佢條數應該未計結緍抱孫㗎！ ...

[ 本帖最後由 戰斧 於 2010-9-3 07:43 PM 編輯 ]

如果層樓重要過兩個人的感情,
咁真係唔好結婚生仔啦.

婚姻像圍牆啊
外面的人想進去
裡面的人想出來！！

有得淨係做愛唔結婚生仔 都好呀

----

上課時，小傑跟旁邊的小英說話，被老師看到。老師就叫小傑站起來。

老師︰「你為啥要跟小英說話呢？」

小傑說︰「我要跟他結婚生子啊！」

老師聽了很生氣說︰「小小年紀就談戀愛，不好好讀書………」

小傑：「老師我…」

老師：「不要解釋了！」

小傑：「老師………我沒有跟他談戀愛………」

老師聽了很生氣的說：「小小年紀就談戀愛，不好好讀書，還會說謊來掩飾過錯，

長大以後怎麼辦………」

小傑：「老師我………」

老師：「不要解釋了！明天叫你媽媽來！」

小傑：「老師不是啦………」

老師：「出去罰站！」

小傑哭著說：「老師，我是說我要跟他借衛生紙啦，嗚~~T_T」

[ 本帖最後由 alexlee2 於 2010-9-3 09:52 PM 編輯 ]

邊個話一定要有屋（包括公屋+自己有物業）至可以結婚生仔？
無就唔準？犯法？
甘上一代咪個個唔洗結婚生仔？
我好多朋友都結了婚，生左仔，都仲係租屋住，好失禮架？
希望Ｄ年青人想通Ｄ，辦法唔係淨得一個咋！

無錯!!
想當年(1992年)，小弟家庭總收入都只係$4500，聽父母講，我出世時連呢個數都無
今時今日，家庭總收入變成$45000，成家人由公屋變有自己間屋，花左近廿年先有咁既生活，確係辛苦，但係如果好似樓主既諗法，今時今日會唔會有我?

1992年時$4500.....一家人點夠用呀!??
我果時剛出黎做野,都唔止呢個人工....

想講兩樣野, 1, 樓主光兄, 比心機工作吧, 你經濟許可既話, 自己住屋既選擇自然就多. 唔好下下怨個政府啦, 個個都係咁捱出黎. 香港咁鬼細... 2, 都係同一句, 你經濟許可既話, 唔一定要買樓tim, 租人地方住都好過癮架, 又唔洗怕整爛d牆... 買左樓咩, 見好景味賣鬼左佢套現lor~ 攞個差價交租都有排住架....

1997年家庭總收入都係得9千蚊一個月
我自己未出身，一直都未超過家庭入息中位數嫁
所以我屋企由我出世到今時今日為止係無出現過錄影機、hi-fi之類既家庭電器，
當時家中好多電器、傢俱(電視、雪櫃、風扇、書枱)唔係人地搬屋唔要，就係垃圾房"執"番黎，入大學之後出左信用卡，先買到屋企第一部唔係執番黎電視機
一年冷氣開得5日都唔知有無，幾熱都係吹風扇，俾上下左右鄰居冷氣排出既熱氣圍攻真係唔好受架
(練到依家都係唔駛點開冷氣訓，呢年夏天我自己都無開超過十日冷氣 )
有時諗番呢d日子都唔知點解會挨到

樓主捱多10年8年......儲下錢、了解下這個社會怎樣運作先啦

供十幾年樓好出奇咩.........大部人做樓按都係15-20年架啦，全部人都死得???

200萬淨係還本架? 唔計息? 俾條算式你啦:

P = L x I / [ 1 - ( 1 + I)-n ]

P=每月供款
I=每月利率 (即年利率除以12)
L=本金
n=期數

呢位ching勁呀!!!

所以大學三年都full grant full loan
d loan差不多全部做晒定期(三年裡基本上用錢只買過一部電視、手機同電腦)，畢業個時重賺左三年loan既總和十分一利息添，所以畢業幾乎無擔心過還錢既問題

依家都挨過左，無咩所謂
好似剛剛睇一套大陸劇，劇中有句說話
"有邊個一生出黎就係老爺，咪都係靠自己經營有方"

有時最緊要係一家人齊心合力，辛苦既日子先會改變

[ 本帖最後由 ch_lycab 於 2010-9-4 08:58 AM 編輯 ]

有錢唔一定可以結婚，假如有錢，卻不解溫柔，又無風度，又同社會脫節，後生女又點會睇上眼。

我識得幾個中產人士都係咁，雖然有過千萬身家，但幾十歲人都從未拍過拖，依家身邊只有一大堆音響同攝影器材陪佢過日晨。

[ 本帖最後由 dobs 於 2010-9-4 01:10 PM 編輯 ]

師兄咁嘅日子都挨得過, 小弟佩復
92年$4500真係超低 果時我做半日part time都$2800一個月......

如果想快...你咪結婚生仔...成家都唔做野...搵社工...
到時就有公屋...綜援...如果你生2件出黎...
最少都有成皮野...真係好過好多打工仔...
仲可以唔洗做...朝朝去茶樓飲茶...得閒仲可以去泰國玩添...

不過...你過唔過到自己個關先...

有冇師兄試過帶飯盒返工？仲要比人話一打開個盒整到辦公室 " 一陣徐" ，要去後挮食，小弟就試過，皆因太太未畢業，要頂硬上。咁 " 娘 " 嘅嘢，依家有冇年青人肯做囉。
但回顧過去，又係話唔得、唔得咪又得，唔点、唔点咪又点。
係香港肯捱，你己經同希望交上朋友。

好多人返工都有帶飯的，尤其係女仔，唔好講到帶飯好慘咁，其實有幾餐飽飯食已經好好

我D女同事都帶飯，唔係經濟唔好，而係要減肥。睇佢地食咁少，真辛苦。

" 其實有幾餐飽飯食已經好好 "


X2

[ 本帖最後由 wolfe 於 2010-9-4 07:43 PM 編輯 ]