RG005 - ZGMF-X10A - Freedom - GCP
其實我從來無打算會買呢盒GCP版自由. 我一直以為佢只係改色版, 自由又係極舊款的RG, 又係個條骨.....之前用HKD120入手了一盒普通版都一直山積中. 點知係我悶悶地, 覺得無乜新模型砌之際, GCP版突然的出現, 仲要係大改版, 據說超過60%都係新件, 睇完報導個一刻都好心動. 不過同前版的價差都頗大, 定價加運費要HKD400, 所以打算放棄. 但實在有點悶, 加上有間"香港小店"以HKD400元訂價收單, 當支持一下小店. 就係我落完單, 俾了全款, 間店已在旋拍被Block, 當然跟住其他的whatsapp, 電話一概失聯. OK....我成日覺得砌模型的人吾會咁, 是我天真了. HKD400對我來講不算什麼, 一家大細外出食一餐都無左, 只係你利用我的信任, 我真的對佢很失望, 也對天真的自己很失望, 400當一個教訓, 就係我條氣頂住, 把鬼火上淘實落單, 幾日後已收貨了. 連運費都係HKD405......我以後絕不會幫襯所謂'香港小店"及全額預付, 要訂都搵番相熟店去訂, 一係上淘寶, 安安落落坐係屋企收貨.
勞氣的事說完, 講番盒模型. 小弟最討厭的一體成型手骨仍在, 不過膊頭位置有新設計, 吾再用一體成型. 腳部的骨之前都無斷過, 應該問題不大. 另一個RG Freedom/Destiny的大問題, 特大腳版係GCP版得到修正. 而背後對炮有點刻意加長, 變成個支架咁. 而本身對腳已經好長, GCP版仲要加長, 吾通要10頭身? GCP版本身的黑就已經有幾款不同的黑. 有一些是比模型的膠軟身一點的材質, 剪件的時候感覺很奇怪! 後面對翼有部份件比較薄同軟身, 最過份係大部份都彎曲了........新貨來架, 搞到好似食玩會攣.....Bandai俾點誠意啦, 條膠硬小小得吾得? 坦白說, 既然都60%以上新件, 點解吾索性全新, 棄用一體成型的骨呢? 全新2.0的noise一定比現在高吧..... 其實新版同舊RG版好多地方都吾同, 但吾係放埋一齊, 我估絕大部份人都分吾到. 點都好, 如果真係想砌RG Freedom, 個人認為可以玩下呢盒GCP版.
另一樣感受好深的地方係件數真係好多. 我噴油時, 單係白件都插滿2板. 一如RG的特色, 分件分得好仔細, 不過又吾覺今次分件分得好無謂, 每個分件為都係為左吾同色做出來的層次. 感覺上Bandai終於找到合理的方向去做分件. 剛完成了一盒完全無陰影, 今次又想試一試小小新意, 想加多一點金屬色睇下效果. 以往, 除左關節外, 好小用金屬色. 其實之前一直好鐘意呢隻金屬紅, 好紅好Sharp. 反正Freedom係小數Gundam吾著紅鞋, 相對紅色位置比較小, 我覺得可以一試. 本來身體上的黑色用了金屬黑, 不過覺得吾太靚, 最後又噴番普通黑. 藍色用番半光的效果, 而白/灰位就好似之前噴小量陰影同高光. 腰側甲支炮本來用軍綠色, 不過吾靚, 所以又改用紫灰. 坦白說, 這個做法看來跟我2年前的作法差不多.....以前我的藍紅黃件也是不懂上陰影, 噴完好似無噴過一樣........行了一圈, 又回歸原點? 其實我吾係想全隻行超合金路線, 只係部份色, 有噴油的師兄都知砌光面比砌啞面難度高好多. 我自問仲未有能力駕馭, 所以暫時都吾會有砌車, 砌光面高達扮超合金的想法.
白色 Mr. Colour 107
灰色 自己溝, 比337深, 比306淺
金屬紅色 Gaia C038
藍色 Mr. UG14
淺藍色 Mr. Colour C370
鐡色 Modo MX-02
銀色 Mr. Colour SM201
金黃色 Gaia 122
關節 UG09
黑色 : Mr. Colour C71 + 半光面油
側炮黑色 : Mr. Colour C78
除左分件外, 本身的細節同刻線都非常豐富. 有心慢慢筆油補色的話一定會好正. 以佢咁detail的設計, 應加大量水貼去襯托的. 我已經係得閒貼一個鐘, 得閒貼一個鐘, 但好似貼極都未完咁. 最煩係後面個10支野, 本身設計中間個幾條好似無乜水貼, 要貼晒可能要買多幾份先得. 同埋好多專業玩家都吾鐘意用膠貼, 不過我就好鐘意用RG入面金銀色的貼, 好sharp好靚. 另一樣想提一提, 關節有點鬆......手臂駁身, 背翼入背包等接駁都幾鬆. 有幾個位的灰色方塊裝在白色件會掉下來, 我用膠水痴死. 我知道佢後面白色個支其實係炮, 但將佢指向前反而吾靚. 當成塊大翼一部份仲好睇. 我個人就比較喜歡散開晒背翼, 收埋晒無咁好睇. 成個作品完成之後其實真係好靚. 因為未有砌過普通版, 吾知分別有幾大. 但我個人意見認為Freedom RCP絕對值得一玩. 但值吾值由120昇到400? 我就好有保留. 如果名正言順叫2.0, 大約280就非常合理了. 而家好似终於吾係中國限定, 正價都去番260左右, 呢個價位真係吾駛諗, 要入隻玩下.
我之前係SD Freedom提過, 我一直都是比較喜歡SF.其實Freedom係咪好受歡迎? 我真係無研究, 真心說話, 我始終覺得RG SF比GCP/Freedom都更吸引. 但以一盒RG來說, 今次絕對係不錯的一盒, 襯而家周圍都收訂, 真係應該入手一試.
Full Size Photo link :
https://photos.app.goo.gl/HUCV9HEjVS3F9tNS9
#SeedGundam, #GUNDAM, #RGGundam, #Gunpla, #RG, # ZGMFX10A, #FreedomGundam, #GCP