小弟條頸痛左3日 左邊痛
左邊頸筋明顯比右邊突出 肌肉緊晒
"鏈"極都係咁緊 依家條筋拉住痛
阿媽又吾比我去睇醫生 有冇師兄知咩事同點解決?
萬分感謝
Ps.小弟有脊柱側彎症 會吾會有關係?
又或者會吾會係因為長期"夾"住個電話既關係?

之前我發燒燒到接近40度我阿媽都吾比我去睇醫生啦
佢就自己少少腰骨痛都話要去排街症 佢話細路仔病下冇事
我個肺都有事啦 大力少少呼吸都痛 佢米又係吾比我去睇醫生
好采吾係成日都有事姐(個肺 但係2~3個禮拜就一次 痛一陣就冇事嫁啦 好在 )
我依D長期病患者睇黎都英年早逝嫁啦 吾好話結婚生仔 咁搞法連個中學都未讀完可能已經打得柴

我每日都係"宅"住右手訓
師兄既意思係換邊?(吾係踢波

等我試下先 不過依家真係痛到掂一掂都好似比人打咁
依家連掂下左邊d頭髮都痛(刺痛

父母都係土生土長香港人

我依家連出街阿媽都吾比
話約左同學去睇戲都要一個星期前入紙
放學遲少少番黎都要好似審犯咁
有次我遲左落堂 我阿媽係我上緊堂果時打黎 好采set左震機
放學出到去問佢咩事 佢問:點解咁晏仲未番到黎
(果日係多一堂 晏D放 再加上老師有野講)
我都吾明點解14歲都搞到好似4歲咁 仲慘過坐監
聽赤君師兄講 今晚試下訓另一邊睇下會吾會好D先
至於係米冇錢睇街症,依層就吾係 只係阿媽吾鍾意我去睇醫生姐
最吾明係點解佢1~2個月就因為腰骨痛去睇醫生就得 我傷風感冒甚至依家咁既情況都吾比
岩岩同佢講左,佢同我講:要睇你就自己比錢去睇 吾好煩到我 如果你要去睇咁你就吾好番黎啦 我煮緊飯 吾好煩我
咁樣, 仲要今日係母親大人牛一 父親大人番左大陸工幹
夜少少搵D冬青膏擦下再訓另一邊身睇下好吾好D先 吾好既先再睇下點算
多謝各位關心
Ps.依家仲有少少頭痛,靜係左邊後尾"怎"個位

[ 本帖最後由 lotty424 於 2009-10-24 07:51 PM 編輯 ]

佢同成班麻甩佬拎晒架生番上大陸釣魚姐 吾好心邪
最主要係我阿公果邊有D親戚既仔仔女女(米姐係又係親戚)住佢去釣魚果邊
佢想做D咁既野都幾難

[ 本帖最後由 lotty424 於 2009-10-24 08:03 PM 編輯 ]

我都想 我岩岩同我阿媽講多次
佢話:擦D叉青膏再睇下點先啦 成日都話睇醫生 細路仔病下就冇事嫁啦
我個咀當堂O晒 算啦,就黎食飯 今晚早D訓 聽照睇下點再向各位REPORT啦(聽日仲要出去九龍同阿嫲食生日飯)

沖完涼好左少少啦 過埋今晚睇下點先再算

講過啦 都係咁
今日好左少少啦 不過都仲係痛到飛起 佢都係吾比我睇醫生
依家仲要出去燒野食
岩岩換衫果時見到自己左邊博頭係比右邊博頭長同埋肋骨係向左少少左 吾係置中  我都嚇親 嚇到呆左兩秒
一直都吾覺 今日好鬼覺 跟住條頸又生左d一粒粒既野 好似熱"廢"果 D
仲要出去燒野食 唉
同佢講多都無謂 睇下繼續多幾日會點先啦
再吾掂下星期約阿婆飲茶用阿婆壓力迫佢囉(不過佢都吾會理 仲會鬧番我阿婆 不過多一個人知好過冇人知 )
就黎可以草定錢幫自己做定身後事

[ 本帖最後由 lotty424 於 2009-10-25 05:38 PM 編輯 ]

吾係我想去 而係阿嫲生日 吾去吾得
我老豆去釣魚係因為佢要帶團 搵錢

其實我老豆都係d咁既人
有親咩周身骨痛同佢講 佢都只會答你:熱氣/做多D運動/小小事睇咩醫生 死吾去嫁
唉,想係我屋企搵個正常都冇

岩岩阿婆行過我地鋪頭,我係鋪頭食緊早餐
跟住我同阿婆講 阿婆好緊張
跟住我阿媽反而鬧我阿婆 話:細路仔病下冇事嫁啦 少少痛就話去睇醫生 有錢都吾係咁晒ar馬?
依家吾只頸痛 係頭痛一直向下去到成隻左手都痛 跟住同阿媽講 佢都係話 少少痛睇咩醫生呀!?
依家真係痛到連功課都做吾到 但係又有好多功課
食左止痛丸都仲係咁痛
跟住我阿媽又走去睇我果幾粒好似熱"廢"既野(尋日去左藥房買左枝藥膏搽)
跟住阿媽話有可能"生蛇"(我阿爸同D伯父阿叔+埋阿爺都有生過 )
但係我阿媽又吾比我去睇醫生 佢話過多幾日爆大鑊先喎
跟住我同佢講:爆得黎我都死左啦! 佢就話:咁你就快D去死啦
我臨走佢同我講:你咁鍾意睇醫生你米自己去睇囉,自己比埋錢 不過今日紅色 吾知有冇醫生嫁喎(仲要D語氣好串)
跟住我就番左上屋企 痴9線 邊有D咁既阿媽嫁

14歲就生 真係夠晒好玩
大佬 咁我點番學 星期四仲要UT
最主要係 會吾會有疤,我仲要見人嫁大佬

依家開始冇咁痛 阿媽終於肯比我去睇醫生
不過佢話係打電話過去健康院Book位睇街症 仲要睇日有位就睇 冇位就吾好煩佢
不過佢仲未覆我有冇位
咁搞法實"七蛇上面"

佢話冇位喎 跟住叫我睇樓下商場果 D 跟住又話樓下商場果 D靜係識醫傷風感冒 乜都佢講晒
依家冇咁痛啦 可能D止痛藥有用掛 唉 我都吾知點好
佢又吾比我去急症 最主要係去到幾粒鍾最後佢可能又係比冬青膏我
功課又未搞掂 仲有成座山咁多 全部聽日交 做到今晚都吾知做吾做得完 我閃先

終於可以睇醫生
不過屯門醫院d醫生真係好垃圾
今日勁少人 排急症 15分鍾走得 拎藥
放左學去睇 順便接阿公出院(阿公前幾日吾舒服入左院)
入到去醫生見到 跟住話:你生蛇
我耳仔後面生左幾粒野 吾知咩黎 佢又吾理
入左去冇半分鍾 靜係講左句:你生蛇,得嫁啦 出去等叫名拎藥
跟住就趕左我走
叫完名 去搵姑娘拎番藥單果 D野
跟住同姑娘講醫生冇睇到果幾粒野
姑娘就話:你生蛇丫嗎 係甘嫁啦
跟住又趕左我走
跟住阿媽黎到同我會合+接阿公
我講完比佢知咩事之後阿媽即刻去搵姑娘
跟住話:醫生冇睇到喎! 點解吾睇? 有冇搞錯呀!
跟住姑娘話:佢生蛇呀 係咁嫁啦 果幾粒野係跟住嫁
阿媽:生蛇會有幾粒野係耳仔後面!? 依家條蛇生係頸喎小姐!
姑娘:生蛇嚴重D丫嗎 睇吾到掛!
阿媽:咁如果個有個人斷手又斷腳咁點!?邊樣嚴重D!?
姑娘:Sorry囉!幫你去安排睇多次醫生啦!
阿媽:吾該晒喎~!(勁串既語氣)
入到去見醫生,醫生問:又咩事呀!?(勁串
阿媽:醫生,岩岩佢(我)同我講你話左比佢知佢生蛇 咁耳仔後面咩黎? 同埋生蛇會咁短?(條"蛇"約兩隻1/144gundam手)
醫生:果段神經線係得咁短咁條蛇米咁短囉!耳仔後面叫淋巴瘤,頸/頭發炎就會出現嫁啦 好正常姐 吾洗理嫁!
阿媽:咁你頭先又吾講比佢知?
醫生:佢細個,講佢都吾明嫁啦!!
阿媽:中三啦喎!仲細個? 你同佢講左都等我同佢得個知字丫!! 你依家咩意思先!!
醫生:...... sorry囉 我依家安排你去拎藥(又趕人走)

估吾到依家D醫生真係
(個醫生好後生)
夜少少沖完涼再搽藥膏 不過知枝野真係好鬼細枝