第一次改關節
周瑜月尾先出~仲有個幾星期時間~係時候開工武者烈傳了
之前做左精太~發覺影相時因為佢既可動係接近零….搞到D相張張都差唔多
咁今次就的起心肝~學人改關節~
第一個受害者就係摩亞屈了~辛苦你了~

我目的係改動到做到「三國」既可動性已經滿意
畢竟第一次做~過程真係學到好多~好好玩~仲好有成功感
以下係少少過程分享~圖多~希望大家交流下
我自己係新手改~所以會一步一步影曬出黎…
可能有高手們會覺得我好煩~不過我都係想幫自己留個記錄~
希望多D朋友可以一齊改
去圖:

1)首先我只可以講~原本既設計真係一舊過.....


2)呢一PART相信係最令人唔敢落手既一PART
不過只要同自己講「佢唔係摩亞屈 x 10」既心態去做~就可以大膽去鋸...


3)專用就係專用~1mm既膠片都可以由中間鋸開


4)兩肩關節可以照用~其實轉做 BALL JOINT會好D~不過始終係第一次改
都係唔好玩咁大住~何況見到佢兩肩有大組件~
改左都唔會有好大分別~所以留返改下一隻先試 (<--懶既藉口)


5)胸甲係要好似下面咁先得~因為如果仲保留「腰」~
佢係唔可以做到左右擺既動作既~
所以要完全切去「腰」而家重做~


6)腳關節都係照用~不過要嚮中間開個凹位~放關節落去


7)我唯有用自己既方法去定位~我係用 AB畢地填狙個空位再放個關節落去~
關節既柱要先CUT走~先夠位放落去裙甲度~
表面花D都冇問題~因為會做返條「腰」比佢


8)胸甲一樣~我好敗家~就用曬 AB畢地去填補...
我唯有相信AB畢地既能力可以痴實佢~


9)用膠板做既腰~梯形既
怕佢強度唔夠~就嚮內側加左4條膠柱強化佢


10)等乾既時間~可以開始改對手喇
雙手既設計真係同舊版摩亞尾屈鬥差...都唔明笨大開發既人個腦諗乜野....
冇計啦~要改~唯一好處係~佢手臂用肩既接合位係空心既~
只要將BALL JOINT放入~填好AB畢地就OK~強度好夠
我已經又裝又拆左好多次都冇鬆到~


11)睇下佢~幾咁粗獷既設計......
恨心D~一剪剪左佢個爛鬼關節!


12)之後開個窿~直到可以放得落個BALL JOINT
再用我既「AB畢地敗家固定法」將佢固定...


13)wow~我出院喇~忍唔到要攞把劍玩下先~


14)「三國」化左既手~可以做大約35-45度既左右擺動
應該仲可以做好D~我會加油~不過對我黎講擺 POST已經好夠


15)腰經過改動~可以微微向上


16)企直...

17)或者有限度向下彎腰...


18)正面企直~同原比例一樣~最多高左1mm~


19)向左右搖擺都得~


20)當然可以180度向後轉.....


好開心~玩下玩下又幾個鐘~
改關節其實唔煩~我會更加努力~

[ 本帖最後由 大問題王 於 2008-10-18 10:17 AM 編輯 ]

唔敢唔敢
我有排學呀~我都係新手
只敢交流下~請大家指教

手?咁我又唔覺~我諗都係比原本長左0.5MM左右
腰加高左都平衡唔返TIM~哈哈
不過腳唔改住喇~
留返下一隻啦~
或者我腳板關節唔好裝咁實就會長D啦~哈哈~

哈~又見到你了~
多謝你支持~係呀~只改手同埋腰~因為個人黎講~
有三國傳既活動能1我已經好滿意
同埋因為改造同既BALL JOIN 都幾貴~一PACK只係最細同埋中SIZE有用~
今次又係第一次改~
所以係試驗性質
我會加油

補品要返去影相~
一排補品得幾粒0岩BB用.......真係好貴...
話時~LED 我真係零認識~
又好似要將電線拉出黎~
整唔整到開關同將所有線收埋入機體入面架?

四十幾五十我都係玩返 AB 畢地算喇哈哈
因為人人都話D原子灰好臭好大陣味
亦比較難磨
我諗都係用返模型祓廠出既AB畢地好D喇

我對電呀 LED呀係完全冇概念既.....
不如大大快D完成 LED整個教學啦
等你呀~不過講真啦
整左燈收得電線黎又怕影響個可動性
睇黎都係一個大課題~
等我學好改關節先啦~哈哈

update 下進度先
摩亞屈製作進度(二)
1)有心機就再黎喇~補埋d偷膠位先

一陣仲要打磨~~打磨~真係好怕打磨.....


2)上埋個頭盔影張相玩下先~



3)角已洗電鍍~~要做左頭盔無縫先~角只要剪酊好似圖中咁 "T" 字形就可以



4)WOW~上左角就真係出曬喇個形喇~好正



5)背部一影~



6)經過一輪打磨~~上灰~



7)唔知點解~永遠上左灰之後就有一種PRO既感覺~


等~上色喇~我要加油~

睇黎冇返三五日都上唔曬佢....

追加:
第二形態

其實買三隻~都係想重現佢兩個形態

有時間仲想整埋佢三個兄弟....

不過佢呢個形態同摩亞屈係完全唔同色MATCH唔到既~

不過既然要整~就做埋佢啦(反正都係做多個頭盔同胸甲)

1)整個全相比大家睇先



2)睇上圖可能唔覺

其實我係CUT開左胸同裙甲既~

左右再邊同鋸~中間就用筆刀慢慢介...



3)胸甲係有位插既

致於裙甲~哈哈~係用 BLUE TACK痴上去既.....

好鐘意佢既層次感



4)我轉~好野~著左盔甲都可以轉身喇~
另外心口粒珠都磨平左~方便上珠~


[ 本帖最後由 大問題王 於 2008-10-14 09:25 AM 編輯 ]

哈哈~~開工啦~一齊整好玩D~


係呀~尋晚整埋形態二件甲可以全力上色
又係一個地獄呢似乎...


多謝~希望我可以盡快完成佢

我都知~不過真係等做好呢隻先算
要再做多兩次真係難以想像....

冇錯~HAHA~所以我又重做左三國頭6隻.....
其實精太已經想重做....模型真係無止境既...

希望得啦~
不過呢幾晚都幾忙~可能未必做得到
我會加油

多謝
CUT到筆刀刀片都斷左呀~哈哈
係呀~佢D偷膠位真係多到.....好彩咁大既位都係用D膠片碎填下補下

小小進度~

夜晚影就好似深色D~~一早影好似好深色~

可能真係光線問題~大家睇下BRIGHT BLUE 個油樽都淺色埋

今晚返去睇定D先~如果都係太淺就加透明藍~哈哈

大家覺得要深D嗎?
因為好多時侯上埋其他色就會冇問題....

我係之前沙田搵既
好好笑~只有摩亞屈...而家當然冇曬啦~都有D後悔冇黎多兩隻
都係發青光多隻蟹咁上下
哈哈~唔知會唔會比人一齊扣分呢我地

係喎~比D意見啦~藍色如果呢?

對~我也覺太淡
不過我唔想太深.....今晚再諗~真係難搞~
下次都係一早開定油夜晚噴好D

角只係假組~~到時就會插實

我是噴的

唔....都可以咁講~不過睇人做 MAX 係先深後淺????
我唔識做陰影......MAY BE 會TRY下啦~
噴落暗位留返淺色做高光?

有諗過~不過真係覺得通窿靚D
可能因為佢可以變做箭既形態
實心真係有D怪
哈哈~唔係偷懶~我真係考慮過覺得咁靚D

尋日一早陽光大強~太光~影到變曬色

今日一影~正常好多喇~

已經封左膠紙~不過夜晚成點有個客打黎~~唉~爆曬鑊~真係冇野講~

冇心機~唔噴住喇.....




頭盔近影~本來打算手油~不過我既 MASKING 魂無啦啦燃燒得好旺盛....

結果又地獄左成個鐘



[ 本帖最後由 大問題王 於 2008-10-16 10:06 AM 編輯 ]