日本網站自製 1/20 澳門三級方程式, 2001年冠軍左滕琢磨

戰車是意大利車架 Dallara F301, 配當年無敵的無限本田引擎, 再加當時得令的英國 Carlin 車隊.

有豐富 step by step scratch build 相片. 雖然還未完成, 但已非常精彩, 可惜只得日文.

http://motor.geocities.jp/formura1_model/F301m-01.html

[ 本帖最後由 獅象 於 2010-3-16 03:48 PM 編輯 ]

你冇記錯.  之不過, 你唔知或記漏了, 佐滕在2001年是第二次黎玩澳門三仔, 2000年發生左乜野事呢???
冰高! 對! 唔駛估都中 : 又炒!!!

2000年澳門 F3 佐滕同印度車手卡菲基恩同是揸 Carlin, 當年的英國 Carlin 車隊是撗掃世界 F-3 壇, 歐洲的 Euro F3 Series 還未出世, 所以英國 F3 是當時最高水準的. 而佐滕是直屬 Carlin 車手, 一直替 Carlin 參戰英國 F3, 當時同隊隊友是 Anthony Davidson. 而卡菲基恩則是單一場向 Carlin "買位" 只鬥澳門, 因澳門賽事在 11月舉行, 日期是在全世界各地的 F3 賽季完結後, 所以好多車隊是預備多一至兩個參賽名額, 利用臨時 "出租" 來搵外快賺錢的. "租金" 最低消費是港幣50萬, 因為澳門賽會的公開報名費 (全包宴, 即是包埋運費食宿等等) 就是50萬, 但大/出名車隊如 Carlin, Tom's etc. 則是澳門賽會邀請, 即係免費 (當然名額有限啦, 好似一隊兩個, 第三個都一樣要畀報名費).

好嘞, 講翻2000年賽事正題.
第一回合佐滕同卡菲基恩兩架 Carlin/Mugen  lock 左頭行, 邊個攞 pole 唔記得左喇. 一起步, 兩者叮噹馬頭.....第一次入葡京灣, 在葡京酒店 pool side 看台的我已大叫 : "喂! 好收車喇 Sato san!!!  "
佐滕梗係啋我都傻啦, 一於貫徹作風, 直指葡京防撞欄, 炒車收檔. 當年最後賽果由另一個炒王古圖奪標, ( 卡菲基恩又係唔記得左幾時炒左 ) 情況係首次由安全車帶領下過終點, 帶左成好幾個圈, 4-5個圈??  如果唔係古圖真係唔知會唔會衰收尾, 因為好記得安全車出動前, 尾隨第二位的意大利車手慕甸啄得好貼!

再順帶一提, 佐滕在2000年英國 F3 奪得總冠軍, 實力是肯定的, 可惜腦筋同心理質素好有問題. 當屆英國 F3 他的分站成績又是 : 一係贏冠軍, 一係炒車冇分!!!

係06年定05年???
肯定係比利時站 Spa , 落雨, 賽事中途要 re-start, 而 re-start 時駕駛 "超級唔久 (請讀高8度) 里" 車隊的佐滕哥就真係上晒腦話知你, 從後炒落去老舒的車尾.....難怪老舒火都黎埋

好彩記性都唔太差, 原來是2005年. 可惜記錯了佐滕哥的車隊, 06年才是超級唔久理, 05年那時是巴才對

  巴車隊由06年正式成為本田車隊, 就係果年放棄佐滕哥, 真係要好好反省吓啦! 點知06年竟然監硬組隊唔久里黎收容佐膝, 卒之.....最後連本田都....

講講吓模型變左講佐滕, 但不太離題萬丈

話說佐滕在 F1 冇得落腳, 今年走去花旗玩 Indy, 第一場, 第一個灣.......又中!!!  

First-corner IndyCar collision for Sato

http://irl.gpupdate.net/en/indyc ... collision-for-sato/

炒王當之無愧!!!   佐滕san, 明白點解冇班落未?!