MG - MSM-04 - Acguy
突如其來的衝動去完成了一盒Real Type RX-78, 之後又開始我的MG系列, 今次選擇了製作龜霸. 我經常覺得, 有衝動去買, 之後又可以馬上動工是一件難能可貴的事. 可惜我選擇龜霸又是一個極其無聊的原因, 因為個盒好殘舊, 又大盒, 不如快手完成.
開始製作模型之前, 想說說最近模型群的風氣真的令人吃不消. 每天不停的漫罵, 初初開始是責備別人炒賣, 最近連別人收藏, 家中有山積卻去買新模型都要駡. 有網友分享自己收獲又要捱駡, 總之每天看的都是駡人的帖子. 坦白說, 我不喜歡將自己的價值觀強加於別人身上. 一盒模型, 別人買了想收藏, 想完成, 想炒賣, 其實不關我事. 他自己開心就可以了. 我經常會欣賞自己的成品, 也有時候會打開未砌的模型去憑空幻想一下, 如果由我組裝會如何呢? 也有時候會望住幅牆在笑, 因為收集了自己想砌的模型而覺得滿足. 但是又有人說, 不如你買個盒算啦. 總之好像做什麼都不對. 我自己的價值觀係我買模型是為了完成自己的作品, 不過我不會反對其他人的做法. 總之買玩具開心就可以了.
說回MG龜霸, 一直以來都是好評不絕. 可能性絕高, 可擺出不同的Pose. 細閱說明書才明白幾個主要關節位都用上多重關節去提供其誇張的可動性. 但是坦白說, 這種多重關節擺出來的Pose, 只適合拍照, 因為另一角度去看一定是奇怪的一節申了出來, 絕不好看. 不計其誇張的可動性, 外型比例上也很漂亮. 內構也極之出色. 但找不到什麼原因, 就是莫名其妙提不起勁去製作. 總感覺是在為了完成而完成, 說得難聽一點, 就是沒"heart", 交行貨.
用色方面, 基本上是將HG的用色直接搬過來. 以鐵色取代灰色, 其他都是原設的色系. 我噴油都好一段時間, 到今日仍然會噴到一點點噴出來, 因為不是一隻色出現呢個現象, 應該不是油的問題, 是噴筆的問題還是自己操作噴筆的方法出了問題? 還是最近太潮濕了? 最近看了很多教噴油的短片, 發現同我噴油的方法極之不同. 我自己一直用的方法都係主色, 灰或黑陰影色, 白色高光, 再用主色執. 因為底色層的影響, 當補主色時就會出現深淺不同的漸變色效果. 而用主色執高光位時, 會細風輕噴. 呢個方法係我自己不斷噴, 不斷噴得出來的方法, 絕對不是正統的方法. 當我看見其他高手的教學短片, 他們直接將陰影色噴完, 直接噴高光就完成. 我真係睇到目瞪口呆. 我試過正統的方法, 不過我又真係應付吾到. 我自己用的旁門左道方法其實有很多限制, 例如油的遮蓋力等. 不過可能習慣左, 我都會繼續錯落去.... 今次隻淺啡色用深啡做陰影, 深啡都係用深深深藍色做陰影. 高光都係白再用主色執. 不過執得吾係太好.
淺黃色 : Mr. Colour 310淺啡色
深啡色 : Mr. Colour 520深啡色
關節 : Modo-MX02淺金屬鐵色
灰色 : Mr. Colour UC09
同之前一樣, 見光就搞, 吾見光連打磨都吾做. 其實呢盒龜霸, 真係應該做"露骨". 佢副骨太精緻了. 製作過程一點小插曲, 就係吾見左眼後面粒件. 所以直接以wave透明紅的軟膠件取代. 一直以來, 自護軍的單眼我都係貼貼紙, 不過去到MG, 因為眼球面積大, 貼紙貼吾平, 出來效果好差. 都係時候用噴塗的方式去噴埋粒眼球. 以前吾噴因為偷懶因為想洗小支筆, 而家反而吾太介意洗筆. 今次都無貼水貼, 只係用原本張括貼. 整幾個之後, 覺得已經太多. 始終我喜歡龜仔素一點. 比例方面, 同HG係2個完全吾同風格. HG瘦長好多. MG則厚實好多. 我自己就鐘意MG多點. 自從轉玩MG後, 覺得MG係比例上更合我心水, 當然無可否認我砌個幾盒MG全部都係MG中的代表作, 吾可以話MG一定好.
我一直都吾係特別對龜霸有愛, 所以投入係呢款MG入面的心血都吾多. 要我挑一個缺點的話, 就係本身隻膠色吾靚, 隻淺啡轉一轉色即時upgrade. 不過事實佢係一盒好有誠意的模型, 對於好似我呢類有番咁上下的模友, 實在係值得一玩.
Full Size Photo link :
https://photos.app.goo.gl/eP25GFdmzx8yHiSR9
#Acguy, #GUNDAM, #MGGundam, #Gunpla, #MG
[
本帖最後由 ngszewai 於 2022-4-1 02:52 PM 編輯 ]