小弟今次post的兩個作品中，2號戰車係Tamiya，38t係Italeri的劣貨 請各位給小弟一些意見，讓小弟下次可做得更好!

[ 本帖最後由 Iowa 於 2007-10-25 11:48 PM 編輯 ]

仲有……
另外：D相影得好差 擇日再影

[ 本帖最後由 Iowa 於 2007-10-25 10:10 PM 編輯 ]

係呀, D相影得唔夠清楚係好難比評語架, 另外光源都有D問題喎, 黑得濟, 就算清都睇唔到! 可唔可以再補D相呢?

ok! 2號先!

真聽話  我記得上次的水貼銀邊問題"未解決x n " 由其是炮塔的13號. 沙黃色洗塗不差  可以試吓再溝稀D, 令它遮蓋力再減弱使其邊線更模糊化, 有時乾後幾乎沒有效果也不打緊, 重複洗多幾次, 而次數刻意不規則和稍微改變色調便可以增加層次感, 先處理好這些來累積經驗, 日後用以運用在車身顏色上.

非常多謝你的意見，小弟會努力練習同改進！

愚見:好似比小小高光於車甲面,highlight,個色tone會靘d。

歡迎加入 afv 行列.

恕小弟直言, 見樓主上色與舊化俾足心機, 但係就好似忽略左較基本組裝上的技巧. 以二號為例, 炮塔防盾的一條夾口, 實在已經令整個觀感打上一大折扣. 炮管上的夾口亦未曾處理.  炮塔艙蓋奇怪地彈起左, 呢一樣應該可以執得返. 車身左邊 fender 留低了兩個大孔, 應該是放工具的嗎 ?  這些都是一些關乎到模型製作的基本問題.

希望樓主真的不要介意小弟的批評, 在 hkml 遇到多一點 afv 同好實在令人震奮, 同時間我也希望一些正面的批評, 能令大家有更多交流/討論, 從而找到得益. 如有得罪, 多多包容.

louis队长睇得好认真
Iowa砌得真系几快，而且睇住都有进步，但系有d基本处理上真系同第1、2部车冇咩改善喔

我覺得認真一點, 大家又更多討論既話題.  只希望樓主不會被嚇怕了....

p.s. : 再認真點... 履帶都裝反了...

很认真地说：我都觉，不过我唔肯定

水貼印太顯眼，噴層透明消光會好好多，舊化唔係太平均咁，特別o向車轆位．

德軍 V 型履帶絕大部份是們 'V' 的..

http://www.dragon-models.com/html/6263poster.htm

非常非常多謝louisuni兄令小弟知道自己的問題 小弟都知道自己有很多很多的地方改進(特別係組裝) 小弟一定會努力改進技術！

我建議樓主可以買本模型實戰教本返黎睇下，好多有用既基本功夫，我都係果度學架咋！例如貼水貼點樣搞到無反白，點樣玩噴筆等等，其實呢度好多人問既問題都可以睇書解答，仲好詳細添，努力呀！

http://tiger231.myweb.hinet.net/
呢個網的坦克制作十分合適新手

好網,我都想加入AFV行列

多謝你的意見！其實小弟都買左 ，不過e架車整左都一兩個月了，只是e加希望大家比D意見；不過小弟都係會努力改進技術的！