龍記三突F 加法國SINIFER廠的噴火器樹脂改裝，製作上有不少缺失，上色更加完全唔理史實。

先多謝樓上各位的讚賞。


上小弟屋企參觀就幾時都得啦，不過恐怕會令老兄失望，事關D模型都封哂塵，無乜野好睇...如果想老笠野，Kurtis屋企同佢個倉重嚇死你呀(轉移受害者中)。
至於D工具點解換哂雙星，因此覺得佢出得靚少少o羅。

回Joe兄，個鳥籠係用膠條自製，做得好肉！當時無PE廠出，不過依家"C明"有啦，可以唔駛咁辛苦。

履帶先噴上郡是或雙星 Acrylic深灰色油，然得用雙星 Enamel油XF-52加石膏粉(五金舖有售)，混成糊狀塗上，半乾時用棉花棒點上雙星thinner X-20，擦去履帶接觸車輪及接觸地面部份的糊狀油，油全乾後再用水弄濕履帶，水中可加入一些泥色的粉彩，以增加色彩變化，石膏粉接觸到水後便會變硬及乾固，用風筒吹乾水後再等一晚，最後再用銀色油輕輕在履帶上乾掃既成。

小弟已成了口模，其實都係講D過時野，但都希望對你有點幫助。

志昂兄是內地人嗎? 香港人很少會用"下線"一詞。期待閣下的新作，多多交流。


見笑了，延兄才是真正高手噢!!
很喜歡閣下的前作M1，及製作中的原型豹。

[ 本帖最後由 wingzz 於 2007-5-18 10:46 AM 編輯 ]

指教不敢當，大家研究研究。
車頂那個圓柱物體其實是抽氣風扇。小弟在貼上那個風扇的頂蓋前，先在裡面噴上深啡色，原因是防止之後全車噴沙黃色時，油漆未必能噴到這個凹入的位置內，而會露出淺灰色膠料(即是穿崩)，而且深啡色是沙黃的暗色，可順便當作是底色的 pre-shading。
其實車身上很多地方，小弟都為保險起見，在組裝貼合前先噴上深啡色，主要都是基於這個原因，不過當時手太癢，不少位置都噴多了。

此車焊接線的確是用幼膠條做，是Plastruct 廠的0.2及0.3mm白色幼膠條，但其實幼膠條也可以用廢流道加熱拉成，不過小弟怕拉出的膠條粗幼不一，而且最大原因是"懶"，所以用了現成產品。
小弟刻焊接紋的工具不是刀，而是"辣雞"。先以膠水貼上幼膠條後等一晚，然後用"辣雞"加一個220V轉110V的"火牛"，便可直接在幼膠上刻焊接紋了，最後才在焊接紋上塗少許流縫膠令效果更自然。
小弟用的"辣雞"和"火牛"都是鴨記買的cheap貨，"辣雞"頭要先用銼磨尖，加"火牛"的原因是令"辣雞"不會太熱而令膠條旁的部件也一起溶化，而且如果"辣雞"太熱，刻線時就要非常快手及難以控制。
此方法的好處是效率快及無難度，缺點是真實感不足，只得六七成似！

如果Louis 兄希望做出效果更正的焊接線，可參考老外的以下連結:
http://www.armorama.com/modules.php?op=modload&name=Sections&file=index&req=viewarticle&artid=220

[ 本帖最後由 wingzz 於 2007-5-19 10:23 PM 編輯 ]

Plastruct 廠膠條在旺角區好多模型店都有售，也可在 Plastruct website 直接訂購，小弟家中還有一些存貨，如 louis 在市面找不到可 call 小弟。

Plastruct 廠 website:
http://www.plastruct.com/

平日放工行個零鐘就得，如果星期六日就要老婆首肯，事關要幫手湊仔，上次出黎都係"女皇特許"，唔係咁容易。

老哥唔好講笑啦，上年比賽及之後的真人show，睇到閣下冠軍作品全自製直升機，唔單止令小弟目瞪口呆，簡直正到令小弟呼吸困難，完全出唔到聲!!只識不停影相..影相..影相..，下次有機會一定要跟閣下學習學習。

Thanks herman兄，但小弟有排都無新作，即使有都，事關小弟眼力已開始轉弱，技術亦在退步中


多謝，未試過玩坦克，就要試下喇，非常有趣的說!!
先由OOB 開始啦