S.E.，個學生係ICT既？咁間間企業唔同人唔同情況唔同做法，不過我個人認為做IT有時可能冇人帶體會仲多，不過好辛苦就肯定既，但係我個人就認為受唔起壓力做IT好辛苦

佢而家有料都一定要去實習，唔係丁都冇班升~~~

其實我覺得你講啲野好有道理~~
只不過唔知佢點解講極都唔明,佢真係好短視~~

回樓主:
你係咪覺得間公司請個咩都唔識既人返黎好過引??分分鐘間公司損失大過你~~
你地開波冇迫理讀,讀得就遵守下遊戲規則,placement只係佢課程既一部份,你並唔係返緊工~
仲係覺得有問題既,不如你退學返工啦~~

咁佢咪變左我開學個陣阿SIR同我講為左做一萬蚊接電話有工程師唔做~~~~

問題真係咁嚴重ge, 點解咁耐都無人投訴, 咁耐都仲行此制呢?
樓上nishi兄話齋, 既然一定要做, 就唔好咁多怨言啦
根本實習係課程ge一部份, 只係"課室"唔同左

你真係想繼續堅持自己既所謂道理既話
就唔好得個講字
快d做d實際行動出黎睇睇

一日到黑都剩係識講咩野唔公平
點解唔嘗試改變自己去適應環境呢?
係咪真係個個都錯
得你一個o岩?

hehe! 我先係S.E.，佢做Traineer；唔係IT，只係普通機电工程！冇人教但掉晒啲嘢佢做其實幾慘，但啲老細完全冇Plan，只諗住有廉價勞工。

我個系每個SEM都有會開比學生向學校反映佢既意見，尋日先開完會，但係平時都可以搵COURST LEADER講，如果樓主覺得真係應該改變就好趁未去實習出聲，事後先黎怨係於事無補~~

啊，因為整SOFTWARE都有工程師，簡稱都係叫SE所以誤會左，係學下將工程同寫軟件結合寫出有QUALITY既軟件~~~

咁機電冇人教真係幾危險，唔係危害到學生就係跟佢手尾既人，老闆真係要考慮下改變個方法，如果公司既資源許可的話~~

我後來真係有份跟手尾！

有DD同情你，不過呢個都係點了解唔會所有企業都參與實習計劃既原因，有D風險佢地未必受得起~~~

睇左個POST幾日..
樓主唔明..講左咁多都要明LA,
覺得人地唔明你???
咁LA樓主..唔好讀LA....
你都咁介意果千幾蚊...
出黎埋野做LA.....讀咩鬼野丫..
去搵你果千幾蚊LA....唔係你生活會好"苦"嫁
至少你會為左出去做野唔讀書搵到果千幾蚊...條氣順D

[ 本帖最後由 siuterry 於 2009-5-10 12:42 AM 編輯 ]

咁佢就會變左為左1萬蚊接電話放棄將來幾萬蚊個月一份工(三時有D勁起上黎一天三小時)既機會個D人~~~

咁個一萬蚊同幾萬蚊..
至少我而家唔覺得佢有咩資格收...
佢都係鐘意佢果幾千蚊多D

我都要學多幾年野，做多D先有資格收幾萬，不過一萬係公價，不過成日比人壓到8,9千......算啦，鬼叫冇經驗=3=

呢D係佢既事，為自己既前途打算都係人生要上既一課~~~

好彩佢無黎我公司，呢種讀死書既人我真係唔會請.....
我同下屬開OT，公司都無錢俾，夜晚餐飯你估公司會唔會包你呢，重要話人食屎

就同你計
影印、聽電話、跑下腿
依家D影印機咁先進，你隊落個feeder度，襟個掣、自動分頁，企係度等三、五分鐘，搞掂，你出左d咩力?
聽電話，斷估唔會要人同客傾生意，最多係將d電話refer去同事度，襟個"intercom"掣，再襟內線號碼，又要你出左d咩力?
跑下腿，公司如果唔駛要你出去送文件，係公司內送文件去其他部門，又要你付出d咩呢，公司好大?以平方公頃計?

我個人睇法
我黎做野，如果我係幫你搵錢既，
你無理由唔比番應得既野我，因為我已經係你既勞工
但係如果要你做勞工果份，但咩都無比到我，
讀書既，點知去到係度送文件掃埋地，送貨，OT唔比走，衰D叫你執貨，
上黎做文職變上黎體力勞動
ED咁既情況邊個黎評下理先？有D知你係黎要合格重玩得你勁
唔係IVE唔IVE，係香港人點治香港社會
野都唔教比你，當你免費打雜，而家我撞見幾間都係咁
你話你讀開D咩有才能都好，一樣當你好似大陸黎咁咩都唔識
唔怪得有D真心既真係上黎D壇嘈
總之呢，樓主要嘈係該嘈香港社會係啦…

重有歧視IVE我都知香港好多，但有無人想過比成10萬銀再讀番書為乜野？
你以為你入大學好辛苦？IVE大把人挨功課挨學費，老豆呀媽有錢係好彩
出黎做世界挨地盤都唔使比錢人咁折墮…為咩呀？唔想做一世咁低下層lo

[ 本帖最後由 混沌 於 2009-5-10 01:41 AM 編輯 ]

先謝謝你既回覆.  

短視我覺得好大程度上係金錢主宰了年青人既價值觀.  樓主多次話唔係錢唔錢問題, 又不停話出返一千幾百就就條氣順 d.  佢地都未明白搵錢一生人流流長, 人生有起有跌, 有時 d 錢自己湧埋黎, 有時出盡力連飯都無得開.   最緊要自己有幾多實力, 就算你當真係俾人搵過 jetso 又如何, 過程中你吸收既經驗先至跟你一世, 呢樣亦都係你自己擁有, 又永遠駛唔去既財富.

其實我都認同可能有公司會請人返去做牛做馬, 但係呢個唔係正正係社會經驗嗎 ?  唔係實習既其中一個意義嗎 ?

一間公司請個員工返黎, 唔會係預左先教佢野, 等佢熟左再慢慢 pass d 野俾佢做.  大公司就可能有 training course, 一般公司你唔係自動波, 好多時無經驗連 interview 都無機會, 仲想豆人工 ?   預著一個公司真係請無經驗既 office boy, 唔俾你做 d 執頭執尾, 咁又可以叫你做 d 乜呢 ?  最大問題係, 呢位 office boy 會唔會自己去爭取襯機會同公司其他人聯絡下, 了解同吸收下公司既運作模式呢 ? 實習既意義在於實地學習, 唔通出到黎打工, 會好似係課室咁, 呀 sir 全日塞 d 知識俾你 ?   我自己覺得, 叫你做牛做馬總好叫你坐足一個月係個位到唔見人.

我都係做 office assitant 出身既, 我既年代會自知有咩料, 做牛做馬, 幫人坐係 fax 機前面幾粒鐘出 fax, 接電話, 打文件, 入倉搬貨, pack 貨. 落車場上貨, 我樣樣做齊, 從無一句怨言, 只覺得做得多學得多.  老實講, 而家新一代連公司係邊一辨搵錢都唔知, 更唔想去知, 只要你個個月出糧夠買衫買鞋就好開心了, 有幾多人虛心諗下, 研究下佢老細/公司係點樣搵錢... 第時自己會唔會可以用同一模式起家.

嘩,忍吾住要入黎回一回.呢兩句真係精句,我真係好彩,你吾我既學生.

「實習」同「番工」係兩件事,實習其實係等於「上堂」,即係你所謂既「聽野」,但吾同既係,你要實質地,響一個「真實」既工作環境去「學習」,為知「實習」.都係番學/上緊堂,所以響一般既情況下,吾好話無人工,無車馬費 & 津貼,其實吾係一件奇事.亦因為係屬於課堂既一部份,所以先會出現「為實習表現評份」、「唔做連year 3都冇得升」,就等於你吾上堂吾番學,自然冇得升班,如果呢份係一份正職,吾做係吾應該會影響你既學業.

當然,如果有工資,或者有車馬費或者津貼,對學生黎講,會係一件好事,有 d 參予實習既機構會提供,但要理解,呢件吾係必然既事.所以樓主開呢個thread,應該係搞錯左.

誠然,有個別參予實習既機構會「用盡」呢 d 類實習生,所以就出現「做苦力、搬貨、做完全吾相關既工作」等等.但就如好多模友講,吾止實習生,就算係一份「正職」都經常出現呢種所謂「吾公平」既情況.

不過我地並吾係樓主既父母,亦吾係佢既老師,甚至吾係佢既實習構構老闆,對樓主現時所持既學習/實習/工作態度並無任何義務去提醒.所以各模友都吾需要勞氣.要提要講既都講到盡晒,既然樓主仍然堅持佢既觀點無錯就由得佢囉.無論如何,將來既世界都要交俾佢地 ..........所以大家都係俾d 心機,響重係有能力工作既時候儲多 d 錢算囉.將來個世界一定會立立亂,點都要有番幾蚊雞旁下身