前言: 上次砌電單車, 砌得唔好, 想搵隻簡單模型輕鬆一下, 就搵咗佢.

模型: 夾口只頭部一條, 取而代之就係好多夾口同偷膠. 手腳同對角嘅偷膠, 正面睇唔到, 尚可接受, 反而手杖偷膠就麻煩d, 礙睇得黎又難補.......

素組(其實都砌錯咗)






依張睇得到, 偷膠都幾嚴重


補偷膠








輕裝




武器+自製佛珠


設定中全武裝型態








閉屏型態








開屏型態

多謝支持, 主要用咗金色, 藍色, 白色同黑色. 其次用咗啡色油佛珠, 銀色加透明綠油心口同手杖兩粒珠.

多謝荒讚. 你手藝好我好多, 只係睇你有無心情做啫! 其實我都係買多過砌, 屋企仲有好多買咗未砌.......


對眼咪用佢本身貼紙囉, 用膠紙? 唔明喎...... 不過問心, 依隻我真係無點用心去砌, 求其完成, 有不足之處都唔奇.


我係用噴槍加小小手油. 其實我覺得用色唔使好死嘅, 你鍾意點咪點囉. 我係用郡氏油性, 白色(1)黑色(2)金色(9)藍色係用gaia 4號. 都係大路色, 無乜特別.


我今次唔係用原子灰補, 係用混合畢地補(即係白色+黃色搓埋會硬個隻), 亦無落膠水. 其實原子灰補偷膠我都用過, 之前亦無落膠水. 個人覺得分別係, 混合畢地乾後會硬d, 難打磨d, 不過就幼細d. 原子灰就脆d, 粉d, 沙孔多d, 不過就平d(同樣份量計的話)

個粒珠我係想油到似玉咁, 不過眼高手低, 有機會再試過.

[ 本帖最後由 The-Old 於 2008-8-16 10:48 PM 編輯 ]

唔好意思, 我太明白"爆"係乜意思. 我只係將原子灰/混合畢地填入偷膠位, 乾後再打磨. 其實你落手落腳做一次, 先知道會遇到乜問題, 模型依家野無得紙上談兵喎. 加油啦!

多謝支持, 我女友都覺得依隻得意, 反而我好用心砌個d MG, HG就唔鍾意 ......