靚正.
但如果迷彩圖案是大大塊的呢, 就不能偷懶了, 必須逐隻慢慢油了! 以上論點不是我又在斷估呀! 是大師講架! 最近新買了本書 Advanced Figure Modeling, 入面就有 Jaume Ortiz Forns  的 1/35 SS Panzergrenadier ( Alexander Miniatures) 身穿意大利迷彩圖案的大衣, 圖案就是屬於大區塊的, 他就逐種高光色慢慢油了, 但陰影便只用了一隻開得好稀的#822 German camouflage black brown 攪掂!