睇完獅兄同隊長嘅解說,真係獲益良多!!

大家有傾有講嘛, 都唔係咩解說


嘩! 唔早響! 等我仲係道班門弄斧扮晒野添!
同意, 方角設計的德國佬野係容易好多. 不過弧度大的面都應該得的 (我估咋 ) 可試吓利用咭紙幫手, 色差接壤區域如太闊可加多一種中間色......掛!

之前講過不大喜歡全車Wash, 但滲線就不同了. Afv 滲線要比較小心, 原因多數afv 的漆面都是啞的, 形成出界的污染比較難清理. 所以一完成基本上色便滲線先. 避免跟隨的各種舊化上色再加劇漆面狀態惡化. 這其實又與模型油的種類互相關連, 所以要講番轉頭.

我喜歡硝基油做 afv, 原因是油膜最強, 之後的甚麼上色舊化效果都不用擔心對基礎色漆的影響, 但缺點是硝基油的漆粒子幼細, 先天特性唔夠啞, 看看郡仕色表, 它的硝基油系列, 全部只佔約一成才是啞面, 其餘大部份都是光或半光澤. 就算是啞油都啞極有限, 同水性漆的啞面相比就顯得不足. 我用的底色#42, 跟住的 #119和#19都全是半光澤, 但是當輪到滲線時便變成優點! 但對我來說硝基油這裡的最大缺點容後再說.

雖然全是半光澤, 不過薄噴左咁多浸, 漆面平滑極有限, 清理滲線溢出的污點仍然花工夫, 好彩現時模型輔助工具越來越正, Gaia 出的 Cleaning Master 專為此而設, 比細尖綿花棒好用得多! 之前已清理過三架賽車模型, 今次用在對此要求更高的afv 上, 亦令人讚不絕口!  ( 利益伸報: 沒任何利益瓜葛 )

從窩釘的清理成效大家自己看吧. 沒有它唔係做唔到, 只不過花大量時間精神,用細筆逐筆掃走, 逐次洗筆, 再掃, 再洗……..嗚! 講開窩釘之類的滲線, 我鐘意有咁幼得咁幼, 否則綑晒粗邊就弄巧反拙! 今次心情靚, 不就此罷休, 用AV水油 #845 + #824 + #951調成高光色細筆點塗每粒窩釘的上半部, 再稍稍加強陰影的層次感. 點解唔係乾掃? 駛乜咁煩呢? 因為乾掃不能控制到只掃咁細面積的上半點, 更可能掃埋周圍的地方. 其實在清理時可以抹埋頂部少少黑線也冇所謂, 可能大家會覺得 “畫蛇添足” 吧, 不過完成後的感覺, 是感覺多於明顯視覺分別!!! 好合我意. 我現在砌模型追求的感覺是 : “ 做左驟眼睇落唔多覺, 但冇做就好鬼覺! ” 就是這裡少少效果, 那裡又輕輕做些效果, 加加埋埋, 有機會意想不到. 其實再細心留意, 就算在未滲線前, 已發現隱約有少少陰影, 那便是全車 Pre-shading 的功勞了. 因為全程都是把噴筆固定地向著垂直面45度, 由上向下地噴. 車頭冚水平的窩釘呢, 就選擇車頭的半部份點上高光. 我知道 pre-shading 是可以局部的只噴深底色於凹入, 邊角位等, 這更可以一早解決我遇到的發色問題, 但就少了變化的機會和範圍. 如果砌飛機則唔同玩法, 飛機我是會只做局部的.

橫掂油開, 便油埋兩邊各扶手柄的頂灣位, 散熱柵格最頂部弧位, 刻意左邊的留下筆痕, 便可以看出未加前和加後的分別, 就是這小小的, 唔起眼的分別嘞, 唔知各位口味如何呢? 油開有癮, 連路輪下半部的骨條受光位諸如此類等等都油埋, 應該多數比後續的泥漬舊化所掩蓋吧, 但好玩嘛! 車頭冚兩條打撗的凸骨條, 張高光色減去少量白色的比例調回與原色接近些, 唔想太誇張. 這純粹是個人口味了, 因人而異.

以上種種, 和車身主色的處理方法, 是不是有些似…….冇錯, 就像用水膠彩油兵仔的方法啊! 即是類似 layering 的概念. 我覺得替模型上色算是美術吧, 只不過是由平面的畫紙變成立體的模型. 我估好多模型上色技巧是從美術演變而來吧? 如美術最常見的 blending 和 glazing, 而模型的wash, filter, fading, mapping……等等, 概念極似 glazing. 一理通百理明, 融會貫通一吓, 試吓找些方法乎合自己心目中想達到的效果就是了. 但大前題是一定要行動去試! 覺得好好玩!

............................

好嘞, 滲完線, 第一時間噴啞透明水性油 ( 郡仕 H-20) 來保護, 之前都講過水性油消光效能最佳, 但對我來說, 消光最重要的就是真正成色的結果揭曉! 原因是硝基油的光澤/半光澤是會顯得較 “深” 色的, 拿光黑色和啞黑色一起比較便知. 當噴塗各種高光陰影色的半光澤硝基油時, 其實觀感是會怪怪的, (相片看不出來) 色差頗不自然, 比較強烈! 要到消光後才完全知道最終成績, 因為噴完 H-20 後整體色差減低, 因為顏色會顯得淺色了一點! 不要誤會是噴過龍而發白果隻.

真定假呀?! 不防拿樽 H-20, 打開個蓋放在檯面, 留意蓋入面那透明膠“質”的變化. 沾了啞透明油的蓋”質”初時沒甚麼, 但幾分鐘後待蓋”質”上的油乾後, 留下一層輕微白濛濛的薄膜!!! 其實再睇真D, 所有漆種的啞透明油都是有些白白地的沉澱物在其中, flat base 就更清楚不過! 這就是硝基油做陰影的缺點, 點解唔加 flat base 呀? 我的方法要噴咁多浸, 想盡量避免起沙囉, (其實輪拱內側還是有少少的) 況且硝基油都講過啞極有限.

現在最後的顏色又變番我想要的, 真係好彩, 幾開心!

跟住開始舊化作業了. 很想試試 MIG 介紹的 mapping, 覺得好正的技法, 雖然還是未完全理解, 因為書中的序述就得以下咁多 :-

From  “F.A.Q. by Mig Jimenez”. Page 101
Mapping represents all those irregular patches that can be detected on a tank but by nature are not really chips, but rather irregular randomly created stains. The term mapping comes from three – dimensional programs where textures are mapped on three – dimensional objects to give them colour. In the case of modeling, this means the application one or more layers of small patches as if they were maps of continents and combining them with other techniques above and below them, produce very deep and realistic effects. This is one of the most innovative and little known of all the techniques available.
By using an acrylic paint, small irregular marks are painted around the tank’s contours. The paint is left to dry and the process is repeated until the desired intensity is achieved. Once completed, dust and other environmental effects are used to smoothen the exaggerated mapping effects.

其實未完全清楚點實際運用都冇所謂, 最重要是知道其概念, 從而引發出相似的靈感而作出合你意的方法也未嘗不可呢! 一於去馬.

決定做完一種色還一種色, 所以從心目中最淺的 mapping 色開始, 是 AV#845 sunny skin tone, 暫時發現開稀至 1:3 較佳, 寧稀莫杰, 否則如圖359, 就是因為油了一段時間, 水份揮發了不少而變濃左仍不知的後果!

完成了第一隻 mapping 色, 叫做大步欖過, 試緊第二隻色, 唔知會點, 所以都係 “立此遺照” post 上來先!! hehe

最後的一幅相指出了車身兩側上緣, 之前 165樓已講了, 前面有細噴 post-shading 陰影色, 而後面該意不噴, 待日後看看分別如何. 如今已經全部滲了線消了光, 大家的口味又點呢?

[ 本帖最後由 獅象 於 2009-1-12 02:02 PM 編輯 ]

打鐘上堂

..............................

路人甲,,行過睇過,,都要講句xyz太強啦.....如果有一半功力我都好滿足啦

Mapping 好正呢
原來這個做法叫Mapping ．
等我下次都試吓先

支持加學野.

真係差d就俾兩位師兄撻鬼著.......
用overhead lighting 來幫助油兵仔時分辨光暗位的確係很管用的
有時睇到眼花花時真係幫對睇唔少~
用係軍車主體我唸一定會係另一個新體驗！


我都好同意獅兄既睇法！
「寬容度」可能係其他類別既模型上會有唔同既解說(相對「嚴謹性」一詞亦然)
係民用車上, 好多時某一架賽車係某一站既賽事上, 有特定setting, 情況就同軍事模型上一架tiger 1 可能係某一特定「場合」上有某一特定配備既情況差唔多

先從軍事模型既角度講起, 晚生從一位晚輩既角度, 玩左一排就覺得要做「好」一台afv作品, 的確難過登天！要知道組合一台坦克, pe, 改件, 以至不同類型既補品, 已經係超越左一直玩開民用車既晚生既能力範圍, 好唔容易set起架車, 但簡完marking 之後原來又要執一執d accessaries, 又要搵岩兵仔配合, 重要不斷摸索上色、舊化技巧.......冇返三五七年功力(fully focus係afv上), 真係點都冇可能做到....所以techincally, 軍事模型對晚生來講係勁難砌得好的！！

換個角度, 從民用車既模型出發, 玩法、做法都折然不同！
民用車上, 好大程度上(或者應該話大部份人)如果唔係focus係detail改造, 就會係focus係車身研磨....
如果玩details, 其實同砌架坦克分別不大, 一樣係要搵大量reference, 一樣係有大把補品可以用, 相對afv既補品, 民用車既補品反而相對易攪添, 一來比例大少少, 二來pe唔會好似afv咁咁q多.....reference 亦都易搵好多, 因為年代始終係近d, 相關既資料會易到手d
不過正正就係因為咁, 反而「寬容度」就正正比軍事模型少得多, 來來去去都係4個車輪, 發動機, 傳動組件, 電線........可以發揮想像力既空間真係少得可憐.....唔通可以同架MP4/20 F1做泥地舊化? 或者將架HONDA RC211V做wrc feel既油即? 加上可以搵到既reference係多左, 相對創造性只能花係手技上, 而非模型主體既佈置....再計埋民用車天生就係花少少或者捽穿少少都會成為作品最大既敗筆一點, 民用車既「寬容度」實在係很細的

當然, 如果兩方都好極端咁花盡一切心思製作, 我絕對相信難度, 挑戰性, 等等各樣都會係同一層次的
但如果退一步的話, 即係(唔算求求其, 亂咁來)只為做一台自己喜歡既作品既話, 相信軍事模型既「寬容度」一定比民用既大得多
最少如果撞花左fender既話, 可以on top用舊化或者再上色來補救, 相反如果一架gtr 撞花左, 分分中已經total loss或者要洗底再來過了.....

另一我個人覺得民用同軍事模型最大分別既係水貼既應用. 相信唔洗多講大家都會明白吧.....
如果係軍事作品上連水貼高低級都要handle埋先再做往後既效果, 我相信好少人會做呢個step吧
不過係民用作品上, 呢個step又會係一重要一環
而當中所牽連既技術問題又會相對增加民用作品製作上既編排......又再加深「寬容度」低既問題.....

9up完(手軟)....打左兩日既reply....希望大家可以繼續交流........

好用心嘅回應...值得鼓掌

答得好!
答得好好!
每類模型都有其不同的客觀局限, 因而必然有差異. 我只希望能做到在那些局限的邊緣遊走.
我時常鼓勵大家如果有興趣, 嘗試橫跨不同模型類別, 你會發現各類別的技法, 是有 cross over 的空間!
完成這項目我已鐵定砌飛機, 1/72 CF-18  ( F/A-18C )

同意同意...

獅象 兄好用心既製作和分享,絕對係模友典範
強烈要求受精

ice 兄不遺餘力的推動 afv 精神可嘉 多謝!!!


不是甚麼功唔功力, 全都是熟能生巧, 你一定做得到!


真係好有用架! 鼓勵一試!


多謝支持!  大家一齊學!


我有留意你都係好多瓣數喎


有你捧場已經足夠!! 多謝誇獎

做完了三種和主色沙黃色差不多顏色的水膠彩 mapping, 由淺至深分別是 #845 Sunny Skin Tone, #860 Medium Flesh Tone 和 #921 English Uniform. 不同深淺的顏色當然會同時塗上, 否則失去其意義, 問題是每個面都噴左略異的色調, 如果一律都隨機 map 上, 會否 “打散” 晒D高光/陰影色, 之前的工夫豈不是白廢? 所以決定以組合分佈為考慮點, 高光位以最淺色為主, 其餘兩隻深色較少和細散, 陰影位則相反, 如此類推. 這種想法其實我都係靠估, 但完成後覺得ok.

究竟要幾多種色, 乜野色…..等等問題, 唔知道. 仍然有待摸索, 應該是各施各法吧, 自己覺得合心水就得了.

之前過左龍的地方亦是以水膠彩調出和主色差不多的顏色來修整, 水膠彩的濃度是關鍵, 不要心急想好快便遮蓋好, 這只會容易再出錯, 先調成比較稀來試, 塗上兩三浸還沒反應才逐漸調濃些少再試, 順便利用這時的顏色變化來變相 mapping! 所以這種技法是可修正錯誤的, 我覺得很好用.

再想看看其他油漆種類運用在 Mapping 上會有甚麼效果, 便試埋琺瑯油. 結果是稀琺瑯油 mapping的分別是邊界比水膠彩漸進, 與油彩 fading 有類似效果, 而比油彩 fading 容易控制細緻範圍. 各有特色, 視乎需要而定. 我就一於雙劍合壁了.

再局部加少少水痕和掉漆, 叫做完成舊化了.

...............................