小弟其實都係中佬一名.  一直以來都好抗拒FB.  更加不屑為左呃 like而成日影相, 乜都post 上網的行為.

為左睇一d模型相關資料, 我終於係上年開左FB.  我無通知我的朋友, 因為佢地好小砌模型, 同埋我d朋友都話而家得老餅先睇FB, 咁我係老餅ma.....  點都好, 我係上個星期, 慢慢整理好我模型的相片放係自己的FB album度.

係呢幾個月, 我都有post下我的成品係FB部份group入面.  而我開始成日睇有幾多人like我的成品.  有部份係得10幾個like.  我又會諗, 人地素組, 影下模型盒都過百個like啦.  我砌的模型都吾會差得過模型盒掛.....我的心情竟會受like數影響, 而更過份係我返左屋企, 應該係陪小朋友時都成日掛住睇手機.

今朝坐地鐵返工時, 我覺得自己好膚淺.  我一直不屑的行為, 竟然發生係自己身上.  諗深一層, 以我一個飽歷人生玩幾個月都攪成咁, 好難怪一班心志未成熟的小朋友會沉迷.  今次的經歷亦令自己引以為介.  FB只係一個工具, 我覺得我整好一個Album留紀錄無問題, 出post分享無問題, 不過要放開Like數, 吾好沉迷.  享受砌模型, 享受親子生活.

我enjoy砌，都enjoy討論，吹下模型水。大家傾下講下先有火砌落去。

多謝各位師兄鼓励.  做左幾十年人,  無諗過自己會咁.  不過好彩醒得快.  雖然醒, 不過都要提住自己吾好介懷呢d野.  開開心心砌模型好了.  

正如我教我6歲的小朋友, 每個人都係獨一無二.  吾駛同人比.

其實藝術吾藝術睇你點睇一樣野。以我自己的準則，玩具是拎來玩。例如合金，公仔等。舉個例，一隻好高技術工藝的手錶，賣幾十萬。有人欣賞佢的工藝，當藝術品咁欣賞。但對有錢佬来講可能只係一件玩具。其實你當佢乜吾緊要，只要自己喜歡便可以。

我以前覺得自己砌得好吾錯的模型，今日睇可能覺得好吾掂。我enjoy自己一路越来越高的要求，我仲成日欣賞自己的作品。有時仲會出手fix一d以前模型的小問題。總之我好enjoy.

講番like的問題，放上網俾人讚當然開心。小like又代表自己件野好差？i don’t think so!

好似我最近完成隻sdcs zeta, fb無乜人睇。但我自己好鐘意wor.  我成日望住之前的成品，所有改動都係我認為原件不足的地方。我好滿意而家的成品。顏色，比例完全做到本身想做的效果。係手油補油個part未收貨！我而家提自己，吾好理人哋like吾like

其實真係無必要討論係吾係藝術的問題。真係要學術討論，先要定義何謂藝術，咁既然跟本就無一大家認同的定義，仲有乜可以討論？

仲上HKML的都係真係真心鍾意砌模型的人。大家enjoy!  有時間傾何為藝術，不如睇吓我隻sd zeta.  我真係好like自己的改裝架！

大家enjoy!

我終極give up 追like.

我放左隻sd unicorn只有兩個like.  問你死未

多謝師兄支持，大家加油！

無乜所謂啦，經歷左兩個like事件，更加睇開左。都係想開心分享下。有人問野我又識都盡力分享。如果有人欣賞當然更開心