終於搞掂,新年前可以比大家望下~

講d題外話先,今次係第一次搞船仔,其實之前玩開高達所以吾太慣玩d甘細既件~(雖說是1:350)  仲要搞埋蝕刻片><

呢盒模型買左都成年,個時睇到小號手同pit road開左金剛盒模,見個模好靚細緻,價錢合理,抵玩!~同時買埋一套獅鳴既美軍蝕刻片,但係只有欄杆,無樓梯搞到架野吾拖吾水~ 同埋砌好左上下身再拍埋至知~~噢~~好大條"罅"呢個都係最大敗筆,
好多人話第一次砌船會差d,不過個人認為講心機,慢慢搞,參考下其他作品,絕對吾會差~
同埋今次都係第一次拉線,原來要拉得直拉得準,心血都吾少,搞d線都搞左成晚~~(3,4個鐘.. )用aa膠痴真係人都癲~~

吾同砌高達,玩船呢d像真模型一係吾好搞,一搞要搞好佢,吾係有補品都無用~
下次會試下玩1:700,其實我仲有幾架俄佬船,連蝕刻片都買齊,但會有好大勇氣至搞~

癈話講完,各位狠插~
































多謝欣賞!!!~~~


未夠候?!搵舊post睇番我隻舊公仔啦!~~

我有幾盒小號手既船,可以話呢架係甘多盒之中最開模最靚既,一黎可能比例大,二黎佢可能用同pit road同一副模,所以好多地方執起黎好方便~
其實好多地方既夾口都設計左係上面邊位既地方,同埋分左件,用原子灰執就得~

多謝支持!~ 第一次有甘多人鐘意好開心,會再搞多d船分享同好~

其實諗住影相但趕住起貨無搞到~但可以略略講下點做~
1) 架船無作大改動,主船體膠水痴實再用原子灰,粗幼砂紙落水打磨,吾好心急~
2)艦橋部份直砌,都係用原子灰補,先假組合再check下邊度要噴油先~
3)噴深色打底,再噴淺軍艦灰,部份艦面用手油
4)遮貼紙噴,慢慢將地板同牆既色分別出
5)落水貼,我自己用左水貼軟化濟,孖星個枝幾好用~
6)全部件用淺黑wash一次,深淺自己決定
7)上蝕刻片,心機功夫慢慢搞~~
8)拉線,都係心機功夫,燒融膠架拉用aa膠痴,我用aa膠gel, 好處係佢慢慢凝固可以慢慢執位,要訣吾好心急,一定要直先好睇~

同意,號手出既件愈黎愈靚,但個價直追孖星,你睇d車仔就知~~ 玩吾落手~
呢盒絕對玩得過,奈何無任何蝕刻片送,如果想玩可以買新出個幾架美軍DDG艦,佢跟蝕刻片但我懷疑會吾夠用~三百頭度ok抵玩~

我落左套c鳴蝕刻片係呢架船仲有剩會再砌多隻350船~