開始玩MG開始, 發現骨架真係精密到一個點係令人讚嘆.  不過一裝好副甲, 其實乜都睇吾到.  

小弟宗旨一向眼不見為乾淨, 所以一向見吾到都吾理.  之前都會打磨埋, 上色, 最近連磨, 上色都懶.  所以可以極速4日完成一盒MG (工餘時間, 我吾係全職砌模型架).  今早打開盒MG 紅勇, 內心再一次浮起好多想法, 好多畫面.  在此立帖為證, 呢盒我要仔細砌好佢.  有好多相片的構思已經出現係腦中.  雖然最終我都會上甲, 不過先分階段先影好相.

昨日完成了很多事.  首先, 我以街價大約8折清左34盒模型.  蝕左幾多其實我無計. 買野從來都係吾理智, 個一刻想買就買, 生活壓力大, 買下野, 開心一刻都係好.  之前完成0079, 本來想砌1/144 Z.  入手了22盒, 最後只係留起Zeta, Rick Dias就算.  MG都係, 好多買下買下, 其實有幾盒, 將無興趣砌多次的又賣左.  而家工作室多番好多空間, 連埋SD存貨跌到80盒內.

之後就係改善個水簾漏水. 佢無壞, 只係有時水會係吾知邊到滲出, 仔細研究, 改左小小位置, 引導水流番入去, 暫時無再漏水.

跟住對Speaker, 2手買番來, 只可以用BT, wifi接駁吾到.  整左2次, 最後打去customer service嘈, 佢借左對demo貨俾我.  我見無事, 打去同佢地傾, 收左呢對就算.  叫做完左件事.

傍晚時收到SF, display櫃個架到左, 順手執一執MG個格.  數下, 原來今年已完成7隻MG, 2隻RG, 5隻HG......

最後就係好那西噴左MG 龜霸.  外甲未上陰易, 無心機, 有時間先再噴好佢.

而家好想快手開工搞隻MG 紅勇!

[ 本帖最後由 ngszewai 於 2022-3-26 12:21 PM 編輯 ]

其實打開一盒模型有想法係好開心的事。呢盒紅勇好有feel, 不過隻龜霸就無乜feel,粗製濫造, 求其完成。

好似盒real type咁，想砌到完成都係幾日內的事。

仲未去學舊化….

有自己地方真係好爽架

問題就係玩骨好多時幅骨會金屬色，我有d吾想全幅骨都金屬色

搞左2日, 起左副骨.

單以骨架來說, 隻灰太淺色.  不過我要就外甲....