即時港聞
40%港男娶大陸妻
港女哀呼筍盤被搶走
2010年03月07日 (02:51 pm)

    * (8人)
    * 瀏覽人次：6,420
    * 回應：0

    * Facebook
    * Twitter
    * 轉寄朋友
    * 文章回應

本港現時男女比例失衡，當中女性的人口較男性多 40萬左右，本港 700萬人口中，有 70萬至 80萬人是年屆適婚年齡的單身女性。

由於香港與內地日益融合，越來越多香港男性選擇與內地的女性結婚，數目由 1986年的 15,776宗上升至 2006年的 28,145宗，但到了 2008年，又下降至 19,003宗。

雖然香港女性與內地男性結婚亦有上升趨勢，但數字仍然相對較少，在 2008年有 3,948宗。

在 2006年，迎娶港女的港男人數減少 8.6%，當年新婚的港男約有 40%是娶內地女士。有港女不禁驚呼說：「香港好男人本來就少，家陣仲要被內地女人『搶』走埋！」

因為大部分香港女性都不能吃苦嗎?

可惜有多既全部都係中女
後生既隨時男既多過女既40萬
又難怪D男人走上大陸搵老婆
起碼都後生D先啦
唔好話我衰
D中女又要港 又要事業行先但係又話冇男人要佢
佢有冇諗過自己咩條件先黎嫁~
咩野叫你"等 寂寞到夜深 夜已漸荒涼 夜已漸昏暗 莫道你在選擇人 人亦能選擇你 公平原沒半點偏心"丫~

sorry

樓主，錯區喎

或者果40%係衰男人呢~~

大家都係想搵個伴啫.
唔好咁心涼
呢個已成社會問題
小弟比較close既親友間已有3個年近35, 現單身, 短期內唔似會有男友....

咁你有冇問佢地點解冇男人追佢地?

This is 模型最新情報?

x 2 ...
應該係吹水區出現吧?!

香港呢個城市真畸形, 港男憎港女, 港女又鬧港男, 皆因大陸有大把貨, 樣靚身材正任班港男選擇...


有一班為數唔小既港男淨係識即食文化, 從來唔用心機諗下點溝下d 港女, 因為北上你揚起d 銀紙大把女人會自動埋黎溝返佢轉頭~


但細心諗下, 有幾多返大陸娶老婆既人講得一口流利普通話~?  幾多真係 "溝" 個大陸老婆返黎~?  大家知唔知大陸同香港文化差異又有幾大~?
個女人又為乜千里迢迢黎香港~?  點解國內咁多同聲同氣男人唔搵, 要搵個 "港燦" 落黎香港呢個異地~?


說穿就是國內女人其實比港女更勢利, 為生活連終生幸福都可以賣埋俾d 港男... 慶幸係, 香港生活指數比大陸仲高好多, 港男北上唔憂娶~
對住港女一佰幾拾萬唔算得d 乜 (一間 Apartment 都買唔倒), 但對比國內農村佢就係神級...  


當港男鬧港女公主病, 勢利, 為錢而活時, 又有冇諗過其實自己都係一個永遠大唔透既細路 (幾廿歲仲對住d 玩具), 用錢黎衡量一切 (包括愛情),
唔肯亦唔敢正正經經學下追女仔, 結果北上即食娶個老婆返黎解決生理 / 心理需要... 說穿港男亦不比港女好~


最後, 有冇諗過點解個個世世代代d 古惑仔佢地身邊女性不絕~? 甚至肯為佢地出黎做小姐~? 唔係佢地有錢有面,
而係佢地有 Heart 有膽, 唔會為自己出身自悲, 夠膽對住女仔表白, 夠膽作出承諾~  


一班對住個 MON 鬧港女既港男, 你地又有冇承擔過~?  

問心我都開始考慮搵返個內地老婆…我唔係話什麼討厭港女，只不過家下既女性太奇怪，對將來全無計劃，掉返轉你去計劃佢仲要覺得你多餘同煩…個個都好似唔打算嫁咁…

但係有幾多個古惑仔會一身一世?夠膽作出承諾唔等於可以承擔BO
有腦又好GA女仔又點會鍾意古惑仔,貪金毛識食煙打交?只可以講佢地只係"冤豬頭有盲鼻菩薩 "
又唔好講到大陸ga女人一定差,咁佢地肯同你結婚生仔過人世仲想點?
香港大擺未過30女人俾埋條命都唔肯結婚生仔過人世la,只係到有左事業先發覺冇左青春同愛情~
果時先問點解冇人追,冇人要......

[ 本帖最後由 helios1988 於 2010-3-8 11:53 PM 編輯 ]

你又唔好一竹蒿打一船人,香港行業多以商業為主. 就算大學畢業,如果讀工業相關科目亦難免北上發展,選內地人為妻亦正常!而且廣東省有些地區的人也以廣東話為日常用語,所以不一定像你所說的情況!唔好以為所有大陸女仔都見錢開眼,對錢不為所動追求真愛的大陸女子還是有的!同樣香港一樣好多見錢開眼嘅女仔!

[ 本帖最後由 kuramalai 於 2010-3-9 01:21 AM 編輯 ]

建議你翻睇周星馳套 "喜劇之王", 裡面 二打六 "周星馳" 同舞小姐 "張柏芝" 承諾果兩段黎得係幾突兀, 但又好自然感動...
對你有好感既女人, 只係等你講一句表白 / 承諾, 唔係物質上要你俾幾多錢佢 or 一份計劃書點養佢一生一世, 明就明, 唔明都冇野再好講~


另, 娶大陸老婆我覺得只係貪一時之快, 第日換黎問題只會比娶港女更多, 中港兩邊走, 安排佢住係深圳方便見面, 安排落黎生仔, 申請佢落黎,
香港住屋, 多咗幾個人係香港之後點生活, 老婆只搵倒d 幾千蚊勞力工作, 佢父母親戚係大陸有病醫d 藥費等等...

以上係娶咗大陸老婆起碼要諗既事, 反而娶港女之前拍拖可能麻鬼煩, 但娶咗佢之後一定唔需要再諗咁多, 需知人越老搵錢 & 承擔力只會越低...

先苦後甜, 定先甜後苦, 自己諗 la~

[ 本帖最後由 twinsa 於 2010-3-9 01:35 AM 編輯 ]

你放心~唔好當我都係返大陸果 D.....我有好好ga女朋友.....完全唔係港女,遲d出黎做野就唔知,
佢暫時都係勤力上進節儉樸素ga人,簡直係自護中ga馬沙專用機體

一點說服力都無,偏見同歧視.香港政府高官都娶內地女人做老婆la 有咩問題
我唔認為香港女人個個衰.亦唔認同內地女人無個好
千里迢迢黎香港唔可以為左愛情?

我都知樓主貼錯區,但都忍唔住講兩句

[ 本帖最後由 草薙京京京 於 2010-3-9 05:52 AM 編輯 ]

男的女的都想有個伴, 但兩邊都不滿意對方有什麽不好的. 不如説大家找伴侣都是以自己的利益為先! 殘酷的是: 愛人的一方是最辛苦的; 被人愛的一方是"控制"着愛人的一方. 拍拖的時侯, 就像是自己跟另一半争取着"被愛"的局勢的游戲. 贏的一方話事.
這都不是為了互相了解遷就大家, 何謂"愛情"呢?

[ 本帖最後由 SouSou 於 2010-3-9 08:51 AM 編輯 ]

我冇打哂一船人, 我一開始巳經講 : 有部份為數唔小既港男...  

我當然相信有例外情況, 我都有 Friend 係長註大陸係上邊結婚生仔好幸福 (個女人仲接受倒佢成日出外應酬, 簡直係男人既天堂)~

亦有親戚返大陸娶老婆, 捱十幾年到子女出哂身, 而家已經係幸福家庭~

但我亦認識好多娶咗大陸女子後既無奈, 最慘係佢地相識唔夠多時已去到另一階段 (結婚), 到佢地發覺生活 / 溝通上出現問題, 出現大量煩惱事時已經返唔倒轉頭...

[ 本帖最後由 twinsa 於 2010-3-9 07:52 AM 編輯 ]