今次係第四次砌SDCS的Zeta Gundam.

第一次係素組.  第二次噴了粉色同TV Animation的淺綠做白色.  第三次係正常配色加陰影色等.

每次做完都覺得吾太滿意, 總係好多問題.  例如第三次的黃噴到一pat屎咁.  但每一次以為自己進步左總又想砌一次呢盒.  不過結果都一樣, 又係油到pat 屎咁.

因為參加了一個永野護齊齊砌活動, 於是又想搞搞佢.  今次我用番之前素組個隻拆左再做.  原來以前打磨都幾差下.  拆之前個隻來砌最慘就係無得用原裝貼紙做遮蓋.  於是對翼又要自己做遮蓋.  頭頂個位又要自己手油.  但呢d遠遠吾夠黃色部位上色的難處理.  膊頭黃色, 腳的裙腳尾等都有小小的黃色要手油.  黃色油遮蓋力極低, 無論手油定噴都好頭痛.   之前個一隻就係黃色噴得吾好, 搞衰晒盒模型.  除左上色之外, 外型上一直覺得佢對腳太長, 於是改高股關節, 改高股關節又需要同時要剪走小小大腳最頂的關節位.  另外, 我覺得前裙甲太突出, 於是又改入番小小.  剛巧Bandai出左盒Zeta同Zaku的optional parts, 於是又試試新 parts.  如果吾改短對腳, 我個人認為新的大腳係幾好睇.  個新的股關節則可有可無.  拳頭有點過大, 不過搵吾到合用, 只可以係另外幾盒optional parts搵個左手緊握拳頭的做形手.

上色方面, 今隻想用比較粉色.
白 : Mr. Hobby 107 + 高達UC09灰做陰影
黑 : 高達UC15深灰 + 高達UC09灰做高光
紅 : 先當白件做, 噴白, 噴陰影, 之後用高達UC20, 因為紅色遮蓋力低, 自然有小小陰影效果.
藍 : 高達UC14紫藍, 用UC09輕噴陰影, 再補主色
黃 : 先上白底, Mr. Hobby No. 58橙噴, 因為橙色遮蓋力低, 我係下方噴多幾下, 上面就小噴幾下, 有小小漸變效果.
其他地方都係手油補色.

呢盒SDCS係小數我比較喜歡的SDCS.  SDCS係我心目中真係好雞肋, 要有好的比例, 其實好難同時滿足所謂SD Mode同CS Mode,  所以成日2頭吾到岸.  而家直頭無晒新產品, 吾知係吾係Bandai已經放棄正統機的SD版?

PS : 呢盒我覺得實物比相靚好多 : )

[ 本帖最後由 ngszewai 於 2021-2-25 02:16 AM 編輯 ]

TV Animation 配色係好特別.  所以即使當時無噴陰影, 無油關節等等我都無收埋佢.  另外, 我個人認為雖然只係縮短小小, 改一改股關節同前裙甲係好加分的.

其實對我來講砌SD真係好治癒.  當無乜Mood, 團火熄熄地, 砌盒SD好快又著番.  而家砌盒SD大約四晚, 剪件打磨一晚, 噴油一晚, 手油補色加滲線又一晚, 最後水貼影相又一晚.  一路砌一路見成果真係好開心.  可惜的是好的SD模型吾多,  結果砌來砌去都係個幾盒.

我訂左幾盒，比較鐘意海盜王。

望落去好難油

因為你鐘意無小腳的SD, 我鐘意有小腳, 3~4頭身的SD.

今次盒Z你可以買optional parts變型, 不過飛機 Mode吾靚.