講起壽屋的D-Style, 佢當年出的時候我真係買左好幾款.  不過當年技術有限, 結果無砌就放左.

偶然見到網上有人放素組完成品, 平平地買來玩下.

入手之後第一印象係, 點解吾同顏色的件吾係分件?  壽屋D-Style原來有好多地方係已上好色, 不過當剪水口時便留低一個好明顯的水口位.  例如灰色的關節位留下白色的水口位.....  但同時, 佢有d 字印係零件上面真係好靚.  只可以講, 完全吾上色的素組完成品絕對KO Bandai的SD.  我覺得比LBB更勝一籌.

拆開晒之後, 花左1個多小時拆散佢, 重新打磨.  將小部份要補縫的位置補一補.  忍痛將本身印好的字磨走, 膊頭的透明件係真係透明, 只係上左色.  因為要打磨水口, 我順手磨走再用3000拋光.  跟手用blu tack小心遮好胸前的章.  準備好噴油上色.

基本上要噴的色好小.  就係黑, 白, 灰 加透明紅.

黑色 : 之前用剩的油.  印象中係深深灰黑.  我另外加左藍.  因為我吾鐘意實黑色.
白色 : 田官 107, 已經係我指定的白色
灰色 : 高達專用淺灰色, 用係關節位及打陰影用.
透明紅 : Finisher透明紅, 薄噴5下

噴就好快, 一個小時搞掂.   不過中間又有一個小插曲.  就係屋企無晒Thinner.  黑,白, 透明紅都無問題, 因為一早開好, 灰色係新油.  結果吾開稀直接噴.  呢個經驗真係好慘.  油太杰, 噴下塞下, 又噴點.  幾經辛苦噴完, 慢慢用白色執.  組合時又發覺自己將下顎位置上下掉轉左, 陰影當然錯晒啦.  點解吾暫停, 買番Thinner再噴?  如果你同我一樣, 係廁所戰士, 你絕對明白開壇收壇的痛苦, 有乜都想快手快腳完成佢.

收拾好之後, 好好休息, 第二晚進行手油的補色, 滲線, 上水貼.  水貼又係淘寶貨.  用就幾張小貼紙, 買就要成張買.  而家好多剩係度.  如果有需要的網友都可通知我, 我剪俾你地.  手油補灰色, 黑色, 黃色, 金色等.  搞下搞下又一晚.

完成之後真係超滿足.  比例好好, 可愛又有型.  要數缺點係本身無提供貼紙, 膊頭的可動位同腳的可動比教差.  其他真係非常好好.

首先吾好意思，下次會post番去SD區。

我都吾只一次表示，bandai新嘅SDCS系列真係吾掂。我玩壽屋D-style只玩過呢盒同scopedog.  真心講，壽屋係外型上係勝過sdcs的。

最近報左一個手油班。阿sir第一堂就係示範手油陰影舊化等。上完第一堂的感想係，手油好似畫畫咁。我覺得真係遠比噴油難掌握。不過所需空間真係細好多。暫時對我來講都係噴為主，手油幫手完成最後補色

附圖就係第一堂整出來.  其實大部份係阿sir整.

經歷左呢一堂, 其實同我心中想的有幾大分別.  首先, 我對舊化, 污穢不堪吾係大興趣.  不過睇見佢用油畫的方式, 用水的濃度分別做成深淺上色.  最後係做到陰影的效果.  不過可能我睇開噴的效果, 如果吾玩舊化, 我覺得噴出來的效果更接近自己喜歡的.

上色同畫畫一樣, 人地識, 每一筆都好似好簡單又有效果, 自己吾識就畫極吾知似乜.  

努力學習!

你吾好講到剩係影得好wor   噴得都好吾錯架.

今次係整好白色佈景, 用支小LED離遠打一打燈.  因為有時攝影棚燈太強烈.  好多實物的效果都睇吾出.

已經以炒價入手2號機.  係整2號時會fix埋拳頭過白, 同頭後面陰影上下掉轉左的問題.

吾係啊, 真係做晒陰影最後先做weathering.

陰影就係深淺, 漸變, 顏色的控制.  比如佢油紅色.  上面油完, 下面加藍再油, 由底油上去.  跟手因水的濃度有半透, 慢慢淺色上去.  但理論我想自己諗得明, 油就真係仆街啦.  所以一跟油, 我覺得同只係係模型上面畫畫咁.