幫手諗下砌乜好
RG Nu 已砌起, 預算今明兩晚加水貼. 不過砌起之後連加水貼的動力都無. 坦白講, 砌得一般般, 盒件一般般. 加左浮遊炮跟本企吾到. 用架都會輕微傾斜. 不過算啦, 有關盒件, 我都幾多意見, 之後寫係成品post啦.
一如既往, 又係時候諗下砌乜.
本人對1/100興趣吾大, 除非係極鐘意的機體. 始終覺得要大我玩PG, 要細緻不如RG. 但睇番RG個List, 無乜邊隻係撩起我把火想即刻砌.
1. RG Wing EW
一直的吾起心肝砌係因為RG版有點瘦. 可能先入為主, 我個人喜歡PG 羽毛版好結實的比例. 等左咁多年, PG都吾出EW. 又吾覺眼有改件. 可能事實係大家都吾太喜歡粗壯的Wing. 我係異類吧......
2. RG Wing Zero
呢盒之前素組了. 而家砌要拆, 要整走貼紙同抹乾淨, 但吾駛剪件磨件. 但RG要拆其實有點煩.....
3. RG RX078
同Wing Zero 一樣.....之前素組了.
4. RG RX-178 Titan
砌完白MK-II, 係想起埋隻黑. 但隻深紫, 黑等等的配色未想好. 上網都吾見有邊盒的用色特別合意. 個人來說都係覺得白色靚仔d.
5. SDCS Zeta
上次同RG Zeta一齊砌, 整得好差. 連水貼都無貼, 相都無影. 已經買過一盒, 但真的有能力再試? 難的位係腳的藍色, 膊頭的黃等. 開之前有點心理壓力
6. SD Nu
砌過2隻, 第一隻吾見得人, 第2者好點, 但都係只可遠觀. 黃色小色件係腰及小腳的位置, 小腳的黑色包膠紙, 槍炮的黑白分色. 總之細位上色的地方好多.
7. PG SF
做錯決定. 連框噴了金色. 打磨好煩. 沙紙一磨, 1~2件就報廢一張小沙紙. 大大增加打磨的時間. 再加上無位長期開檔, 有現實的問題....
玩完一排RG, 對SD有點膽怯..... 吾知玩乜好.
|
分享
