一次過搞三架美軍車，霖住可以快手D，點知都係同著只搞一樣甘慢，而家至起貨。

呢架車係意大利出品既，今次係水貼上遇到好大困難，因爲架野既甲板係好凹凸不平，貼車頭既美軍大星水貼已經出事，因爲塊水貼竟然仲大塊過可以貼既地方，跟住用其他水貼以爲搞掂，點知比我用軟化劑後卒棉花棒卒壞左，最後決定挑戰自己難度：用遮蓋膠紙貼上去然後噴粒星上去，效果我覺得好正。

製作過程對我來講都唔容易，淨係界Masking Film，都錯左好幾次至成功。

噴完星星，仲未做舊化。

多謝支持！

原盒既水貼係車尾既係分三幡，不過我經過車頭既水貼失敗之後，對意記既信心動搖了，而且車尾更加凹凸不平，我估用水貼多數失敗收場，而且水貼既白邊真係好難搞，所以明知難都要試下用stencil方法啦，當年美國佬架架車都係甘整，無理由我整模型都唔得架？

多謝得哥！其實都好多做得唔好，例如車碌滲D泥色上去，用左松節水滲，搞到撈甘搞，早知用火機油就易控制D啦。其他舊化都係學你甘加多D粉，志在過下癮姐，正就講唔上，叫做好過以前甘話啦，比起你就拍馬都追唔上啦！

車頭果粒星就係蝕刻片stencil，無粘性架，所以噴落去會漏底，要用筆自己補漏。係廣州買架，好似係獅鳴牌，其實係愛黎比大陸飛機噴拒地粒紅星，甘岩我見到尺寸岩用就買囖。其他外圈同車尾粒星都係自己用噴畫masking film界出黎。過程都hi 唔少野，界左好多個至成功。

呀！曬布路我淨係留意噴筆咋渦，泵我無留意渦，但是其他師兄又話買到好平既？你問下拒地具體係邊間買啦！噴筆係有兩檔架。

係呀！全部無標價錢架，問拒囖，唔買唔會比人打既，放心！拒地唔係果 D外省仔小販。價錢我問過：0.3mm 70-75蚊， 0.2mm 80-95蚊。兩檔價錢都唔同，即係有价講啦！

多謝上面幾位大哥讚賞，其實我都係環境迫成架咋，我都想簡簡單單貼水貼就算，不過失敗到貼左地，走投無路，至攞苦黎辛姐。

又貼多張相比大家睇，學人地雜誌甘放係手掌，懶cutie 甘。

係1/72呀！Italeri 係出35同72，細細架，幾過癮！多謝！

我儲埋成屋都係72，都已經多到無80嵗都砌吾嗮，仲玩多種花式？我老婆唔閙人已經好比面架啦。我砌72係因爲可以擺出黎無甘阻地方。

話時話，你砌完D 35車甘大架，放邊呀？

甘成品係咪放聼呀，可以搞個玻璃柜放黎比客人參觀。

唉，講起黎，都係有甘既問題呀，每年買10-20架，砌就4-5部，真係死路一條呀！

嘩！甘客氣呀！講笑咩！哈哈.....唔好既.....點好意思呀！我真係唔客氣架啦播！哈哈！你肯我都唔掂啦，我而家買左都要擺公司，屋企無嗮地方啦，我老婆已經好好耐性好比面架啦，整多幾盒大野返黎，想挑戰拒既容忍極限咩？！

你甘抵得霖，不如順手砌埋拒啦，哈哈！

唔係馬？師兄！你謙虛姐！定係你比我張相厄左你呀？72同35邊有得比呀？其實呢架車除左兩條天綫外咩補品都無加，講精細度比唔上35架。

甘又係，但係付出既代價係：用左好幾晚既時間，淨係搞兩粒星。好處：有左經驗，以後搞都駕輕就熟。唔好處：如果用呢D時間黎刨股票經，可以賺番唔少錢。不過日日都搵錢架啦，收左工做下D自己喜歡既野，過癮下，平衡下心理。

一次過多謝嗮上面既師兄支持！

多謝你讚我渦！ 都係分享下少少從失敗中有得著既經驗姐，我都係呢度D師兄學唔少野啦！

上個禮拜同個模型鋪老闆講開界 Masking film 黎噴呢個Logo，拒話貼左Masking Film後，用乾掃方式來上色都得渦，但係我未試過，而且覺得噴筆仲方便同有把握過乾掃，唔知有冇師兄試過呢？

多謝！

其實我睇返D相，美軍車粒星都係噴得好靚好工整，吾似蘇聯佬甘“哪西”，所以噴出黎既效果我覺得同實物似D。但係究竟美國佬係噴定係油我就睇唔出啦，縂之係整齊，就做到似就好囖，係咪？