SDCS - RGM-79 - GM
製作完兩隻SD後, 有點意猶未盡, 想繼續做多幾盒. 今次想製作的是之前的失敗作, SDCS吉姆.
有玩開SDCS都知, Bandai係吾同CS骨入面跟多幾件PARTS係用來組合吉姆的. 事實上係一年多之前我已經組合了一隻吉姆, 但因為成品太不合格, 我沒有拍照, 也沒有公開, 就此放在一旁. 該作品有好幾個問題, 第一, 上色的油開得好杰, 噴出來完全不滑, 第二選色不好. 最重要是因為SDCS手腳比較粗, 吉姆前裙甲又短, 無論SD Mode, CS Mode定CS再減高都吾好睇. 所以一直無想法再去修正. 之前的SDCS RX-78, 因為想試一試SDEX的前腳踝甲, 所以買左盒. 突然心血來潮, 想試用SDEX手腳加SDCS的身來看看, 好似又吾錯. 於是決定用呢個比例去做.
決定去做之後最大的問題係買吾到SDCS.......所以只可以打我隻失敗作的主意, 拆番晒出來用吧...... 大家如果有其他素組SDCS吾要, 可通知我, 我會儘力將佢地改頭換面的.....基本上我用到的SDCS件只有胸背後的件, 嶺口, 腰同膊頭(膊頭其實同SDEX差不多, 吾一定要用),
講番改裝問題, 其實用SDEX手腳放去SDCS裙底一點都不複雜, 剪左本身EX個裙甲入面個接駁位直接貼入去便可. 手部直接換就可以. 至於吉姆本身小腳應該同高達係吾同的, 不過我吾識改, 搞吾掂了. SDEX一直以來最大問題都係偷膠同零分件. 分件可以靠遮蓋噴塗, 好在吉姆本身用色都吾複雜, 呢樣都吾難. 但偷膠對我來說真係有點難處理. 突別係SDCS把槍.....真係偷到有點過份.... 我諗左一晚, 試了用兩把剪出來再併合, 試了補膠, 效果都好差. 最後情願用番乜都吾搞的偷膠槍. 有師兄提我左右腳掉轉安裝了, 其實係固意的. 因為正確的安裝會令佢對腳分得太開. 而家好點.
由於本身的底色件件都吾同, 都係噴一噴灰, 統一底色. 不過紅黃兩色噴係灰色上面即時死沉沉. 同以往直噴係完全2回事. 雖然我貪得意入左粉紅灰同黃灰, 但噴幾件又去開油....下次再諗下其他辦法. 遮蓋方面其實用左大量原裝貼紙當遮蓋貼紙. 當然吾係完全可以遮蓋, 要靠自己再執漏. 其實單係一個盾4隻色已經做死人, 噴完等乾又上貼紙又噴....面個金屬綠, 有原裝貼紙真係做小好多.
綠色 Mr. Colour C20
黑色 Mr. Colour C14
橙色 Mr. Colour C58, 陰影用UG20
紅色 UG20
灰色 : UG09
眼罩 : Mr. Colour GX205 + 白 (大約2:1)
上完色開始做滲線. 而家我都吾應該叫滲, 基本上9成都係畫出來, 我係淘寶入左支0.03筆. 性質同enamel油似, 未乾透時可用enamel開油水抹走. 對於件的高低位需要畫的線特別好用. 因為好幼, 如果要明顯小小就要用另一支0.05. 呢2支筆真係好好用.
總體來說, 偏瘦小的吉姆比SDCS版好看多了. 如果吾計BB戰士紅蟹入面個小小吉姆, 呢盒係Bandai第一次出的SD 吉姆模型. 如果吾係SDCS太難買, 真係想砌多幾隻出來. 不過一隻吉姆一共要四盒模型砌出來.....
Full Size Photo link :
https://photos.app.goo.gl/kYqAkKPFFCJe6Hhc6
#GM, #SDGundam, #Gunpla, #SD, #RGM79
[
本帖最後由 ngszewai 於 2022-10-14 11:54 PM 編輯 ]
分享
