因為趕住交貨，用咗8日來完成，創下個人最快記錄，哈哈

继续帖，继续帖，继续帖，继续帖，

8日砌一部車，系會好辛苦既，痴既時候要用快乾膠，唔使等就可以打磨，光油用GX100,要快就要用風筒吹，就系咁整壞咗個飛利浦，期間仲一度起咗白霧，好彩救得返，貼完水貼就用風筒吹，跟住就上光油，等乾既同時就砌內籠，當然，如果砌既係FUJIMI。 。 。時間就會成倍上升，哇哈哈。總之活用你個風筒同埋多用快乾膠咁就一定得。

唔怕會吹軟既。 。 。只要用得妥當，每層油中間都吹下，就好似吹頭髮咁，唔好吹過隆就無問題，跟住日日洗完頭都同佢交流下，順便吹埋區一份，有福同享，咁就得既啦。

咁咪幫支AA膠裝翻支老鼠尾咯。 。或者滴落雙面膠度用牙籤塗，都一樣咁得。

材質系壓克力(acrylic)，自己訂做既，我仲有D存貨既，哈哈，要既可以賣俾你，D效果真係唔錯架，尤其係影相。

可以聯絡我。

1 將車殼同一切要噴光油既零件剪件落黎，用AA膠痴好打磨好，跟住刻線，其他零件唔好理住，清潔乾淨，晾乾。

2 將車殼及一切要上光油既零部件上好色，車殼亦遮蓋分色，用風筒催幹，薄薄上一層光油，有時間剩就剪低其他既零部件打磨好。

3 痴水貼，先將D大塊難貼既水貼痴好，用風筒吹乾，薄薄上一層光油吹乾，再遮蓋補噴返D水貼爛咗或者穿隆既部分顏色，再上D細既水貼。吹乾。上兩層光油，繼續吹。

4 再上數層光油，每層中間用風筒吹，間隔15分鐘，等既時候，一邊剪埋剩余既部件，打磨好，再洗白白烘乾。光油基本完成。

5 噴塗其他既零部件，內籠，得閒或者夜晚洗完頭又吹下部車車，有福同享。

6 裝嵌好完成既部件，風-繼續吹。

7 檢查光油既乾燥程度，可以既話就用2000號砂紙磨走水貼紙既落差，洗白白繼續吹風繼續等。

8 再細心檢查光油同水貼，睇下有無唔妥，可以就用2500號砂紙細磨下，拋光，洗白白遮蓋噴窗框，跟住就係最興奮既裝嵌時刻，基本上系多手仔都唔會等，幾眼訓都會裝黎玩下先。 OK！

9 既然咁中意就梗系影多D艷照留待日後慢慢欣賞啦，哈哈，滴-咔嚓-咔嚓

翌日-裝箱出貨，拜拜啦BABY!得閒黎探你下！

不如..... 咩啊？

總之一句啦-有風筒-Not impossible！
風筒係好重要架！

哇哈哈。 。 。 。好！年初一砌到年初八。哈哈講笑好啦，而家仲咁既雄心壯志啊，哈哈，一次就夠嘞，因為真係幾辛苦下，睇怕無咩人會跟。