用左2個星期左右, 終於完工.

隻GP01 FB係由yahoo bid了隻素組回來, 拆件再上色.可能因為咁, 時間上係快左.  不過關節的強度弱左, GP01 FB跟本企吾到, 要靠後面支木頂住.

其實我覺得砌得好差.  水口磨得吾好, 無消夾口(點解PG都要有夾口), 陰影吾均勻, 眼不見就吾噴, 終之我覺得砌得好hea, 好似好求其.....

點都好啦, 作為闊別2年後再開工, 佢令我好開心, 最小我晚晚都會搵小小時間搞下佢.

同隻2年前的PG GP01影左新相, 希望大家鐘意.

PG01 FB
制作過程
http://www.hkml.net/Discuz/viewthread.php?tid=115584

PG01制作過程同成品係下面:
http://www.hkml.net/Discuz/viewt ... highlight=pg%2Bgp01
http://www.hkml.net/Discuz/viewt ... ght=gp01&page=1



下隻會係PG Astray.  完工之後可以玩 PG 00啦.

[ 本帖最後由 ngszewai 於 2009-11-15 11:34 PM 編輯 ]

再加一張.....................

再加多左張全家福

好多謝各位的讚賞.  不過真心話, 技術真係吾到家.  我吾會明知自己件野掂都扮謙的.

好似之前所講的問題, 其實大家只係係相中見吾到.  如果見實物就會無所遁形.

玩左模型一大段時間, 最怕都係補夾口.  補夾口真係補到不知所謂, 我而家都傾向放棄.....所以你見我好多隻都吾整支槍, 因為吾識補夾口.

上色方面, 砌左幾隻, 都係吾掌握吾到噴陰影的技巧.  (我係底色, 陰影, 底色的噴法).  成日都噴到一tat tat, 跟住用底色慢慢執.  連一條均勻的直線都噴吾到.

有好多細部, 想油, 不過我又搞吾掂手油.  痴膠紙再噴又搞吾掂.

改造呢類咁高層次的更加吾駛預我.

唯一我對自己欣賞的地方係用色.  通常都合自己心水.

你見我成屋PG, 係因為我鐘意佢的氣勢.  仲有砌個時的分件, 又小夾口.同埋佢十世先一隻, 如果儲MG真係吾知點算.  點都好, 一隻又一隻的模型都見証了我技術上的轉變.  真係俾我選的話, 係我心目中, 最好的係HY2M Strike Freedom.  好多夾口, 當時補得好過而家.....

多謝各位欣賞.

我以前的作品 :
１／６０　Strike Freedom
http://www.hkml.net/Discuz/viewt ... ghlight=%2Bngszewai

PG Wing
http://www.hkml.net/Discuz/viewt ... ghlight=%2Bngszewai

睇番以前的作品，　真係想喊出來。　　我成日都覺得，　模型係自己的興趣。　　我記得砌每一隻模型時的情景。　　睇番佢地，　睇番之前的成品post, 好似一篇篇日記，　當時的開心吾開心都記起晒。。。。